Eklesiastis 11:9 - BIBLIA - traduson antigu in Krioulo

⁹ Joven, fika kontenti na bu nobresa, bu goza dias di bu juventudi. Yanda na kamiñu di bu korson, ku kil ku bu uju misti, ma ka bu diskisi kuma Deus na julgau pabia di tudu ki kusas.

Eklesiastis 11:9 ပူးပေါင်းရင်းမြစ်များ

Kumsada 3:6

Minjer oja ki arvuri kuma i bon pa kume, i bonitu na si uju; i kumsa dijal pa i pudi dal ntindimentu. I tira si fruta, i kume, i da tambi si omi; kila kumel juntu ku el.

Kumsada 6:2

Fijus di Deus oja kuma fijus femia di omis e bonitu. E kasa ku kilis ke mistiba.

1 Reis 18:12

Si N fikau, i pudi sedu ku Spiritu di SIÑOR na lebau pa N ka sibi nunde. Si N bai konta Akab, ma el gora i ka bin ojau, i na matan, ma ami, bu servu, N rispita SIÑOR desdi ku N sedu rapas.

1 Reis 18:27

Oca me-dia toka, Elias kumsa na fasi elis trosa, i fala: “Bo grita mas risu, pabia el i deus. Talves i na papia ku algin, o i sta okupadu, o i bai bias; o talves i na durmi, i ten ku kordadu!”

1 Reis 22:15

Oca ki ciga nunde rei, kila puntal: “Mikaias, no dibi di bai geria kontra Ramot-Jilead, o no ka dibi di bai?” I falal: “Bai, bu na ngaña vitoria, pabia SIÑOR na ntregal na mon di rei!”

Jo 31:7

Si ña pe ta disvia di kamiñu, si ña korson bai tras di ña uju, si ña mon pega kualker pekadu,

Salmus 81:12

Asin N ntrega elis pa diseẑus di se korson, pa e yanda konformi se propi pensamentu.

Eklesiastis 12:1

Na dias di bu nobresa, lembra di kil ku kumpou, antis di ki dias mau ciga, ku ki anus ku bu na bin fala: “N ka ten sabi.”

Eklesiastis 12:14

Deus na bin julga tudu kusa ku fasidu, si i bon o i mau, mesmu kil ku fasidu sukundidu.

Eklesiastis 2:10

Tudu ku ña uju oja, i misti, N ka nega ranjal; N ka tuji ña korson kualker kusa sabi. N fika kontenti ku tudu ña tarbaju; ki kontentamentu ku sedu pagu di tudu ku N fasi.

Eklesiastis 3:12

N rapara kuma i ka ten kusa minjor pa elis mas di ki pa e fika kontenti, e fasi ben nkuantu e sta ku vida.

Eklesiastis 3:17

N fala na ña sintidu kuma Deus na julga kil ki justu ku kil ki mau, pabia i ten tempu markadu pa kada planu, ku kada kusa ku na fasidu.

Eklesiastis 6:9

I minjor pa kontenti ku kil ku bu oja di ki bu diseẑu na yanda-yanda ku kubisa. Es tambi i bakatela, suma algin ku na serka bentu.

Eklesiastis 7:14

Na dia ku kusas na kuri sabi, fika kontenti, ma na dia ku kusas na kuri mal, pensa diritu. Deus kumpu es, i kumpu ki utru tambi; asin omi ka pudi sibi ke ku na bin sedu dipus.

Jeremias 23:17

E ta fala sempri pa kilis ku njutin: ‘SIÑOR fala kuma bo na ten pas.’ Pa kilis ku na yanda konformi duresa di se korson e ta fala: ‘Mal ka na bin riba di bos.’ ”

Jeremias 7:24

Ma e ka obi ña palabra, nin e ka para sintidu; e yanda konformi vontadi di se korson duru i malvadu. E yanda pa tras; e ka bai pa dianti.

Miskiñu di Jeremias 3:27

I bon pa un omi sta bas di ordi na si nobresa.

Numerus 15:30

“Ma si algin ntema i fasi mal, nin ki fiju di Israel o stranjeru, i na tiradu na metadi di pobu pabia i njuti SIÑOR,

Numerus 15:39

Ki borlas na sta na bo dianti pa, kada bias ku bo oja elis, bo pudi lembra di mandamentus di SIÑOR, bo obdisi elis, pa bo ka sedu infiel, bo disvia di mi pa bai tras di diseẑu di bo korson ku bo uju.

Numerus 22:32

Anju di SIÑOR puntal: “Ke ku manda bu suta bu buru te tris bias? N sai pa bin tajau kamiñu, pabia e bias ku bu sta nel i ka sta bon ña dianti,

Mateus 5:28

Ma N na konta bos kuma, tudu algin ku jubi minjer ku mau pensamentu, i kai ja ku el na si korson.

Lukas 12:19

N ta fala ña kabesa: ‘Omi, bu tene manga di kusa guardadu pa manga di anu. Diskansa, bu kume, bu bibi, bu divirti.’

Atus 14:16

Na tempu ku pasa i disa tudu nasons pa e yanda na kamiñu ke misti,

Atus 24:25

Oca i kumsa na fala kusa di yanda diritu, ku guberna no vontadi, ku juisu ku na bin, Féliŝ fika ku medu, i falal: “Gosi i justa; bu pudi bai. Ora ku N ten tempu N ta torna comau.”

Romanus 14:10

Abo, pa ke ku bu na julga bu ermon? O abo tambi, pa ke ku bu na njuti bu ermon? Anos tudu no ten ku parsi dianti di tribunal di Deus.

1 Koríntius 4:5

Asin, ka bo julga antis di ora. Bo pera tok Siñor bin. I na pui na lus kusa ku sukundidu na sukuru. I na mostra kalkulus ku sta dentru di jinti. Dipus, Deus ta ngaba kada kin suma ki mersi.

2 Koríntius 5:10

pabia anos tudu no ten ku parsi dianti di tribunal di Kristu, pa kada kin risibi konformi i fasi na kurpu, ben o mal.

Ripitison di Lei 29:19

Algin ku si korson sta disviadu, ora ki obi palabras de maldison, i ta njata na si korson, i fala: “N na ten pas, mesmu ku N kontinua na yanda na ña temusia ku camidera.” Ma es na tisi kastigu garandi.

Ebreus 9:27

Tudu jinti ten ku muri un bias; dipus, julgamentu na bin.

Josué 7:21

Oca N oja, na metadi di kusas tomadu na gera, un bon kapa di Babilonia, mas di ki dus kilu di prata ku un bloku di uru ku pesa mas di ki meiu kilu, N mistiba elis dimas, N toma. Ala elis sukundidu dentru di ña tenda, na con, ku prata mas pa bas.”

2 Pedru 3:7

ma seu ku tera di aos, ki mesmu palabra di Deus na guardal pa fugu; i na guardadu suguru pa dia di juisu, ora ku jinti ku nega Deus na kabadu ku el.