Efésius 4:4 - BIBLIA - traduson antigu in Krioulo

⁴ I ten un kurpu son, ku un Spiritu son, suma tambi ki ten un speransa son ku bo comadu pa el.

Efésius 4:4 ပူးပေါင်းရင်းမြစ်များ

Salmus 122:8

Pabia di ña ermons ku amigus, N na fala: “Pas pa i sta dentru di bo!”

Jeremias 14:8

O, Speransa di Israel, si Salbadur na tempu di foronta! Ke ku manda bu sedu suma ospri na tera, suma algin di bias ku na pasa un noti son?

Jeremias 17:7

“Ma sortiadu i omi ku fiansa na SIÑOR, ku si speransa sta na SIÑOR.

Mateus 28:19

Asin, bo bai pa jinti di tudu nasons, bo fasi elis ña disipulus. Bo batisa elis na nomi di Pape, di Fiju ku Spiritu Santu.

Atus 15:11

No fia kuma no sta salbu pa fabur di Siñor Jesus Kristu, suma elis tambi.”

Romanus 11:29

Deus ka ta muda si sintidu pa kilis ki kuji, i pati kusas.

1 Koríntius 10:17

Manera ki sedu un pon, anos tudu no ciu, ma no sedu un kurpu son, pabia no ta kume di ki un pon son.

1 Koríntius 12:20

ma na bardadi, i ten manga di parti, ku ta forma un kurpu son.

2 Koríntius 11:4

pabia si algin bin, i konta bos aserka di utru Jesus fora di kil ku no konta aserka del, o si bo risibi utru spiritu fora di kil ku bo risibi ja, o utru Bon Noba ku ka juntu ku kil ku bo seta ja, bo ta ngulil ku kontentamentu!

Efésius 1:18

N pidi pa i yabri bo ntindimentu pa bo oja si lus, pa bo pudi sibi kal ki speransa ku bo comadu pa el, pa bo oja rikesa gloriosu di garandi benson ki fala i na da si pobu;

Efésius 2:16

pa i pudi toma ki dus juntadu na un son, i pui pas entri elis ku Deus pabia di si mortu na krus ku pajiga se inimisadi.

Efésius 2:18

I pabia di Kristu ku anos dus rasa no pudi yentra na pursensa di no Pape ku ajuda di ki mesmu Spiritu.

Efésius 2:22

Na union ku el, abos tambi, juntu ku utrus, bo na ba ta kumpudu pa lugar nunde ku Deus ta mora na si Spiritu.

Efésius 4:1

E ku manda, ami ku sedu katibu pabia N na sirbi Siñor, N roga bos pa bo vivi konformi manera di vida ku bo comadu pa el,

Efésius 5:30

pabia no sedu membrus di si kurpu.

Kolosensis 1:5

E fe ku amor e bin di speransa ku sta guardadu pa bos na seu. Bo obi de speransa oca ku palabra di bardadi di Bon Noba ciga pa bos,

Kolosensis 3:15

Pas ku Kristu da, pa i manda na bo korson. I pa e pas ku Deus coma bos tudu juntu na un kurpu. N misti tambi pa bo korson inci gardisimentu.

2 Tesalonisensis 2:16

N ora no Siñor Jesus Kristu propi, ku Deus no Pape ku amanu, ku, na si fabur, danu koraẑen ku ka ta kaba, ku garandi speransa.

1 Timótiu 1:1

Ami Paulu, apostolu di Jesus Kristu konformi mandadu di Deus no Salbadur, ku Kristu Jesus no speransa, N na skirbi pa Timótiu, ku sedu na bardadi ña fiju na fe.

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Titu 3:7

pa no pudi ojadu justu dianti di Deus pabia di si fabur, pa no bin tene vida ku ka ta kaba, konformi speransa ku no ten.

1 Pedru 1:21

I pabia del ku bo fia na Deus ku lantandal na metadi di mortus, i dal gloria, pa bo fe ku bo speransa pudi sta na Deus.

1 Jon 3:3

Tudu ku ten e speransa nel, i dibi di limpa si vida, suma ku el i limpu.