Efésius 4:25 - BIBLIA - traduson antigu in Krioulo

²⁵ Asin, bo disa mintida; bo fala bardadi kada kin ku si kumpañer, pabia anos tudu no sedu partis di mesmu kurpu.

Efésius 4:25 ပူးပေါင်းရင်းမြစ်များ

1 Reis 13:18

Omi beju falal: “Ami tambi i anunsiadur suma bo. Un anju bin kontan palabra di SIÑOR, i falan: ‘Tisil ku bo pa bu kasa pa i pudi kume pon, i bibi yagu.’ ” (Ma i na nganalba.)

Salmus 119:29

Libran di kamiñu di nganu; na bu bondadi nsinan bu lei.

Salmus 15:2

I kil ku ta yanda sin kulpa, i ta fasi kusas ki justu, i ta papia bardadi di si korson;

Salmus 52:3

bu gosta di mal mas di ki ben; bu mas misti papia mintida di ki bardadi. Sela

Saida 23:7

Lunjusi di palabras di mintida. Ka bu kausa mortu pa un algin justu ku ka ten kulpa, pabia algin ku kulpadu, N ka na ojal justu.

Ditus 12:17

Si algin konta bardadi, justisa ta fasidu diritu, ma tustumuña munturus i ta ngana.

Ditus 12:19

Kin ku ta konta bardadi i ta fika pa sempri, ma kin ku ta konta mintida ta tarda son un bokadu.

Ditus 12:22

SIÑOR ta nuju boka di munturus, ma i ta kontenti ku kilis ku ta kumpri se palabra.

Ditus 21:6

Rikesa ku ngañadu ku palabra di mintida i suma serenu ku ta disparsi; tambi i armadilia di mortu.

Ditus 24:28

Ka bu sedu tustumuña kontra bu kumpañer sin roson. Ke ku manda bu na konta mintida ku bu boka?

Ditus 6:17

Uju di orgulyu, lingua di mintida, mon ku ta darma sangi di algin ku ka ten kulpa,

Ditus 8:7

Palabras mau i nujenti pa mi; ña boka na papia bardadi.

Isaias 63:8

SIÑOR fala: “Sin duvida elis e sedu ña pobu, fijus ku ka na konta mintida.” Asin i bin sedu se Salbadur.

Isaias 9:15

(Omi garandi ku rispitadu i sedu kabesa; anunsiadur ku ta nsina mintida, el ki rabu.)

Oseias 4:2

Kusa ku ten nel i son kebra juramentu, konta mintida, mata, furta, pekadu seksual ku violensia. E na darma sangi tudu dia.

Sirmonias 19:11

“Ka bo furta, nin ka bo konta mintida, nin ngana ŋutru.

Zakarias 8:16

Ali kusas ku bo dibi di fasi: Bo papia bardadi, kada un ku si kumpañer. Na porton di prasas bo fasi justisa diritu, ku bardadi ku pas.

Zakarias 8:19

“Asin ku SIÑOR ku ten tudu puder fala: Junjun di kuartu, kintu, setimu ku desimu mis na sedu pa Judá festivalis di kontentamentu ku alegria. Bo ba ta sigi bardadi ku pas.”

Bon Noba di Jesus Kristu ku Jon 8:44

Abos, bo pape i diabu; bo misti fasi si vontadi. El i matadur disna di kumsada. Nunka i ka sikidu na bardadi, pabia bardadi ka sta nel. Ora ki na konta mintida, i ta konta di kil ki sedu propi, pabia i munturus; i pape di mintida,

Romanus 12:5

asin tambi anos no ciu, ma no sedu un kurpu son na Kristu. Kada kin sedu un parti ku liga ku utrus.

1 Koríntius 10:17

Manera ki sedu un pon, anos tudu no ciu, ma no sedu un kurpu son, pabia no ta kume di ki un pon son.

2 Koríntius 7:14

N ka fika ku borgoña pabia di kualker kusa bon ku N fala di bos. Kada palabra ku no ta falaba bos i sedu bardadi. Asin tambi, manera ku no ngaba bos dianti di Titu, i proba kuma i bardadi ku no kontal.

Efésius 4:15

ma pa no fala bardadi ku amor, pa no pudi kirsi kompletu na Kristu ki kabesa.

Efésius 4:22

kuma bo dibi di disa ki manera antigu di vivi, bo pui di ladu ki naturesa antigu ku na bai bas pa mortu pabia di si mau diseẑu nganadur.

Efésius 4:31

Bo kaba ku tudu amargura, brabesa, raiba, gritaria, koba, ku tudu koldadi malisia na bo metadi.

Efésius 5:30

pabia no sedu membrus di si kurpu.

Kolosensis 3:8

Gosi bo ten ku tira tudu e kusa fora, suma raiba, mau jeniu, ku maña. Koba mal ku palabra fiu e ka dibi di sai na bo boka.

Kolosensis 3:9

Ka bo konta palabra di mintida pa ŋutru, pabia bo dispi ja naturesa beju ku si kustumus,

1 Timótiu 1:10

kilis ku ta yanda na vida susu, kilis ku ta torkia atu seksual, furtaduris di jinti, munturusis, ku kilis ku ta lantanda falsu tustumuñu, pa tudu kil ki kontra bon nsinamentu

1 Timótiu 4:2

spajadu pa jinti ku ta konta mintida pa ngana utrus; se konsiensia kingiti suma kil ku kema.

Titu 1:12

Un omi di Kreta ku sedu se diviñadur propi i fala: “Jinti di Kreta sempri i munturus, brutus mau, wuku prigisosu.”

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Ebreus 12:1

Anos tambi, ku tudu e tustumuñas ku rodianu suma nuven, no sakudi tudu kusa ku ta mbaransanu, ku pekadu ku ta lestu ku maranu; no kuri ku tudu mpeñu na kurida ku sta no dianti.

Tiagu 1:21

Asin, bo nega tudu koldadi susidadi ku tudu restu di kabalindadi; bo risibi ku mansesa ki palabra ku parantadu na bos, ku ten puder pa salba bo alma.

1 Pedru 2:1

Bo disa tudu mau maña, tudu nganu, finjimentu, nveẑa, ku tudu palabra mau.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”

Apokalipsi 22:15

Kilis ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.

Ŝefis 16:11

I falal: “Si N maradu tesu ku kordas nobu ku nunka ka usadu, N ta bida fraku suma kualker omi.”