Efésius 5:2 - BIBLIA - traduson antigu in Krioulo

² Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

Efésius 5:2 ပူးပေါင်းရင်းမြစ်များ

Kumsada 8:21

SIÑOR sinti ki ceru sabi, i fala na si korson: “Nunka mas N ka na maldisua tera pabia di omi, nin ku si korson ta jingi sempri pa mal, disna di si mininesa. N ka na torna mata tudu kriatura bibu, suma ku N fasi.

Saida 29:18

Dipus, bu na kema tudu karni di karnel riba di altar; i oferta kemadu ku ta cera sabi, oferta ku pasadu na fugu pa SIÑOR.

Saida 29:25

Dipus bu na toma elis na se mon, bu kema elis riba di oferta kemadu na altar. Es i oferta kemadu ku na cera sabi pa SIÑOR.

Sirmonias 1:13

Partis di dentru ku pernas ten ku labadu ku yagu; saserdoti na pursental tudu, i na kemal riba di altar. I na sedu oferta kemadu, pasadu na fugu, ku ta cera sabi dianti di SIÑOR.

Sirmonias 1:17

I na pega na si asas, i findil, ma i ka na kaba kebral. Dipus saserdoti na kemal na fugu di leña ku sta na altar. I na sedu oferta kemadu, pasadu na fugu, ku ta cera sabi dianti di SIÑOR.

Sirmonias 1:9

Partis di dentru ku si pernas e na labadu ku yagu; saserdotis na kema tudu ki partis riba di altar; i na sedu oferta kemadu, pasadu na fugu, ku ta cera sabi dianti di SIÑOR.

Sirmonias 3:16

Saserdoti na kema ki partis na altar suma oferta di kumida, oferta kemadu ku ta cera sabi. Tudu gurdura i di SIÑOR.

Amos 5:21

“N nuju bo festivalis, N njuti elis. Bo juntamentus ka ta dan nada di kontentamentu.

Mateus 20:28

suma Fiju di omi, ku ka bin pa i sirbidu, ma pa sirbi, i pa da si vida pa libra manga di jinti.”

Bon Noba di Jesus Kristu ku Jon 13:34

N na da bos mandamentu nobu, pa bo ama ŋutru; suma ku N ama bos, asin tambi ku bo ta ama ŋutru.

Bon Noba di Jesus Kristu ku Jon 6:51

Ami i ki pon bibu ku ria na seu; si algin kume de pon li, i ta vivi pa sempri. Pon ku N na da bos i ña karni ku N na da pa jinti di mundu pudi tene vida.”

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

Romanus 4:25

I ntregadu pa i pudi muri pabia di no pekadu; i lantandadu pa no pudi sedu justu.

Romanus 8:3

Deus fasi kil ku lei ka pudiba fasi, di manera ku no naturesa fraksi lei: i manda si Fiju ku kurpu suma no kurpu di pekadu, pa i sedu sakrifisiu pa pekadu, tambi pa i kondena pekadu na no naturesa,

Romanus 8:37

Ma na tudu e kusas, no na sedu mas di ki vensiduris pabia di kil ku amanu,

1 Koríntius 16:14

Tudu ku bo na fasi, pa i sedu ku amor.

1 Koríntius 5:7

Bo ten ku bota fora fermentu beju di pekadu, pa bo sedu limpu, pa bo sedu nobu masa sin fermentu, suma ku bo sedu na bardadi, pabia Kristu, ki no Karnel di Paskua, i sakrifikadu ja pa nos.

2 Koríntius 2:14

No pudi fala Deus obrigadu, el ku ta lebanu suma katibu di vitoria di Kristu. I ta usanu pa no fasil kunsidu na tudu parti suma purfumu ku na spaja,

2 Koríntius 2:15

pabia no sedu suma ki ceru sabi di nsensu ku Kristu na kema pa Deus. Kilis ku na salba, tudu ku kilis ku na pirdi, e na sinti ki ceru.

2 Koríntius 8:9

Bo sibi kuma no Siñor Jesus Kristu staba pruntu pa da. El i seduba riku, ma pa amor di bos i bida pobri, pa i pudi fasi bos riku pabia di si pobresa.

