Efésius 6:11 - BIBLIA - traduson antigu in Krioulo

¹¹ Bo bisti tudu armadura ku Deus da bos, pa bo pudi fika firmi kontra armadilia di astusia di diabu,

Efésius 6:11 ပူးပေါင်းရင်းမြစ်များ

Neemias 4:13

Asin N pui guardas tras di mura nunde ki staba mas bas, mas abertu pa ataki. N pui jinti familia, familia, ku se spadas, kañakus ku mansasas.

Markus 13:22

pabia i na lanta finjiduris ku na fala kuma elis i Kristu, o elis i anunsiaduris; e na fasi sinal ku milagri pa ngana, si e pudi, te kilis ku Deus kuji.

Romanus 13:12

Noti pasa ja; dia ciga. No dispi tudu kusas ku ta fasidu na sukuru; no bisti armadura di lus.

Romanus 13:14

ma bo kubri ku armadura di Siñor Jesus Kristu. Ka bo alimenta mau diseẑu di bo naturesa.

1 Koríntius 10:13

Tudu koldadi tentason ku bin pa bos i suma di tudu jinti, ma Deus i fiel; i ka na disa pa bo tentadu mas di ki kil ku bo pudi ku el; na ora di tentason i ta da tambi manera di kapli, pa bo pudi nguental.

2 Koríntius 10:4

Armas ku no ta geria ku el e ka sedu suma kilis di mundu, ma i arma ku ten puder di Deus pa kebra muras forti.

2 Koríntius 11:3

N ten medu pa ka bo pensamentu dana, pa bo bandona ki amor puru ku bo ten pa Kristu, suma ku serpenti ku si astusia ngana Eva,

2 Koríntius 2:11

pabia no sibi kal ki si planu mau.

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Koríntius 6:7

ku puder di Deus, ku no manera di konta palabra di bardadi; es tudu i ta mostra kuma no sedu servus di Deus. No tene no vida justu suma no arma pa ataka, tambi pa difindi.

Efésius 4:14

pa ka no sedu mas mininu ku ta boia na maron, ku ta lebadu na tudu urdumuñu di nsinamentu di omis ku ta ngana jinti ku astusias di tarpasa,

Efésius 4:24

pa bo bisti nobu naturesa ku Deus kumpu, ku na mostra na vida di bardadi, justu i puru.

Efésius 6:13

Asin bo bisti tudu armadura di Deus. Ora ku dia mau ciga, bo na pudi risisti. Dipus di geria te na fin, bo ta sta firmi inda.

Kolosensis 3:10

bo bisti ja naturesa nobu ku na arnobadu sempri na parsensa di kil ku kumpul; bo na lebadu pa kunsi Deus diritu.

1 Tesalonisensis 5:8

ma anos, suma ku no sedu di dia, no dibi di sedu seriu; no pui fe ku amor suma armadura di pitu. No ten speransa di salbason suma kapasiti.

Ebreus 7:25

E ku manda tambi i pudi da salbason kompletu pa kilis ku bin pa Deus na si nomi, suma ki na bibu pa sempri pa i roga Deus pa elis.

Tiagu 4:7

Asin, bo baŝa pa Deus; bo firma kontra diabu; i ta kuri di bos.

1 Pedru 5:8

Bo disperta, bo sedu jiru, pabia bo inimigu, ku sedu diabu, i na yanda na bo roda, suma lion ku na somna, i na buska kil ki pudi nguli.

Judas 1:24

Deus ku ten puder pa libra bos di kai, pa leba bos dianti di si pursensa gloriosu, sin kulpa, ku alegria,

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.

Apokalipsi 2:24

“‘N na fala pa bos utrus ku sta na Tiatira ku ka seta e nsinamentu, nin bo ka kunsi ke ku comadu fundura di Satanas: N ka na pui bos utru kargu.

Ŝefis 3:2

I fasi es son pa pudi nsina gera pa ki fijus di israelitas ku nunka ka spurmentaba gera.