Efésius 4:12 - BIBLIA - traduson antigu in Krioulo

¹² I fasi es pa pudi purpara pobu di Deus pa e tarbaja pa el, pa formason di kurpu di Kristu.

Efésius 4:12 ပူးပေါင်းရင်းမြစ်များ

Lukas 22:32

ma N ora pa bo, pa ka bu pirdi fe. Ora ku bu riba mas pa mi, bu ta fortifika bu ermons.”

Atus 1:17

pabia el i seduba un di no grupu; i kujidu pa toma parti ne tarbaju.”

Atus 1:25

pa i toma lugar ne tarbaju suma apostolu, ku Judas bandona pa bai pa lugar ki pertensi.”

Atus 11:23

Oca i ciga, i oja kuma Deus na tarbaja la, i fika kontenti, i konsija elis pa e pega tesu na Siñor ku tudu se korson.

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

Atus 9:31

Asin igreẑa na tudu Judeia, Galileia ku Samaria teneba un tempu di pas. Spiritu Santu fortifika igreẑa, i dal animu. Numeru di krentis na buri; e na vivi ku rispitu pa Siñor.

Romanus 12:5

asin tambi anos no ciu, ma no sedu un kurpu son na Kristu. Kada kin sedu un parti ku liga ku utrus.

Romanus 12:7

Si i di tarbaju pratiku, i ta tarbaja. Si i di nsina, pa i ten vontadi di nsina.

Romanus 14:19

Asin, no ba ta sigi kusa ku ta tisi pas, ku ta judanu pa no edifika ŋutru.

Romanus 15:14

Ña ermons, ami propi N ten sertesa kuma abos bo inci ku bondadi ku kuñisimentu, bo sibi konsija ŋutru.

Romanus 15:2

ma kada un di nos dibi di agrada si ermon pa ben del, pa i pudi kirsi na fe.

Romanus 15:29

N sibi kuma, ora ku N bai visita bos, N na ciga incidu di benson di Kristu.

1 Koríntius 12:27

Abos ku sedu kurpu di Kristu; kada un di bos sedu un parti di si kurpu.

1 Koríntius 12:7

Spiritu ta mostra na kada un na manera diferenti, ma pa ben di tudu,

1 Koríntius 14:12

Ja ku bo dija dons di Spiritu, bo buska manera di usa mas ciu kilis ku ta lantanda igreẑa.

1 Koríntius 14:14

Si N ora na lingua strañu, ña spiritu na ora, ma ña ntindimentu ka na toma parti.

1 Koríntius 14:26

Pa kabanta, ermons, ora ku bo junta pa adorason, un ta tene kantiga, utru tene nsinamentu, utru ta konta kusa ku Deus mostral, utru ta fala lingua strañu, utru ta splikal. Bo fasi tudu pa ajuda di igreẑa.

2 Koríntius 12:19

Talves tudu e tempu bo kuda kuma no misti difindi dianti di bos, ma no na fala dianti di Deus, suma algin di Kristu. Tudu ku no na fasi i pa juda kumpu bos.

2 Koríntius 13:11

Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

2 Koríntius 13:9

No ta kontenti si no sta fraku, abos bo sta forti. El ku no ta pidi Deus, pa i kabanta fasi bos krentis maduru.

2 Koríntius 3:8

kuma ku tarbaju di Spiritu ka na ten muitu mas gloria?

2 Koríntius 4:1

Deus, na si miserikordia, i danu e tarbaju pa no fasi; asin no ka na fika disanimadu.

2 Koríntius 5:18

I Deus ku fasi tudu e tarbaju. El, pabia di Kristu, i fasinu si amigus, i danu tarbaju di fasi utrus si amigus.

2 Koríntius 6:3

No ka misti pa ningin oja falta na no tarbaju. Asin, no ta libra di pui mbaransu na kamiñu di algin.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

Efésius 1:23

Igreẑa i kurpu di Kristu; i inci ku tudu ku Kristu sedu. Kristu, el mesmu, i inci ku tudu ku Deus sedu.

Efésius 4:16

Bas di si orientason tudu parti di kurpu ta filantadu, i ta ligadu, kada junta na si lugar. Si kada parti fasi si propi tarbaju, tudu kurpu ta kirsi pa si formason na amor.

Efésius 4:29

Nin un palabra fiu ka dibi di sai na bo boka, ma son kil ki bon, ku ta juda, ku ta kumpu, ku ta fasi ben pa kilis ku obil.

Efésius 4:4

I ten un kurpu son, ku un Spiritu son, suma tambi ki ten un speransa son ku bo comadu pa el.

Kolosensis 1:24

N kontenti na ña sufrimentu pa bos, pabia e sufrimentu na ña kurpu i na juda kompleta kil ku falta na fadiga di Kristu pa si kurpu ku sedu igreẑa.

Kolosensis 1:28

No ta konta Bon Noba di Kristu pa tudu jinti. Ku tudu jiresa no ta avisa tudu jinti, no nsina elis, pa no pudi pursenta kada un suma algin maduru na si ligason ku Kristu.

Kolosensis 4:17

Bo fala Arkipu pa i pui sintidu pa kabanta tarbaju ki dadu na sirvis di Siñor.

1 Timótiu 1:12

N gardisi kil ku dan forsa, ku sedu Kristu Jesus no Siñor. N falal obrigadu pa manera ki ojan fiel, i pun na si tarbaju,

2 Timótiu 4:11

Son Lukas ku sta ku mi. Coma Markus, bu bin ku el, pabia i pudi judan na tarbaju.

2 Timótiu 4:5

ma abo, fika kalmu na tudu ku na kontisi, bu sufri kansera, bu fasi tarbaju di un ivanjelista, bu fasi tudu sirvis ku bu comadu pa el.

Ebreus 13:17

Bo obdisi bo pastoris, bo suẑeta elis, pabia e ka ta kansa jubi pa bos, suma kin ku ten ku da Deus konta di bo alma. Bo juda elis pa e pudi fasi e tarbaju ku alegria, pa ka e ba ta fasil ku dur di korson, pabia de manera i ka ta bali pa bos.

Ebreus 6:1

Asin no ten ku disa kumsada di nsinamentu aserka di Kristu, no bai dianti pa nsinamentu mas kompletu. Ka no torna pui alisersu di ki purmeru nsinamentu, di ripindi di kusas ku no ta fasi ku ta tisi mortu, di fe na Deus,