Eklesiastis 1:13 - BIBLIA - traduson antigu in Krioulo

¹³ N pui sintidu pa rabista, pa N studa ku jiresa tudu ku pasa bas di seu. Es i kargu kansadu ku Deus pui riba di omis!

Eklesiastis 1:13 ပူးပေါင်းရင်းမြစ်များ

Kumsada 3:19

Bu na kume bu kumida ku kalur di bu rostu, tok bu riba pa con nunde ku bu tiradu; pabia bu kumpudu ku reia; bu na torna sedu reia.”

Jo 28:3

Omis ta bai te na sukuru, e ta buska na kau mas fundu di con, e ta koba pedras na sukuru.

Salmus 111:2

Kusas ku SIÑOR fasi i garandi; kilis ku ta kontenti ku elis e ta pensa ciu nelis.

Ditus 18:1

Dingidu ta buska si propi interes; kusa ku tudu jinti sibi i sertu, el i ka ta konkorda ku el.

Ditus 18:15

Korson di ntindidu ta ngaña kuñisimentu; oreja di jiru i ta buskal pa sibi.

Ditus 23:26

Ña fiju, dan bu korson; ba ta jubi manera ku N ta yanda.

Ditus 25:2

Gloria di Deus i pa kubri kusas; gloria di reis i pa diskubri sigridu.

Ditus 4:7

Jiresa i kusa mas importanti; buskal tok bu tenel; nin si i kusta tudu ku bu tene, buska kuñisimentu.

Eklesiastis 1:17

N pui sintidu pa ntindi jiresa, pa N ntindi tambi ke ki tulesa ku ke ki kabesa mbariadu, ma N bin rapara kuma i suma N na serka bentu.

Eklesiastis 11:5

Suma ku bu ka sibi kal ki kamiñu di bentu, nin kuma ku os ta forma na bariga di preñada, asin tambi bu ka ntindi tarbaju di Deus, kil ku fasi tudu kusas.

Eklesiastis 12:12

Ña fiju, i ten utru kusa ku bu dibi di toma sintidu ku el. I ka ten limiti di fasi librus; manga di studu ta kansa kurpu.

Eklesiastis 2:23

Tudu si vida i son dur ku tarbaju ku kasabi; te di noti si sintidu ka ta diskansa. Es tambi i bakatela.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.

Eklesiastis 3:10

N nota kargu pisadu ku Deus pui riba di omi, pa kansal.

Eklesiastis 3:11

I fasi tudu kusa bonitu pa si tempu sertu; tambi i da omi sintidu di kil ku pasa ku kil ku na bin, ma omi ka pudi ntindi ke ku Deus fasi disna di kumsada te na kabantada.

Eklesiastis 4:4

N nota kuma i nveẑa di si kumpañer ku ta pui omi tarbaja ciu ku jitu pa i pudi ngaña. Es tambi i bakatela, suma algin ku na serka bentu.

Eklesiastis 4:8

I ten un omi ku sta el son, ku ka tene fiju nin ermon; i ta tarbaja sin para, pabia i ka ta farta junta rikesa. I ka ta punta: “Kin ku N na tarbaja pa el, manera ku N ta nega diskansa pa N goza ña vida?” Es tambi i bakatela, i un vida kansadu.

Eklesiastis 7:25

N rabida N pui sintidu pa punta, pa buska jiresa, pa ntindi roson, pa sibi kuma malvadesa i kusa di tulesa, tambi pa sibi kuma fasi kusas tulu i dudesa.

Eklesiastis 8:9

N oja es tudu, oca ku N pui sintidu na tudu kusas ku fasidu na mundu. I ten tempu ku omi ta manda riba di si kumpañer pa fasil mal.

1 Timótiu 4:15

Pui sintidu ne kusas, bu pega tesu nelis, pa tudu jinti pudi oja kuma ku bu na bai dianti.