Efésius 4:5 - BIBLIA - traduson antigu in Krioulo

⁵ I ten un Siñor son, un fe son, un batismu son,

Efésius 4:5 ပူးပေါင်းရင်းမြစ်များ

Zakarias 14:9

SIÑOR na sedu rei riba di tudu mundu. I na ten son un SIÑOR; si nomi na sedu un son.

Mateus 28:19

Asin, bo bai pa jinti di tudu nasons, bo fasi elis ña disipulus. Bo batisa elis na nomi di Pape, di Fiju ku Spiritu Santu.

Atus 10:36

I manda si palabra pa pobu di Israel, pa konta Bon Noba di pas ku ta bin pa meiu di Jesus Kristu. (El i Siñor di tudu jinti.)

Atus 2:36

E ku manda i bon pa tudu pobu di Israel sibi sertu kuma, e Jesus ku bo prega na krus, Deus fasil Siñor, i fasil Kristu tambi.”

Romanus 3:30

suma Deus i un son, ku ta fasi judeu justu pabia di fe; i ta fasi tambi jintiu ku ten fe nel justu.

1 Koríntius 1:13

Nta Kristu sta divididu? O Paulu krusifikadu pabia di bos? O bo batisadu na nomi di Paulu?

1 Koríntius 1:2

N skirbi e karta pa igreẑa di Deus ku sta na Korintu, pa kilis ku santifikadu na Kristu Jesus, ku comadu pa sedu pobu di Deus. N na skirbi tambi pa tudu kilis ku na tudu lugar coma nomi di no Siñor Jesus Kristu; i se Siñor, i di nos tambi.

1 Koríntius 12:13

Anos tudu no batisadu na un Spiritu, pa no forma un kurpu son, judeus ku gregus, katibus ku kilis ku sta libri. I ki un Spiritu ku dadu pa nos tudu no bibi nel.

1 Koríntius 12:5

I ten manga di koldadi sirvis, ma Siñor i ki un son.

1 Koríntius 8:6

ma pa nos i ten son un Deus, Pape, ku kumpu tudu kusas, ku no ta vivi pa el; i ten tambi un son Siñor, Jesus Kristu, ku tudu kusa kumpudu pa si mon, ku anos no na vivi pabia del.

2 Koríntius 11:4

pabia si algin bin, i konta bos aserka di utru Jesus fora di kil ku no konta aserka del, o si bo risibi utru spiritu fora di kil ku bo risibi ja, o utru Bon Noba ku ka juntu ku kil ku bo seta ja, bo ta ngulil ku kontentamentu!

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Efésius 4:13

Asin no na bai tok no ciga na ki unidadi ku bin di no fe, ku no kuñisimentu di Fiju di Deus. No na bin sedu jinti maduru; no na kirsi tok no yangasa altura kompletu di Kristu,

Filipensis 2:11

Kada boka ten ku konta klaru kuma Jesus Kristu i Siñor pa gloria di Deus no Pape.”

Filipensis 3:8

I ka son es, ma N tene tudu utru kusas suma perda kompletu pa amor di kil ku ten muitu mas balur, ku sedu kuñisimentu di Kristu Jesus ña Siñor. Pabia del ku N bota tudu e kusa, N fasi di konta kuma i muntudu, pa N pudi ngaña Kristu,

Titu 1:1

E karta i di mi, Paulu, servu di Deus, apostolu di Jesus Kristu, ku mandadu pa juda na fe di kilis ku Deus kuji, pa leba elis pa kunsi bardadi konformi no fe,

Titu 1:4

N na skirbi pa bo, Titu, ku sedu na bardadi ña fiju na fe ku no juntadu nel. N misti pa Deus no Pape ku Kristu Jesus no Salbadur dau fabur ku pas.

Ebreus 13:7

Bo lembra di bo pastoris ku konta bos palabra di Deus. Bo pensa na manera ke yandaba; bo remenda se fe.

Ebreus 6:6

si dipus e bin kai, e ka ta pudi lebadu utru bias pa ripindimentu, pabia ku se mon propi e na krusifika Fiju di Deus utru bias, e na pui pa jinti fasi trosa del.

Tiagu 2:18

Utru na fala: “Un algin pudi ten fe, utru i ta tarbaja.” Mbon, ki algin pa i mostra si fe sin fasi nada; ami N ta mostrau ña fe ku ña tarbaju.

1 Pedru 3:21

E yagu i figura di batismu ku bo ta pasa nel gosi pa salbason. I ka pa tira susidadi na kurpu, ma i palabra ku no ta da Deus, ku sai na un sintidu limpu. I ta salba pabia Jesus Kristu lanta di mortu,

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

Judas 1:20

Ma abos, amadus, bo fortifika bo vida riba di bo fe ki puru dimas. Bo ba ta ora na Spiritu Santu.

Judas 1:3

Amadu ermons, oca N na buska pa skirbi bos aserka di salbason ku no junta, N sinti garandi nesesidadi di skirbi bos logu, pa da un avisu forti pa bo pega tesu na luta pa fe ku Deus ntrega si pobu un bias pa sempri.