Efésius 4:15 - BIBLIA - traduson antigu in Krioulo

¹⁵ ma pa no fala bardadi ku amor, pa no pudi kirsi kompletu na Kristu ki kabesa.

Efésius 4:15 ပူးပေါင်းရင်းမြစ်များ

Salmus 32:2

Sortiadu i ki omi ku SIÑOR ka oja kulpadu, ku si spiritu ka ten nganu.

Zakarias 8:16

Ali kusas ku bo dibi di fasi: Bo papia bardadi, kada un ku si kumpañer. Na porton di prasas bo fasi justisa diritu, ku bardadi ku pas.

Malakias 4:2

Ma pa bos ku ta rispita ña nomi, ña bondadi ku puder di kura na bin suma raiu di sol ku na mansi. Bo na sai, bo jukuta suma bakasiñus ku dismancadu na se koral.

Bon Noba di Jesus Kristu ku Jon 1:47

Jesus oja Natanael na bin pa el, i falal: “Ali un israelita puru ku ka ten finjimentu.”

Romanus 12:9

Ka bo ten amor finjidu. Bo nega mal; bo pega na kil ki bon.

1 Koríntius 11:3

ma N misti pa bo sibi kuma i Kristu ki kabesa di tudu omi; omi tambi i kabesa di minjer; Deus i kabesa di Kristu.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

2 Koríntius 8:8

N ka na da ordi, ma N na konta kuma ku utrus sta pruntu pa juda, pa N jubi si bo amor i di bardadi.

Efésius 1:22

Deus pui tudu kusa bas di pe di Kristu, i pui Kristu pa i sedu kabesa di igreẑa, pa i sta riba di tudu kusa.

Efésius 1:4

Mesmu antis di mundu kumpudu, Deus kujinuba ja na Jesus pa no sedu si pobu, sin kulpa si dianti, incidu di amor.

Efésius 2:21

I el ku ta liga tudu ki kasa pa i kirsi pa i sedu templu santu pa Siñor.

Efésius 4:25

Asin, bo disa mintida; bo fala bardadi kada kin ku si kumpañer, pabia anos tudu no sedu partis di mesmu kurpu.

Efésius 5:23

pabia omi i kabesa di si minjer suma ku Kristu i kabesa di igreẑa. Na bardadi, el ki Salbadur di kurpu ku sedu igreẑa.

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

1 Pedru 2:2

Bo sedu suma mininu ku kumsa padidu, ku ta faima pa liti. Bo faima pa liti spiritual, puru, pa bo bibil, bo kirsi na vida spiritual.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.

1 Jon 3:18

Ña fijus, ka no ama son ku palabra di boka, ma no ama na bardadi ku kil ku no na fasi.

Ŝefis 16:15

Dalila puntal: “Kuma ku bu pudi fala kuma bu aman ma bu ka fiansa na mi? Tris bias ja bu na fasin trosa; te gosi bu ka kontan nunde ku bu forsa sta nel.”