Efésius 6:16 - BIBLIA - traduson antigu in Krioulo

¹⁶ Riba de kusas tudu, bo toma fe suma darga ku bo ta pudi paga ku el tudu fleŝa di fugu ku ki malvadu na ferca pa bos.

Efésius 6:16 ပူးပေါင်းရင်းမြစ်များ

Kumsada 15:1

Dipus de kusas tudu pasa, SIÑOR bin papia ku Abron na vison, i falal: “Abron, ka bu ten medu. Ami i bu tajadera; N sedu bu garandi premiu.”

2 Samuel 22:36

Bu ta difindin, bu ta salban; bu mansesa pun pa N sedu garandi.

Salmus 120:4

I na kastigau ku fleŝas gudu di tropas, ku brasas di fugu di leña di karbon.

Salmus 7:13

I purpara ja si material ku ta mata, i sta pruntu pa manda si fleŝas di fugu.

Ditus 18:10

Nomi di SIÑOR i suma tori forti; algin justu ta kuri pa el, i fika suguru.

Mateus 5:37

Basta bu fala: ‘Sin’ ora ki sedu sin, ‘Nau’ ora ki sedu nau, pabia tudu ku sedu mas di ki es i bin di ki algin malvadu.

2 Koríntius 1:24

No ka misti forsa bos na bo krensa, pabia bo sta firmi na fe, ma no na tarbaja juntu ku bos pa bo pudi sta mas sabi.

1 Tesalonisensis 5:19

Ka bo paga fugu di Spiritu di Deus.

1 Tesalonisensis 5:8

ma anos, suma ku no sedu di dia, no dibi di sedu seriu; no pui fe ku amor suma armadura di pitu. No ten speransa di salbason suma kapasiti.