Gálatas 1:4

Pa libertanu de tempu mau ku no sta nel, Kristu da si vida pa no pekadu, suma ku Deus no Pape mistiba,

Gálatas 2:20

N sta ja krusifikadu ku Kristu. N na vivi; i ka ami ku na vivi, ma Kristu na vivi na mi. Vida ku gosi N na vivi na kurpu, N na vivil na fe ku N ten na Fiju di Deus, kil ku aman, i ntrega si vida pa mi.

Efésius 1:4

Mesmu antis di mundu kumpudu, Deus kujinuba ja na Jesus pa no sedu si pobu, sin kulpa si dianti, incidu di amor.

Efésius 3:17

pa Kristu mora na bo korson pabia di bo fe, pa bo pudi tene rais ku alisersu fundu na amor,

Efésius 3:19

N misti pa bo kunsi si amor, kontudu i mas no ntindimentu, pa bo inci kun ku tudu ku Deus sedu.

Efésius 4:15

ma pa no fala bardadi ku amor, pa no pudi kirsi kompletu na Kristu ki kabesa.

Efésius 4:2

ku tudu umildadi, mansesa ku pasensa. Bo nguenta ŋutru ku amor.

Efésius 5:15

Bo toma sintidu kuma ku bo na yanda. Ka bo yanda suma kil ki ka jiru, ma suma algin jiru.

Efésius 5:25

Abos omis, bo ama bo minjer suma ku Kristu ama igreẑa, i da si vida pa el,

Ripitison di Lei 27:6

ma usa son pedras ku ka kortadu pa kumpu altar di SIÑOR bu Deus. Bu ta pursenta riba del ofertas kemadu pa SIÑOR bu Deus,

Filipensis 4:18

N risibi ciu; kil ku bo mandan i ciu dimas. N tene tudu ku N pirsisa del, suma ku Epafroditu dan kil ku bo mandan. I suma oferta ku ta cera sabi pa Deus, ki ta kontenti pa risibi.

Kolosensis 3:14

Riba di tudu e kusa bo buri amor ku ta liga tudu kusa pa forma unidadi kompletu.

1 Tesalonisensis 4:9

I ka pirsis pa N skirbi bos di amor entri bos ermons, pabia Deus nsina bos kuma ku bo dibi di ama ŋutru.

1 Timótiu 2:6

kil ku da si kabesa pa liberta tudu jinti, pa da proba na tempu propi kuma Deus misti salba tudu jinti.

1 Timótiu 4:12

Ka ningin lebsiu suma ku bu nobu inda, ma sedu isemplu pa krentis, na bu palabra, na bu manera, na amor, na fe, na puresa.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Ebreus 8:3

Tudu ŝef di saserdoti pudu pa i pursenta ofertas ku sakrifisius; asin e saserdoti tambi i ten ku tene un kusa pa pursenta.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

Ebreus 9:23

Ki kusas ku sedu figuras di kil ku sta na seu tenba ku purifikadu de manera, ma propi kusas di seu pirsisa di sakrifisiu mas minjor di ki esis,

Ebreus 9:26

Si i asin, i tenba di sufri manga di bias disna di kumsada di mundu, ma gosi, na kabantada di tempu, i parsi un bias pa sempri pa sakrifika si vida pa kaba ku pekadu.

1 Pedru 4:8

Riba di tudu, bo ama ŋutru ku tudu bo korson, pabia amor ta kubri manga di pekadu.

1 Jon 3:16

I es ku manda no sibi ke ki amor, suma ku Kristu da si vida pa nos. Anos tambi no dibi di da no vida pa no ermons.

1 Jon 3:23

Es i si mandamentu, pa no fia na nomi di si Fiju Jesus Kristu, pa no ama ŋutru suma ki manda.

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,

Apokalipsi 5:9

E na kantaba un kantiga nobu ku fala: “Abo i mersidur di toma libru, pa kebra si selus, pabia bu matadu; ku bu sangi bu kumpra omis pa Deus di tudu rasa, tudu lingua, tudu pobu ku tudu nason.