Efésius 6:4 - BIBLIA - traduson antigu in Krioulo

⁴ Abos papes, ka bo provoka raiba na bo fijus, ma bo kria elis na disiplina ku nsinamentu di Siñor.

Efésius 6:4 ပူးပေါင်းရင်းမြစ်များ

Kumsada 18:19

N kujil pa i pudi da ordi pa si fijus ku si familia dipus del, pa e yanda na kamiñu di SIÑOR, e fasi kil ki diritu i bon, pa SIÑOR pudi fasi pa Abraon kil ki fala i na fasi.”

1 Kronikas 28:20

Davi fala si fiju Salomon: “Sedu forti, bu ten koraẑen, bu fasi tarbaju. Ka bu medi, nin ka bu disanima, pabia SIÑOR Deus, ña Deus, i sta ku bo. I ka na disau, nin i ka na bandonau, tok bu kaba tudu tarbaju pa sirvis di kasa di SIÑOR.

1 Kronikas 29:19

Pui ña fiju Salomon pa i dija ku tudu si korson obdisi tudu bu mandamentus, leis ku ordis, pa i pui sintidu pa kumpu e templu ku N purpara ja kusas pa el.”

Ditus 19:18

Kria bu fiju diritu nkuantu i ten inda speransa. Si bu ka fasi asin, bu na judal pa i muri sedu.

Ditus 22:15

Tulesa sta na fundu di korson di mininu, ma disiplina ku mantampa ta tiral nel.

Ditus 22:6

Nsina mininu na kamiñu ki dibi di yanda; ora ki bin beju i ka na disvia del.

Ditus 29:15

Mantampa ku disiplina ta da jiresa, ma rapas ku disadu fasi ke ki misti i ta pui si mame na borgoña.

Ditus 29:17

Kria bu fiju diritu, i ta dau pas, i tisi kontentamentu pa bu vida.

Isaias 38:19

Jinti bibu, i jinti bibu ku na bin ngabau, suma mi aos. Papes na konta fijus manera ku bu sedu bardadi.

Efésius 6:3

“pa tudu kuriu diritu; bu tene vida kumpridu na tera.”

Ripitison di Lei 4:9

Toma sintidu ku bu kabesa, bu guarda bu vida diritu, pa ka bu diskisi di ki kusas ku bu oja ku bu uju, pa ka e pirdi na bu korson nkuantu bu sta di vida. Bu na kontal pa bu fijus ku fijus di bu fijus.

Ripitison di Lei 6:7

Nsina elis pa bu fijus, bu fala aserka delis ora ku bu sta sintadu na bu kasa, o bu na yanda na kamiñu, ora ku bu na dita o bu na lanta na kama.

Kolosensis 3:21

Abos papes, ka bo irita bo fijus, pa ka e fika disanimadu.

2 Timótiu 1:5

N lembra di fe puru ku bu ten, ku staba purmeru na bu dona Loida ku bu mame Eunisi. N fia sertu kuma i sta tambi na bo.

2 Timótiu 3:15

kuma disna di bu mininesa bu sibi Skritura Sagradu ku pudi fasiu jiru pa salbason pa fe na Kristu Jesus.

Josué 24:15

Si bo ka konkorda pa sirbi SIÑOR, bo kuji aos kin ku bo dibi di sirbi, si i ki deusis ku bo papes sirbiba na utru ladu di riu, o si i deusis di amoreus ku bo mora propi na se tera. Ma ami ku ña familia, no na sirbi SIÑOR.”

Ŝefis 13:12

Manoá puntal: “Ora ku bu palabra bin kumpri, kal ku na sedu manera di vivi di mininu, ku si tarbaju?”