Efésius 4:13 - BIBLIA - traduson antigu in Krioulo

¹³ Asin no na bai tok no ciga na ki unidadi ku bin di no fe, ku no kuñisimentu di Fiju di Deus. No na bin sedu jinti maduru; no na kirsi tok no yangasa altura kompletu di Kristu,

Efésius 4:13 ပူးပေါင်းရင်းမြစ်များ

Isaias 53:11

Dipus di sufrimentu ki pasa na si vida, i na oja lus, i na fika kontenti. Ña servu justu na justifika manga di jinti ku kunsil, pabia i na leba se pekadu riba del.

Sofonias 3:9

“Na ki tempu N na purifika boka di nasons, pa elis tudu e pudi coma nomi di SIÑOR, e sirbil ku un mesmu sintidu.

Zakarias 14:9

SIÑOR na sedu rei riba di tudu mundu. I na ten son un SIÑOR; si nomi na sedu un son.

Mateus 11:27

Ña Pape ntregan tudu kusa. Ningin ka kunsi Fiju si i ka si Pape; ningin ka kunsi Pape si i ka si Fiju, ku kil ku Fiju misti mostral el.

Bon Noba di Jesus Kristu ku Jon 1:16

Anos tudu no risibi di si rikesa; i danu benson ripitidu.

Bon Noba di Jesus Kristu ku Jon 16:3

E na fasi bos e kusas pabia e ka kunsi ña Pape nin e ka kunsin.

Bon Noba di Jesus Kristu ku Jon 17:21

pa elis tudu sedu un son, suma abo, ña Pape, bu sta na mi, ami na bo; pa elis tambi e sedu un son na nos, pa jinti di mundu fia kuma i abo ku mandan.

Bon Noba di Jesus Kristu ku Jon 17:3

Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.

Bon Noba di Jesus Kristu ku Jon 6:69

Anos no fia, no sibi kuma abo i ki Santu di Deus.”

Atus 4:32

Ki manga di krenti teneba un pensamentu ku un korson. Ningin ka ta falaba: “E kusa li i di mi.” Tudu se kusas, e ta rapatil ku ŋutru.

1 Koríntius 1:10

Ermons, N pidi bos, na nomi di no Siñor Jesus Kristu, pa abos tudu bo fala un kusa son. Ka bo sedu divididu, ma bo uni na un pensamentu ku un sintidu.

1 Koríntius 14:20

Ermons, ka bo sedu mininus na ntindimentu; bo sedu mininus na fasi mal, ma na ntindimentu bo sedu jinti maduru.

1 Koríntius 2:6

Na bardadi no ta papia ku jiresa na metadi di krentis ku maduru na fe, ma i ka jiresa de mundu, nin di otridadis de mundu ku kada dia na pirdi puder.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

Gálatas 4:19

Ña fijus ku N ama, kilis ku N torna na sinti dur di partu pa el, tok Kristu sedu formadu na bos,

Efésius 1:17

N pidi Deus di no Siñor Jesus Kristu, Pape gloriosu, pa i da bos si Spiritu ku na fasi bos pa bo jiru, ku na mostra bos Deus, pa bo pudi kunsil.

Efésius 1:23

Igreẑa i kurpu di Kristu; i inci ku tudu ku Kristu sedu. Kristu, el mesmu, i inci ku tudu ku Deus sedu.

Efésius 4:12

I fasi es pa pudi purpara pobu di Deus pa e tarbaja pa el, pa formason di kurpu di Kristu.

Efésius 4:3

Bo fasi forsa pa ten ligason di pas pa guarda suguru ki unidadi ku Spiritu ta da.

Efésius 4:5

I ten un Siñor son, un fe son, un batismu son,

Filipensis 3:10

N misti son kunsi Kristu, ku puder di si resureison, pa N toma parti na si sufrimentu, pa N parsi ku el na si mortu,

Filipensis 3:8

I ka son es, ma N tene tudu utru kusas suma perda kompletu pa amor di kil ku ten muitu mas balur, ku sedu kuñisimentu di Kristu Jesus ña Siñor. Pabia del ku N bota tudu e kusa, N fasi di konta kuma i muntudu, pa N pudi ngaña Kristu,

Kolosensis 1:28

No ta konta Bon Noba di Kristu pa tudu jinti. Ku tudu jiresa no ta avisa tudu jinti, no nsina elis, pa no pudi pursenta kada un suma algin maduru na si ligason ku Kristu.

Kolosensis 2:2

pa se korson pudi inci di bon animu, pa e sedu unidu na amor, pa e rikusidu na garandi ntindimentu, pa e ten tudu kuñisimentu di sigridu di Deus. E sigridu i Kristu propi,

Ebreus 5:14

ma bianda risu i pa garandi, ku ten manga di spiriensia ku pratika pa ntindi ben ku mal.

2 Pedru 1:4

Pabia de gloria ku garandesa ku manda i fala i na danu garandi kusas di balur, ku pui pa bo pudi kapli di podrisa ku sta na mundu pabia di diseẑus mau, pa bo pudi toma parti na naturesa di Deus.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.

1 Jon 5:20

No sibi kuma Fiju di Deus bin ja, i danu ntindimentu pa no kunsi Deus ki di bardadi. No sta na kil ki di bardadi, ku sedu si Fiju Jesus Kristu. Es i Deus di bardadi; i vida ku ka ta kaba.