Efésius 3:1 - BIBLIA - traduson antigu in Krioulo

¹ Pabia di kila, ami Paulu, katibu di Kristu Jesus pabia di bos jintius, N ora Deus.

Efésius 3:1 ပူးပေါင်းရင်းမြစ်များ

Lukas 21:12

“Ma antis de kusas tudu sedu, e na prindi bos, e na pirsigi bos, e na ntrega bos na kasas di juntamentu pa bo julgadu; bo na pudu na kalabus. E na leba bos dianti di reis ku gubernaduris pabia di ña nomi.

Atus 21:33

Kumandanti ciga, i prindil, i manda maral ku dus korenti, i punta: “Es omi i kin? Ke ki fasi?”

Atus 23:18

I tomal, i lebal pa kumandanti, i falal: “Paulu, ki prezu, i coman, i pidin pa N tisiu e rapas, pabia i tene un kusa pa kontau.”

Atus 26:29

Paulu falal: “Nin ki mas un bokadu o manga di tempu, N na pidi Deus, i ka son pa Ñu, ma tambi pa tudu kilis ku na obin aos, pa e bida suma mi, menus e korenti li.”

Atus 9:15

Siñor falal: “Bai, pabia e omi li i un servu ku N kuji pa i leba ña nomi dianti di jintius, ku reis, ku pobu di Israel.

2 Koríntius 1:6

Si no sufri, i pa bo sedu animadu, pa bo pudi ten salbason. Si no animadu, abos tambi bo animadu, bo ta dadu forsa pa nguenta ku pasensa mesmu sufrimentu ku anos tambi no nguenta.

2 Koríntius 10:1

Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

2 Koríntius 11:23

E ta sirbi Kristu? N na fala suma ku N sta fora di mi, ma ami N ta sirbil mas. N mas tarbaja di ki elis; N sutadu mas di ki elis; N mas pudu prezu di ki elis; manga di bias N staba na pirigu di mortu.

Gálatas 5:11

Ami, ermons, si inda N na fala pa jinti sedu sirkunsidadu, pa ke ku N pirsigidu? Ne manera N ka na fala di krus pa ka N ofindi ningin.

Gálatas 5:2

Bo sukuta ke ku N na fala. Ami Paulu, N na fala bos kuma, si bo seta sedu sirkunsidadu, Kristu ka ta ten nin balur pa bos.

Gálatas 5:24

Kilis ku sedu di Kristu Jesus e krusifika se naturesa umanu, ku tudu diseẑu mau ku na yardi dentru di ki naturesa.

Efésius 3:11

Es i sedu konformi si planu iternu ki bin fasi pa meiu di Kristu Jesus no Siñor.

Efésius 3:13

E ku manda N na pidi bos pa ka bo pirdi koraẑen na ña sufrimentu pa bos, pabia el ku ta tisi bos gloria.

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,

Efésius 4:1

E ku manda, ami ku sedu katibu pabia N na sirbi Siñor, N roga bos pa bo vivi konformi manera di vida ku bo comadu pa el,

Efésius 6:20

N sedu mbaŝadur de Bon Noba kontudu N sta prezu. Bo ora pa N ten koraẑen pa fala del, suma ki dibi di sedu.

Filipensis 1:7

N tene bos sempri na ña korson. E ku manda N oja kuma i justu pa N sinti asin pa bos, pabia abos tudu bo ta toma parti na mison ku Deus dan, tantu na kalabus suma ora ku N na difindi pa firmanta bardadi di Bon Noba.

Kolosensis 1:24

N kontenti na ña sufrimentu pa bos, pabia e sufrimentu na ña kurpu i na juda kompleta kil ku falta na fadiga di Kristu pa si kurpu ku sedu igreẑa.

Kolosensis 4:18

I ami ku na skirbi es ku ña mon: Manteña di mi Paulu. Bo lembra kuma N sta prezu. Fabur di Deus ta sta ku bos. Amen.

Kolosensis 4:3

Bo ora tambi pa nos, pa Deus pudi yabrinu porta pa no konta si palabra, tambi no fala di sigridu di Kristu. I pabia de palabra ku manda N sta prezu.

2 Timótiu 1:16

N ta pidi pa Siñor mostra miserikordia pa familia di Onesíforu, pabia manga di bias i animan. I ka burguñu suma N sta na kalabus,

2 Timótiu 1:8

Asin, ka bu sinti borgoña di testifika di no Siñor, nin di mi ku sta prezu pa amor del, ma toma parti na sufrimentu pabia di Bon Noba konformi Deus danu forsa.

Filemon 1:1

Ami Paulu, prezu pa amor di Kristu Jesus, ku no ermon Timótiu, no skirbi pa no kiridu ermon Filemon, no kumpañer di tarbaju,

Filemon 1:23

Epafras, ku sta ku mi na kalabus pa amor di Kristu Jesus, i mandau manteña,

Filemon 1:9

ma N misti pidiu, pabia de amor, mesmu ku N sedu Paulu bejoti, gosi prezu pa amor di Kristu Jesus.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.