Efésius 2:11 - BIBLIA - traduson antigu in Krioulo

¹¹ Bo lembra ke ku bo seduba na tempu ku pasa, abos ku padidu jintius, ku ta comadu “jinti insirkunsidadu” pa judeus ku ta coma se kabesa “sirkunsidadu”. (E na fala son di sirmonia ku omi ta fasi na kurpu.)

Efésius 2:11 ပူးပေါင်းရင်းမြစ်များ

Ezekiel 20:43

La bo na lembra di bo mau kamiñu, ku kusas ku bo fasi ku kontamina bos; bo na nuju bo kabesa propi, pabia di tudu mal ku bo fasi.

Ezekiel 36:31

Bo na lembra di manera ku bo ta yandaba mal, ku kusas ku bo fasi ku ka sedu bon. Bo na nuju bo propi kabesa pabia di bo pekadus ku kusas nujenti ku bo ta fasiba.

Mateus 20:7

E falal: ‘Pabia ningin ka danu tarbaju.’ I fala elis: ‘Bo bai tambi pa ña orta.’

Romanus 11:17

Si utru ramus kebradu, abo ku sedu olivera brabu bu njujadu na lugar delis, bu ten parti na rais ku liti di olivera,

Romanus 2:26

Nta si algin ku ka sirkunsidadu guarda mandamentus di lei, si dunu ka ta sta suma kil ku sirkunsidadu?

Romanus 2:27

Si algin ku ka sirkunsidadu na kurpu na fasi suma ku lei fala, i na bin julgau, abo ku sirkunsidadu, bu tene lei skritu, ma bu ta kebra lei.

1 Koríntius 12:2

Bo sibi kuma, oca bo ka kunsiba inda Deus, bo ta rolantadu di manga di manera pa irans ku ka pudi fala nada.

1 Koríntius 6:11

Utrus na bo metadi seduba asin, ma bo labadu, bo santifikadu, bo ojadu justu na nomi di Siñor Jesus Kristu, pa Spiritu di no Deus.

Gálatas 2:15

Anos i judeu di nasimentu; no ka sedu jinti di utru rasa ku fasi pekadu,

Gálatas 6:12

Jinti ku misti forsija bos pa bo sirkunsidadu, elis ku misti ronka pa njata ku kusas di fora. E ta fasil son pa e pudi kapli pirsigison pabia di krus di Kristu.

Efésius 2:2

Na ki tempu bo na sigiba mau kamiñu di mundu; bo ta obdisiba ŝef ku ta manda riba di puderis spiritual di ar, spiritu ku na manda te gosi na jinti ku ta disobdisi Deus.

Efésius 5:8

Purmeru, bo staba na sukuru, ma gosi, suma bo sedu di Siñor, bo sta na lus. Asin bo yanda suma kilis ku pertensi lus.

Ripitison di Lei 15:15

Lembra kuma bu seduba katibu na tera di Ejitu, ma SIÑOR bu Deus libertau di la. E ku manda N na dau e ordi aos.

Ripitison di Lei 16:12

Lembra kuma bu seduba katibu na Ejitu, bu obdisi tudu e regras.

Ripitison di Lei 5:15

Lembra kuma bu seduba katibu na tera di Ejitu, ma SIÑOR bu Deus distindi si mon forti i tirau di la. Pabia di kila, SIÑOR bu Deus mandau pa bu guarda dia di diskansu.

Ripitison di Lei 8:2

Lembra di manera ku SIÑOR bu Deus giau na tudu ki kamiñu di lala ne korenta anu ku pasa, pa fasiu umildi, pa probau, pa sibi ke ku staba na bu korson, si bu na obdisi si mandamentus o nau.

Ripitison di Lei 9:7

Ba ta lembra de kusa; nunka ka bu diskisi del, manera ku bu pui SIÑOR bu Deus raiba na lala. Disna di ki dia ku bo sai di Ejitu tok bo ciga li ne lugar, bo sedu rebeldi pa SIÑOR.

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

Kolosensis 1:21

Abos tambi, na tempu ku pasa bo seduba inimigus, lunju di Deus, pabia di kusas mau ku bo pensa, ku bo fasi,

Kolosensis 2:11

Na bo union ku Kristu bo sirkunsidadu; i ka ku mon di omi na kurpu, ma i sirkunsison di Kristu, pa liberta di naturesa di karni.

Kolosensis 2:13

Bo staba mortu pabia di bo pekadu, tambi pabia bo seduba jintius ku ka ta sigi lei di Moisés, ma Deus vivifika bos juntu ku Kristu. I purdanu tudu no pekadu,

Kolosensis 3:11

Ali i ka ten separason entri gregu ku judeu, entri kil ku sirkunsidadu ku kil ku ka sirkunsidadu, entri stranjeru ku jintiu brabu, entri katibu ku libri, ma Kristu i tudu; i sta na tudu.

1 Samuel 17:26

Davi punta omis ku staba lungu del: “Ke ku na fasidu pa ki omi ku mata e filisteu, pa tira disgrasa riba di Israel? E filisteu insirkunsidadu i kin propi pa disafia tropas di Deus bibu?”

1 Samuel 17:36

Asin N ciga di mata lions tudu ku ursus; ki filisteu insirkunsidadu i na sedu suma un delis, pabia i disafia tropas di Deus bibu.