Eklesiastis 1:14 - BIBLIA - traduson antigu in Krioulo

¹⁴ N jubi diritu pa tudu tarbaju ku ta fasidu bas di sol, N oja kuma tudu i bakatela, suma kin ku na serka bentu.

Eklesiastis 1:14 ပူးပေါင်းရင်းမြစ်များ

Eklesiastis 12:8

Filósofu fala: “Bakatela! Bakatela! Tudu i bakatela!”

Eklesiastis 2:11

N jubi tudu ki obras ku ña mon fasi, ku tudu tarbaju ku N kansa na fasi; N oja kuma tudu i bakatela, suma algin ku na serka bentu. I ka tenba nin un purbitu bas di sol.

Eklesiastis 2:17

Asin N bin nfastia vida, pabia tarbaju ku ta fasidu bas di sol, pa mi i kansadu ba. Sin, tudu i bakatela, suma algin ku na serka bentu.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.

Eklesiastis 3:19

Kil ku ta sedu ku omis, i ta sedu tambi ku limarias. Mesmu kusa ta pasa ku elis tudu. Manera ku un ta muri, asin ku utru ta muri; tudu tene mesmu folgu. Omi ka ten nin un purbitu mas di ki limaria; elis tudu, se vida i bakatela.

Eklesiastis 4:16

I pudi manda riba di manga di jinti ku ka pudi kontadu, ma kilis ku bin tras del e ka na kontenti ku el. Na bardadi es tambi i bakatela, suma kin ku na serka bentu.

Eklesiastis 4:4

N nota kuma i nveẑa di si kumpañer ku ta pui omi tarbaja ciu ku jitu pa i pudi ngaña. Es tambi i bakatela, suma algin ku na serka bentu.

Eklesiastis 4:6

Minjor bu tene son un mon incidu, bu ten pas, te pa bu tene dus mon incidu, bu na tarbaja suma bu na serka bentu.

Eklesiastis 6:9

I minjor pa kontenti ku kil ku bu oja di ki bu diseẑu na yanda-yanda ku kubisa. Es tambi i bakatela, suma algin ku na serka bentu.

Eklesiastis 8:16

N pui sintidu pa kunsi jiresa, pa N jubi tarbaju ku ta fasidu na mundu, pabia, nin di dia, ku fadi di noti, omi ka ta fica uju pa durmi.