Efésius 2:8 - BIBLIA - traduson antigu in Krioulo

⁸ I pabia di si fabur ku bo sedu salbu, na bo fe. Es i ka bin di bos; i kusa ku Deus pati.

Efésius 2:8 ပူးပေါင်းရင်းမြစ်များ

Mateus 16:17

Jesus ruspundi, i falal: “Simon, fiju di Jonas, abo i sortiadu, pabia i ka omi ku mostrau e kusa, ma i ña Pape ku sta na seu.

Mateus 20:9

Kilis ku pegaba tarbaju pertu di sinku ora e ciga; kada un risibi un mueda di prata.

Markus 16:16

Kin ku seta, i batisadu, i na sedu salbu, ma kil ku ka setal i na kondenadu.

Lukas 7:50

Jesus fala minjer: “Bu fe salbau. Bai ku pas.”

Bon Noba di Jesus Kristu ku Jon 3:36

Kin ku seta Fiju i ta tene vida ku ka ta kaba, ma kin ku ka seta Fiju i ka ta oja vida; kastigu di Deus na fika riba del.

Bon Noba di Jesus Kristu ku Jon 4:10

Jesus falal: “Si bu sibiba ke ku Deus tene pa da, o bu sibi tambi kin ku na pidiu yagu, bu ta pidilba, el i ta dau yagu ku ta da vida.”

Bon Noba di Jesus Kristu ku Jon 5:24

“N na konta bos bardadi, kin ku obi ña palabra, i seta kil ku mandan, i ta tene vida ku ka ta kaba. I ka na kondenadu, ma i pasa ja di mortu pa vida.

Bon Noba di Jesus Kristu ku Jon 6:35

Jesus fala elis: “Ami i pon ku ta da vida; kin ku bin pa mi, nunka mas i ka na bin tene fomi; kin ku setan, nunka mas sedi ka na bin tenel.

Bon Noba di Jesus Kristu ku Jon 6:37

Tudu algin ku ña Pape dan i na bin pa mi. Kil ku bin pa mi, di nin un manera N ka ta negal.

Bon Noba di Jesus Kristu ku Jon 6:40

Tambi vontadi di kil ku mandan i es: tudu kil ku ojan, i setan, ami Fiju di Deus, pa i tene vida ku ka ta kaba; na ultimu dia N ta lantandal di mortu.”

Bon Noba di Jesus Kristu ku Jon 6:44

Ningin ka pudi bin pa mi sin ña Pape ku mandan ka tisil. Na ultimu dia N ta lantanda ki algin di mortu.

Bon Noba di Jesus Kristu ku Jon 6:65

I fala mas: “E ku manda N fala bos kuma ningin ka pudi bin pa mi si ña Pape ka judal pa i bin.”

Atus 13:39

Pabia del, tudu kil ku seta i ta fika libri di kulpa di tudu kusa ku lei di Moisés ka pudi libra bos del.

Atus 14:27

Oca ke ciga, e junta jinti di igreẑa, e konta garandi kusas ku Deus fasi pa se mon, manera ki yabri porta di fe pa jintius.

Atus 15:11

No fia kuma no sta salbu pa fabur di Siñor Jesus Kristu, suma elis tambi.”

Atus 16:14

Un minjer ku comadu Lidia, di prasa di Tiatira, bindidur di fazenda purpura, ku ta adoraba Deus, i na sukutanuba. Siñor yabril korson pa i pui sintidu na kil ku Paulu na fala.

Atus 16:31

E ruspundil: “Seta Siñor Jesus, bu ta salba, abo ku tudu bu familia.”

Romanus 10:14

Kuma ke na coma kil ke ka fia nel? Kuma ke na fia na kin ke ka obi faladu del? Kuma ke na obi si i ka ten kin ku na konta?

Romanus 10:17

Asin, obi rekadu ta danu fe. Rekadu bin di palabra di Kristu.

Romanus 4:16

Asin purmesa i pabia di fe, pa i pudi dadu di grasa, pa i sedu purmesa sertu pa jorson di Abraon. I ka son pa kilis ku tene lei, ma tambi kilis ku ten fe suma Abraon, kil ku sedu pape di nos tudu.

Romanus 4:5

Kil ku ka na tarbaja, ma i fia na kil ku ta fasi omi mau justu, si fiansa ta pui Deus i ojal justu.

Romanus 9:16

I ka ta sedu konformi kil ku omi misti, o ki fasi, ma i konformi miserikordia di Deus.

Gálatas 3:14

Kristu fasi asin pa benson ku Deus fala i na da Abraon pudi dadu pa jintius pabia di Jesus Kristu, pa anos, suma no fia, no pudi risibi Spiritu ku Deus fala i na da.

Gálatas 3:22

ma Skritura fala kuma, tudu jinti sta bas di puder di pekadu, pa Deus pudi da krentis ki kusa ki fala i na da kilis ku fia na Jesus Kristu.

Efésius 1:19

pa bo rapara forsa di garandesa di si puder ku sta pa nos ku fia nel. E forsa ku na tarbaja na nos i ki mesmu garandi puder

Efésius 2:10

I Deus ku fasinu kil ku no sedu; i krianu na union ku Kristu Jesus pa vida di bon tarbaju ki purpara pa no fasi.

Efésius 2:5

i vivifikanu juntu ku Kristu, oca no spiritu staba inda mortu pabia di no pekadu. I pabia di si fabur ku no sedu salbu.

Filipensis 1:29

pabia bo dadu fabur, i ka son pa fia na Kristu, ma tambi pa sufri pa el.

Kolosensis 2:12

Na batismu bo nteradu ku el; tambi bo lantandadu ku el pabia di bo fe na puder di Deus ku lantandal di mortu.

2 Tesalonisensis 1:9

E na sufri kastigu di pirdi ntidu, separadu di pursensa di Siñor ku si puder gloriosu,

Ebreus 6:4

Kilis ku ciga di risibi lus di Deus, ku sinti gustu ja di kil ku Deus danu di seu, ku toma parti na Spiritu Santu,

1 Pedru 1:5

Pabia di bo fe, bo sta guardadu na puder di Deus pa salbason ku sta ja purparadu pa mostra na kabantada di tempu.