Efésius 3:2 - BIBLIA - traduson antigu in Krioulo

² Sertamenti bo obi kuma Deus, na si grasa, dan e tarbaju pa N fasi pa ben di bos.

Efésius 3:2 ပူးပေါင်းရင်းမြစ်များ

Atus 13:2

Oca ke na adora Deus, e na junjuŋa, Spiritu Santu fala: “Bo separan Barnabé ku Saulu pa tarbaju ku N coma elis pa el.”

Atus 13:46

Paulu ku Barnabé papia ku koraẑen, e fala: “I pirsis ba pa bo kontadu palabra di Deus purmeru, ma suma ku bo nega, bo oja kuma bo ka sedu mersidur di vida ku ka ta kaba, asin no na rabida pa jinti ku ka sedu judeus,

Atus 22:21

Siñor falan: ‘Bai, pabia N na mandau lunju pa jinti ku ka sedu judeu.’ ”

Atus 9:15

Siñor falal: “Bai, pabia e omi li i un servu ku N kuji pa i leba ña nomi dianti di jintius, ku reis, ku pobu di Israel.

Romanus 1:5

Pabia del no risibi fabur di sedu apostolus pa amor del, pa leba jinti di tudu rasa pa e obdisil, e fia nel.

Romanus 11:13

I abos ki ka judeu ku N na papia ku el. Suma ku N sedu apostolu di kilis ki ka judeu, N ten garandesa na ña tarbaju,

Romanus 12:3

Pabia di tarbaju ku Deus dan, N ta konta kada un di bos pa ka i pui si kabesa na lugar ki ka yangasa, ma kada kin ta pensa pa si kabesa pensamentu justu, suma midida di fe ku Deus dal.

1 Koríntius 4:1

Jinti dibi di ojanu suma servus di Kristu, nkargadu di sigridus di Deus.

Gálatas 1:13

Bo obi ja kuma ku ña vida seduba oca N staba na riliẑion di judeu, manera ku N ta pirsigiba ku forsa igreẑa di Deus, N buska kaba ku el.

Efésius 1:10

E planu, ku Deus na kompleta ora ku tempu ciga, i pa junta tudu ki kumpu, na seu suma na tera, pa fasi un son, ku Kristu suma kabesa.

Efésius 3:7

N fasidu servu pa konta e Bon Noba. N ka mersiba e fabur, ma i Deus ku dan el, suma ku si puder na tarbaja na mi.

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,

Efésius 3:9

tambi pa mostra tudu jinti kuma ku e planu sukundidu di Deus na pudu na pratika. Deus, ku kumpu tudu kusa, i sukundi e sigridu tudu tempu ku pasa,

Efésius 4:21

Sertamenti bo obi del; abos krentis bo nsinadu bardadi ku sta na Jesus,

Efésius 4:7

Kada un di nos i dadu si don na midida ku Kristu da.

Kolosensis 1:4

manera ku no obi di bo fe na Kristu Jesus, ku amor ku bo ten pa tudu pobu di Deus.

Kolosensis 1:6

suma tambi ki bai pa tudu mundu. Na tudu parti i na kirsi, i na da frutu, suma na bo metadi tambi, disna di dia ku bo obi di grasa di Deus, bo rapara kuma i bardadi.

1 Timótiu 1:11

ku sta na Bon Noba di Deus gloriosu ku mersi ngabadu, ki Bon Noba ki dan pa N konta.

1 Timótiu 1:4

nin pa ka e liga ku storias ku ki listas kumpridu di jinti antigu ku ka ta kaba, pabia i ta tisi son diskutison; i ka ta judanu kunsi planu di Deus ku ta bin di fe.

1 Timótiu 2:7

E ku manda N fasidu mestre ku apostolu, pa N nsina jintius aserka di fe di bardadi. (N na konta bardadi; N ka na konta mintida.)

2 Timótiu 1:11

Deus distinan pa N sedu apostolu ku pursor pa konta e Bon Noba.