Efésius 6:1 - BIBLIA - traduson antigu in Krioulo

¹ Abos fijus, bo obdisi bo papes, pabia i bon pa bo fasi asin, suma ku bo sedu di Siñor.

Efésius 6:1 ပူးပေါင်းရင်းမြစ်များ

Kumsada 28:7

I oja tambi kuma ku Jakó obi si pape ku si mame, i bai pa Padan-Aran.

Kumsada 37:13

Israel fala José: “Bu sibi kuma bu ermons e sta pertu di Siken, e na bakia. Bin, N na mandau pa elis.” I ruspundil: “N sta pruntu.”

Kumsada 48:12

José tira elis lungu di juju di Israel, i mpina si dianti ku rostu te na con.

Kumsada 50:12

Asin fijus di Jakó fasi suma ki manda elis.

Neemias 9:13

“Bu disi di seu riba di monti Sinai; bu fala ku bu pobu, bu da elis regras retu ku leis di bardadi, ku bon ordis ku mandamentus.

Ester 2:20

Ester ka konta kin ki si familia ku si pobu, konformi Mardokeu dalba ordi, pabia Ester kontinua obdisi ordi di Mardokeu, suma oca ki na krialba.

Jo 33:27

Ki omi na bai dianti di jinti, i fala: ‘N peka; N tursi kil ku seduba diritu; ma N ka kastigadu konformi N mersi.

Salmus 119:128

E ku manda N sibi kuma tudu bu ordis i retu; tambi N nuju tudu kamiñu falsu.

Salmus 119:75

O SIÑOR, N sibi diritu kuma bu leis i justu. bu kastigan pabia bu sedu fiel.

Salmus 19:8

Ordis di SIÑOR i retu, i ta kontenta korson; mandamentu di SIÑOR i puru, i ta da ntindimentu klaru.

Ditus 1:8

Ña fiju, para sintidu na nsinamentu di bu pape; ka bu disa kusa ku bu mame nsinau,

Ditus 23:22

Obi bu pape ku dau vida; ka bu njuti bu mame ora ki bin beju.

Ditus 30:11

I ten jinti ku ta maldisua se pape, e ka ta papia ben di se mame.

Ditus 30:17

Kil ku ta fasi trosa di si pape, o i njuti obdisi si mame, korvus brabu na rinkal uju; fijus di agia na kumel.

Ditus 6:20

Ña fiju, obdisi ordis di bu pape; ka bu njuti nsinamentu di bu mame.

Jeremias 35:14

Jonadab, fiju di Rekab, da ordi pa si fijus pa ka e bibi biñu. Ki ordi obdisidu; e ka ta bibi biñu te aos, pabia e obdisi ordi di se pape. Ma ami, N papia ku bos kada parmaña; bo ka ta obdisin.

Jeremias 35:18

Jeremias fala familia di rekabitas: “Asin ku SIÑOR ku ten tudu puder, Deus di Israel, fala: ‘Suma ku bo obdisi mandamentu di bo pape antigu, Jonadab, bo guarda tudu si nsinamentus, bo fasi tudu konformi si ordi,

Jeremias 35:8

No obdisi tudu ku no pape Jonadab, fiju di Rekab, mandanu; nunka no ka ciga di bibi biñu, nin anos, nin no minjeris, nin no fijus macu o femia,

Oseias 14:9

Kin ki jiru? I na sibi kuma e kusas i sertu. Kin ku ten ntindimentu? I na ntindi elis. Kamiñus di SIÑOR i retu; jinti justu na yanda nelis, ma kilis ku ta kebra lei e na kai na ki kamiñus.

Sirmonias 19:3

“Kada un di bos ten ku rispita si mame ku si pape, i guarda ña dias di diskansu. Ami i SIÑOR bo Deus.

Lukas 2:51

Jesus riba ku elis pa Nazaré, i kontinua na obdisi elis. Si mame fika i na guarda tudu ki kusas na si korson.

Romanus 12:2

Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

Romanus 16:2

pa bo risibil na nomi di Siñor suma ku krentis dibi di risibi ŋutru. Bo judal ku tudu ki pirsisa di bos, pabia el i juda manga di jinti; ami tambi i un delis.

Romanus 7:12

Lei i puru; mandamentu tambi i puru, i justu, i bon.

1 Koríntius 15:58

Asin, ña kiridu ermons, bo sedu firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.

Ripitison di Lei 21:18

Si algin tene un fiju rebeldi ku ta ntema dimas, ku ka ta obdisi si pape ku si mame; nin si i kastigadu, i ka ta obi,

1 Timótiu 5:4

ma si un viuva tene fiju o netu, ki fijus dibi di sibi purmeru fasi se dever riliẑiosu ku se propi familia, pa paga obrigason pa se papes, pabia i el ku Deus ta kontenti ku el.

1 Pedru 2:13

Pa amor di Siñor bo baŝa pa tudu otridadi di omi, suma rei ku sta riba di tudu,

Ruti 3:5

Ruti falal: “N na fasi tudu ku bu falan.”

1 Samuel 17:20

Davi lanta mandrugada, i fika si karnel na mon di un guarda, i toma si kargu, i pega kamiñu, suma ku Jesé falalba. I ciga na kampamentu oca tropas na sai pa forma na pusison di gera, e na grita pa yentra na gera.