Efésius 3:9 - BIBLIA - traduson antigu in Krioulo

⁹ tambi pa mostra tudu jinti kuma ku e planu sukundidu di Deus na pudu na pratika. Deus, ku kumpu tudu kusa, i sukundi e sigridu tudu tempu ku pasa,

Efésius 3:9 ပူးပေါင်းရင်းမြစ်များ

Salmus 33:6

SIÑOR kumpu seu ku si palabra, ku si folgu i kumpu tudu strelas ku lua ku sol.

Isaias 44:24

SIÑOR, bu Libertadur, kil ku formau na bariga, i fala: “Ami i SIÑOR ku fasi tudu e kusas; N distindi seu, N tira tera na yagu, ami son.

Mateus 10:27

Ke ku N konta na sigridu, bo papial di dia; kil ku kontadu na oreja, bo kontal riba di kankra.

Mateus 13:35

pa i pudi sedu suma ku anunsiadur fala: “N na yabri boka pa komparason; N na konta kusas sukundidu disna di tempu ku mundu kumpudu.”

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Mateus 28:19

Asin, bo bai pa jinti di tudu nasons, bo fasi elis ña disipulus. Bo batisa elis na nomi di Pape, di Fiju ku Spiritu Santu.

Lukas 24:47

pa jinti konta di ripindimentu ku purdon di pekadu na si nomi, pa tudu nasons. E na kumsa na Jerusalen.

Bon Noba di Jesus Kristu ku Jon 10:30

Ami ku ña Pape, anos i un son.”

Bon Noba di Jesus Kristu ku Jon 5:17

Jesus ruspundi elis: “Ña Pape na tarbaja te gosi; ami N na tarbaja tambi.”

Bon Noba di Jesus Kristu ku Jon 5:19

Jesus ruspundi elis: “N na konta bos bardadi kuma, Fiju, el son, ka pudi fasi nada si i ka oja si Pape fasil, pabia tudu kil ku Pape fasi, Fiju tambi ta fasil.

Atus 15:18

ku tarda kunsidu.’

Romanus 11:25

Ermons, N misti pa bo sibi e sigridu, pa bo ka yalsa ombra, kuma ndurusimentu bin riba di Israel pa un tempu markadu, tok numeru di jintius ku na yentra kompleta.

1 Koríntius 2:7

No fala di jiresa di Deus ku sukundidu na si sigridu, ku Deus markaba pa no gloria antis di kumsada di mundu.

Efésius 1:4

Mesmu antis di mundu kumpudu, Deus kujinuba ja na Jesus pa no sedu si pobu, sin kulpa si dianti, incidu di amor.

Efésius 3:2

Sertamenti bo obi kuma Deus, na si grasa, dan e tarbaju pa N fasi pa ben di bos.

Efésius 6:19

Bo ora tambi pa mi, pa Deus pudi dan palabra sertu ora ku N na yabri boka pa papia; pa N pudi fala ku koraẑen, pa fasi jinti kunsi sigridu di Bon Noba.

Kolosensis 1:23

Bo ten ku kontinua na bo fe, firmi na bo alisersu. Ka bo disa bo rinkadu na speransa di Bon Noba ku bo obiba. I e Bon Noba ku kontadu pa tudu kriatura bas di seu, ku ami Paulu N pudu pa N tarbaja nel.

Kolosensis 1:26

pa anunsia sigridu ku staba sukundidu di tudu jinti duranti tudu tempu ku pasa ja, ma gosi i diskubridu pa pobu di Deus.

Kolosensis 3:3

pabia bo muri; bo vida sta sukundidu ku Kristu na Deus.

Kolosensis 4:3

Bo ora tambi pa nos, pa Deus pudi yabrinu porta pa no konta si palabra, tambi no fala di sigridu di Kristu. I pabia de palabra ku manda N sta prezu.

2 Tesalonisensis 2:13

Ermons ku Siñor ama, no ten ku fala Deus obrigadu pa bos sempri, suma ki kuji bos disna di kumsada pa salbason, pa Spiritu pudi fasi bos si pobu santu, pabia di bo fe na bardadi.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

2 Timótiu 1:9

I salbanu, i comanu pa no sedu si pobu. I ka pabia di kil ku no fasi, ma pabia di si planu, ku si fabur. I danu e fabur pabia di Kristu Jesus, antis di kumsada di tempu,

2 Timótiu 4:17

Ma Siñor staba na ña ladu, i dan forsa pa N pudi konta si palabra klaru, pa tudu jintius obi. N libradu di boka di lion.

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

1 Pedru 1:20

Na bardadi i kujidu antis di mundu kumpudu, ma i parsi ne tempu di kabantada pa amor di bos.

Apokalipsi 13:8

Tudu jinti ku sta na tera adoral, menus kilis ku se nomi sta skritu disna di kumsada di mundu na libru di Karnel ku matadu, ki libru ku tene nomi di jinti ku tene vida.

Apokalipsi 14:6

N oja utru anju ku na bua la riba. I teneba rekadu di Bon Noba ku ka ta kaba pa konta kilis ku mora na tera, pa tudu nason, rasa, lingua ku pobu.

Apokalipsi 17:8

Ki besta ku bu oja i bibuba, ma gosi i ka bibu, ma i ten ku bin subi di abismu, pa i bai pa pirdison. Jinti ku sta na tera (kilis ku se nomi ka sta skritu, desdi ku mundu kumpudu, na libru di nomi di bibus) e na dimira ora ke oja besta ku bibuba, ku ka bibu gosi, ma i na torna bin.

Apokalipsi 4:11

“O Siñor no Deus! Bu mersi risibi gloria ku rispitu ku puder, pabia i abo ku kumpu tudu kusa. Konformi bu vontadi e kumpudu, e sta inda te gosi.”