Efésius 6:14 - BIBLIA - traduson antigu in Krioulo

¹⁴ Asin, bo firma risu; bo tene bardadi suma sintu ku bo mara; bo vida retu i ta sedu bo armadura di pitu.

Efésius 6:14 ပူးပေါင်းရင်းမြစ်များ

2 Reis 3:21

Tudu moabitas obiba kuma ki reis saiba ja pa geria kontra elis. Asin tudu omis, beju ku nobu, ku sibiba ja usa material di gera, e comadu, e pudu na fronteras.

Jo 29:14

N kubriba ku bondadi suma ropa; ña vida justu i seduba suma manta ku koroa.

Isaias 11:5

I na guberna si pobu ku justisa ku bardadi.

Isaias 59:17

I bisti retidon suma si armadura di pitu, i pui kapasiti di salbason na si kabesa, i bisti vingansa suma ropa, i kubri ku dedikason suma panu.

Lukas 12:35

“Bo sta purparadu ku sintu maradu, ku lus na kanderu.

Romanus 13:12

Noti pasa ja; dia ciga. No dispi tudu kusas ku ta fasidu na sukuru; no bisti armadura di lus.

2 Koríntius 6:7

ku puder di Deus, ku no manera di konta palabra di bardadi; es tudu i ta mostra kuma no sedu servus di Deus. No tene no vida justu suma no arma pa ataka, tambi pa difindi.

Efésius 5:9

Nunde ku lus sta, tudu bondadi ta nasi, ku kusa justu, ku bardadi.

Efésius 6:13

Asin bo bisti tudu armadura di Deus. Ora ku dia mau ciga, bo na pudi risisti. Dipus di geria te na fin, bo ta sta firmi inda.

1 Tesalonisensis 5:8

ma anos, suma ku no sedu di dia, no dibi di sedu seriu; no pui fe ku amor suma armadura di pitu. No ten speransa di salbason suma kapasiti.

1 Pedru 1:13

Asin, bo purpara bo ntindimentu pa tarbaju, bo pui tudu sintidu. Bo pui tambi tudu bo speransa na fabur ku bo na dadu ora ku Jesus Kristu bin.

Apokalipsi 9:17

I asin ku N oja ki kabalus na manera ku N mostradu el. Kilis ku monta elis e teneba kurasa burmeju suma fugu, azul suma safira, amarelu suma nŝofri. Kabesa di kabalu seduba suma kabesa di lion. Fugu na saiba na se bokas, ku fumu ku nŝofri.

Apokalipsi 9:9

Se pitu tajadu ku un armadura suma feru, ku comadu kurasa. Baruju di se asas i suma baruju di manga di karu di kabalu ku na kuri pa gera.