Efésius 5:14 - BIBLIA - traduson antigu in Krioulo

¹⁴ E ku manda i fala na un kantiga: “Korda, abo ku na durmi! Lanta na metadi di mortus; Kristu ta numiau.”

Efésius 5:14 ပူးပေါင်းရင်းမြစ်များ

Isaias 26:19

Bu mortus na bibu, se kurpus na lanta. Abos ku mora na reia, bo disperta, bo grita ku kontentamentu, pabia bu serenu na sedu suma serenu ku ta arnoba paja. Con na da vida pa ki difuntus ku sta nel.

Isaias 51:17

Disperta, disperta! Lanta, o Jerusalen, abo ku toma na mon di SIÑOR ki kopu di si raiba, bu bibil. Ki bibida ku ta pui algin singa-singa, bu bibil tudu ku si bitbit.

Isaias 52:1

Disperta, disperta, o Sion. bu arnoba bu forsa! Jerusalen, prasa sagradu, bisti ki bu ropa bonitu, pabia nin un algin ku ka sirkunsidadu, ku fadi kil ku ka puru, ka na yentra mas na bo.

Isaias 60:1

Lanta, bu brilia, pabia bu lus bin; gloria di SIÑOR na mansi riba di bo.

Lukas 1:78

Suma no Deus ten garandi pena ku amor, e ku manda sol di mandrugada di seu na lanta riba di nos,

Lukas 15:24

pabia e ña fiju staba mortu, i torna bibu; i pirdiba, i ojadu.’ E kumsa ku kontentamentu.

Bon Noba di Jesus Kristu ku Jon 8:12

Jesus torna papia ku jinti, i fala: “Ami i lus di mundu; kin ku ta sigin ka ta yanda na sukuru, ma i ta tene lus di vida.”

Bon Noba di Jesus Kristu ku Jon 9:5

Nkuantu N sta na mundu, ami i lus di mundu.”

Atus 13:47

pabia asin ku Siñor danu ordi, i fala: ‘N pou pa lus di jintius, pa bu leba salbason te fin di mundu.’ ”

Romanus 6:13

Ka bo ntrega membrus di bo kurpu pa pekadu, suma feramentu di mal, ma bo ntrega bo kurpu pa Deus, suma bibus ku tiradu na metadi di mortus. Bo ntrega bo membrus pa Deus suma feramentu di fasi ben.

1 Koríntius 15:34

Bo riba pa bon kamiñu; ka bo yanda mas na pekadu. N na fala pa bo borgoña kuma utrus inda ka sibi nada di Deus.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

Efésius 2:1

Na tempu ku pasa bo spiritu staba mortu pabia di bo pekadu ku maldadi.

Efésius 2:5

i vivifikanu juntu ku Kristu, oca no spiritu staba inda mortu pabia di no pekadu. I pabia di si fabur ku no sedu salbu.

Kolosensis 3:1

Bo lantandadu pa vida juntu ku Kristu. Asin bo pui sintidu na kusas ku sta na seu, nunde ku Kristu sinta na direita di Deus.

1 Tesalonisensis 5:6

Ka no durmi suma utru jinti; no fika kordadu; ka no cami.

2 Timótiu 1:10

ma gosi i mostradu klaru suma ku no Salbadur Kristu Jesus bin bin mundu. El i kaba ku puder di mortu; na Bon Noba i mostranu vida ku ka na kaba mas.

2 Timótiu 2:26

Asin se juisu ta torna diritu, e ta kapli di lastru di diabu ku prindiba elis, i pui elis pa e obdisi si vontadi.