Eklesiastis 1:9 - BIBLIA - traduson antigu in Krioulo

⁹ Kil ku seduba i na torna sedu; kil ku fasidu i na torna fasidu mas. Asin i ka ten nada nobu bas di sol.

Eklesiastis 1:9 ပူးပေါင်းရင်းမြစ်များ

Eklesiastis 1:10

O i ten un kusa ku pudi faladu: “Jubi, e kusa i nobu”? Nau, i kusa ku seduba ja disna, antis di no padidu.

Eklesiastis 2:12

Ke ku nobu rei pudi fasi si i ka kil ku utrus fasiba ja? Dipus N rabida N na pensa na jiresa ku tulesa ku dudesa.

Eklesiastis 3:15

Kil ku sedu gosi i seduba ja. Kil ku na bin sedu tambi, i seduba ja. Deus ta coma kil ku pasa pa i bin mas.

Eklesiastis 6:10

Kil ku izisti i dadu ja nomi; naturesa di omi i kunsidu ja. Nin un omi ka pudi diskuti ku algin ku mas el forti.

Eklesiastis 7:10

Nunka ka bu punta: “Ke ku manda dias ku pasa i minjor di ki es?” I ka jiresa e koldadi purgunta.

Isaias 43:19

Ali N na fasi un kusa nobu; i na rebenta ja foja; bo ka ojal? Ali N na yabri kamiñus na lala, ku rius na kau seku.

Jeremias 31:22

Fiju disobdienti, te kal tempu ku bu na yara ku kamiñu, bu na yanda-yanda? SIÑOR kumpu un kusa nobu na mundu: un minjer ku na proteẑi un omi.”

2 Pedru 2:1

Suma i tenba anunsiaduris falsu antigamenti na metadi di jinti, asin tambi i na ten pursoris falsu na bo metadi. E na miti nsinamentu ki ka bardadi, ku ta dana; e ta nega Mestre ku liberta elis; e ta tisi danu di repenti riba di se kabesa.

Apokalipsi 21:1

N oja un nobu seu ku nobu tera, pabia purmeru seu ku purmeru tera pasa ja. Mar ka ten mas.

Apokalipsi 21:5

Kil ku sinta na tronu i fala: “Jubi, N na fasi tudu kusa nobu.” I fala mas: “Skirbi, pabia e palabra i bardadi, i di fiansa.”