Efésius 3:12 - BIBLIA - traduson antigu in Krioulo

¹² Na no union ku Kristu, ku no fe nel, no osa yentra ku fiansa dianti di Deus.

Efésius 3:12 ပူးပေါင်းရင်းမြစ်များ

Bon Noba di Jesus Kristu ku Jon 14:6

Jesus falal: “Ami i kamiñu, ami i bardadi, ami i vida. Si algin misti bin pa ña Pape, i ten ku pasa purmeru na mi.

Romanus 3:22

Deus ta fasi jinti ku fia na Jesus Kristu pa e sedu justu. El i ka ta fasi skuju; i pa tudu kil ku ten fe.

Romanus 5:2

ku yentrandanu, pabia di no fe, ne fabur ku no firma nel. No kontenti na speransa ku no ten di gloria di Deus.

2 Koríntius 3:4

No fala asin pa fiansa ku no ten na Deus pabia di Kristu.

Efésius 2:18

I pabia di Kristu ku anos dus rasa no pudi yentra na pursensa di no Pape ku ajuda di ki mesmu Spiritu.

Ebreus 10:35

Asin, ka bo bota bo fiansa, pabia i ta tisi garandi purbitu.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

1 Jon 2:28

Ña fijus, bo pega nel, pa ora ki bin, no pudi ten fiansa; no ka na fika ku borgoña si dianti dia ki bin.

1 Jon 3:21

Ña kiridu ermons, si no korson ka kondenanu, no fiansa dianti di Deus.