Efésius 4:14 - BIBLIA - traduson antigu in Krioulo

¹⁴ pa ka no sedu mas mininu ku ta boia na maron, ku ta lebadu na tudu urdumuñu di nsinamentu di omis ku ta ngana jinti ku astusias di tarpasa,

Efésius 4:14 ပူးပေါင်းရင်းမြစ်များ

Salmus 10:9

I ta monta si mboskada, suma lion na si koba; i ta sukundi pa paña koitadi; si i pañal, i ta rastal na si ridia.

Salmus 59:3

Jubi kuma ke na montian pa paña. Omis forti na junta kontra mi, SIÑOR, sin N ka fasi pekadu o kualker kusa di mal.

Isaias 28:9

Kin ki misti nsina? Kusa ki obi, kin ki na splikal el? Mininusiñus ku kumsa tiradu na mama?

Mikeias 7:2

Tudu jinti bon pirdi na tera; i ka ten nin un omi retu. Elis tudu e na sukundi pa darma sangi; kada un na montia si ermon ku ridia.

Mateus 11:7

Dipus di disipulus di Jon bai, Jesus kumsa na fala pobu aserka di Jon, i punta: “Ke ku bo bai jubi na lala? Un kana ku bentu na balansa?

Mateus 24:11

Manga di anunsiadur falsu na lanta, e na ngana manga di jinti.

Mateus 24:24

pabia i na lanta finjiduris ku na fala kuma elis i Kristu o elis i anunsiaduris. E na fasi manga di sinal ku milagri, pa ngana, si e pudi, te mesmu kilis ku Deus kujiba ja.

Atus 23:21

Ka Ñu fia, pabia mas di korenta omi na se metadi yarma mboskada; e jurmenta kuma, kusa mau na oja elis si e kume o e bibi tementi e ka mata Paulu. E sta pruntu, e na pera son pa Ñu seta.”

1 Koríntius 12:2

Bo sibi kuma, oca bo ka kunsiba inda Deus, bo ta rolantadu di manga di manera pa irans ku ka pudi fala nada.

1 Koríntius 14:20

Ermons, ka bo sedu mininus na ntindimentu; bo sedu mininus na fasi mal, ma na ntindimentu bo sedu jinti maduru.

1 Koríntius 3:19

pabia jiresa de mundu i tulesa dianti di Deus, suma ki sta skritu: “Deus ta paña jirus na se nturjisa.”

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

Gálatas 3:1

Abos tulus di Galásia! Kin ku mbarianta bos? Mortu di Jesus Kristu na krus staba klaru na bo uju.

Efésius 6:11

Bo bisti tudu armadura ku Deus da bos, pa bo pudi fika firmi kontra armadilia di astusia di diabu,

1 Timótiu 3:6

I dibi di sedu algin maduru na fe, pa ka i fika incadu ku orgulyu, i bin kai na kondenason suma ku diabu kai.

2 Timótiu 1:15

Bu sibi kuma tudu kilis ku sta na pruvinsia di Asia e bandonan, tudu ku Fijelu ku Ermójenis.

2 Timótiu 3:13

Jinti mau, nganadur, e ta bai kada bias mas mau, e ta ngana utrus; e ta nganadu tambi,

2 Timótiu 4:3

Tempu na bin ke ka na seta bon nsinamentu, ma e na sigi se vontadi propi; e na junta manga di pursor ku na konta elis kusas ku se oreja na kosa elis pa obi.

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

Tiagu 1:6

Ma pa ki algin pidi ku fe; ka i duvida, pabia algin ku ta duvida, i suma onda di mar ku bentu na bulbuli, i na fercadu pa kada ladu.

Tiagu 3:4

Bo jubi tambi barku. Nin ki garandi, ku ta lebadu pa forti bentu, un lemisiñu ta viral pa lugar ku kapiton misti bai.

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.

1 Jon 2:19

E sai na no metadi, ma e ka pertensinu, pabia si elis e seduba di nos e ta fikaba ku nos. E sai pa i pudi mostradu klaru kuma elis i ka di nos.

1 Jon 2:26

N skirbi bos e kusa aserka di kilis ku misti ngana bos.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.

Judas 1:12

E jinti i manca na bo festa di amor. Ora ke na kume ku bos, e ka ta ten rispitu; e sedu bakiaduris ku ta bakia son se kabesa; i suma nuven ku bentu ta leba di un ladu pa utru, ku ka ta cubi; suma po ku ka ta padi na si tempu, i rinkadu tudu ku si rais, i muri un bias.

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.