Eklesiastis 10:10 - BIBLIA - traduson antigu in Krioulo

¹⁰ Si feru di mancadu sta moku, i ka moladu, i pirsis buri forsa; jiresa ta pui kusa sai diritu.

Eklesiastis 10:10 ပူးပေါင်းရင်းမြစ်များ

1 Reis 3:9

Asin, bu ta dan korson di ntindimentu pa guberna bu pobu, pa N pudi sibi rapara kil ki bon ku kil ki mau, pabia kal algin ku pudi guberna es bu pobu garandi?”

1 Kronikas 12:32

di jorson di Isakar: 200 ŝef, jiru pa sibi ke ku Israel dibi di fasi, ku minjor tempu pa fasil, ku tudu se ermons ku ta obdisi se ordi;

Eklesiastis 10:11

Si kobra murdi antis di i nkantadu, i ka ten remediu pa nkantadur, nin si i ten jitu.

Eklesiastis 10:15

Tarbaju di tulu ta kansal; nin i ka kunsi kamiñu di prasa.

Eklesiastis 10:9

Kil ku na koba pedra, pedra pudi molostal; kil ku na raca leña i sta na pirigu.

Eklesiastis 2:13

N oja kuma jiresa i mas bon di ki tulesa suma ku lus i mas minjor di ki sukuru.

Eklesiastis 9:18

Jiresa i minjor di ki instrumentus di gera, ma un algin ku ta fasi pekadu i ta dana manga di kusa bon.

Mateus 10:16

Ali N na manda bos suma karnel na metadi di lubu; gosi bo dibi di jiru suma kobra, mansu suma pumba.

Romanus 16:19

Tudu jinti sibi kuma bo ta obdisi. E ku manda N kontenti ku bos. N misti pa bo jiru pa kusa bon, pa bo sedu inosenti pa kusa ku ka bali.

1 Koríntius 14:20

Ermons, ka bo sedu mininus na ntindimentu; bo sedu mininus na fasi mal, ma na ntindimentu bo sedu jinti maduru.

Ripitison di Lei 32:41

ora ku N mola ña spada ku ta lampra, N pegal na mon pa julga, N na torna vingansa pa ña inimigus; tambi N na paga kilis ku ten odiu di mi.

Kolosensis 4:5

Bo yanda na jiresa ku kilis ku ka sedu krenti, bo purbita kada oportunidadi ku bo ten.

Tiagu 1:5

Si un di bos ka sibi ke ki dibi di fasi, pa i pidi Deus jiresa; i ta dadu. Deus ta da tudu jinti ku vontadi; i ka ta nfastia.