Eklesiastis 11:5 - BIBLIA - traduson antigu in Krioulo

⁵ Suma ku bu ka sibi kal ki kamiñu di bentu, nin kuma ku os ta forma na bariga di preñada, asin tambi bu ka ntindi tarbaju di Deus, kil ku fasi tudu kusas.

Eklesiastis 11:5 ပူးပေါင်းရင်းမြစ်များ

Jo 37:23

Deus ku ten tudu puder, no ka pudi yangasal. El i garandi na puder; i ka ta kalka ningin na si justisa; i ta fasi tudu diritu.

Jo 38:4

“Nunde ku bu staba oca ku N pui alisersu di mundu? Kontan, si bu ten ntindimentu.

Jo 5:9

El i ta fasi kusas garandi ku no ka pudi ntindi, ku milagris ciu ku no ka pudi konta.

Salmus 104:24

O SIÑOR, bu fasi manga di koldadi kusas! Bu fasil tudu ku jiresa; mundu inci ku bu kriaturas.

Salmus 40:5

SIÑOR ña Deus, kusas garandi ku bu fasi pa nos i ciu dimas. I ka ten ningin suma bo! Tambi bu tene planus pa nos; N mistiba papia pa anunsia aserka delis, ma e ciu dimas pa konta.

Salmus 92:5

SIÑOR, kusas ku bu fasi i garandi; bu pensamentus i fundu dimas.

Eklesiastis 1:13

N pui sintidu pa rabista, pa N studa ku jiresa tudu ku pasa bas di seu. Es i kargu kansadu ku Deus pui riba di omis!

Eklesiastis 1:6

Bentu ta bai pa sul, i ta rabida pa norti; sempri i ta fika i na boltia, i riba pa si rumu ki sai nel.

Eklesiastis 11:4

Kil ku na oja pa bentu, nunka i ka na sumia; kil ku na jubi nuvens, nunka i ka na kebra.

Eklesiastis 3:10

N nota kargu pisadu ku Deus pui riba di omi, pa kansal.

Eklesiastis 3:11

I fasi tudu kusa bonitu pa si tempu sertu; tambi i da omi sintidu di kil ku pasa ku kil ku na bin, ma omi ka pudi ntindi ke ku Deus fasi disna di kumsada te na kabantada.

Eklesiastis 7:24

Kualker kusa ku jiresa sedu, i sta lunju, i fundu dimas; kin ku na ojal?

Eklesiastis 8:17

Dipus N oja tudu ku Deus fasi. N oja kuma omi ka pudi ntindi ke ku ta fasidu ne mundu. Pa mas ku omi pui forsa pa diskubril, i ka na bin ntindil. Nin ku omi jiru fala kuma i sibi, i ka pudi sibi.

Isaias 40:28

Bu ka sibi? Bu ka obi kuma ki Deus ku ka ten kumsada nin kabantada, ku sedu SIÑOR, kil ku kumpu tudu parti di mundu, i ka ta kansa, nin si forsa ka ta kaba? Ningin ka pudi sibi ke ki na pensa.

Bon Noba di Jesus Kristu ku Jon 3:8

Bentu ta supra nunde ki misti; bu ta obi si baruju ma bu ka ta sibi nunde ki ta sai nel, nin pa nunde ki na bai. I asin tambi ku tudu jinti ku padidu di Spiritu di Deus.”

Romanus 11:33

O fundura di rikesa di jiresa di Deus, ku si kuñisimentu! Kin ku pudi splika kusas ki disidi? Kin ku pudi ntindi si planu?