Efésius 1:11 - BIBLIA - traduson antigu in Krioulo

¹¹ Deus ta fasi tudu kusa konformi i marka na si vontadi. I kujinu pa no sedu si pobu na union ku Kristu, konformi planu ki tarda fasi,

Efésius 1:11 ပူးပေါင်းရင်းမြစ်များ

Jo 12:13

“Ma i Deus ku ten jiresa ku forsa; el ku ten konsiju ku ntindimentu.

Jo 33:29

“Es tudu i kusa ku Deus ta fasi pa omi, dus bias, o te tris bias,

Salmus 37:18

SIÑOR kunsi dias di jinti retu; se yardansa na tarda pa sempri.

Ditus 8:14

Konsiju ku jiresa i di mi; N ten ntindimentu ku forsa.

Isaias 25:1

O SIÑOR, abo i ña Deus; N na garandisiu, N na ngaba bu nomi, pabia bu fasi kusas di dimira. Bu sedu fiel pa kumpri planus ku bu fasi na tempu antigu; e ka pudi maina.

Isaias 28:29

Es i bin di SIÑOR ku ten tudu puder, ku ta fasi planus maravilyosu ku kusas garandi.

Isaias 5:19

E ta fala: “Pa Deus janti, i kabanta si tarbaju kinti-kinti pa no pudi ojal. Planu di Santu di Israel pa i bin pudu na pratika pa no pudi kunsil.”

Jeremias 23:18

Kin ku ciga di mati na kau ku SIÑOR na papia, pa oja, pa obi si palabra? Kin ku para sintidu na si palabra, i ntindil?

Jeremias 32:19

Bu tene planus garandi, ku garandesa na bu tarbaju. Bu uju sta abertu pa tudu kamiñu di omi, pa da kada kin konformi si manera di yanda, konformi i mersi pa kusas ki fasi.

Zakarias 6:13

El mesmu i na kumpu kasa di SIÑOR; i na dadu gloria suma rei, i na sinta na si tronu, i guberna. I na sedu tambi saserdoti na si tronu; i na junta ki dus tarbaju ku pas.’

Atus 13:48

Oca jintius obi es, e kontenti, e ngaba palabra di Siñor. Tudu kilis ku staba distinadu pa vida ku ka ta kaba, e fia.

Atus 2:23

Deus sibiba ja ke ku na sedu. Konformi si planu, bo ntregadu Jesus. Bo tomal, bo krusifikal, bo matal pa mon di omis malvadu,

Atus 20:27

pabia nunka N ka disa di konta bos tudu kil ku Deus misti.

Atus 20:32

“Agora ermons, N ntrega bos na mon di Deus, ku palabra di si fabur. I el ku ten puder pa fasi bos kirsi, pa da bos bon kusas ku Deus tene pa tudu kilis ki separa pa e sedu si pobu.

Atus 26:18

pa bu yabri se uju, pa bu pui elis pa e konverti di sukuru pa lus, di puder di Satanas pa Deus, pa e pudi ten fe na mi, pa se pekadu purdadu, e risibi yardansa na metadi di kilis ku Deus santifika.’

Atus 4:28

E lanta pa fasi tudu ku bu puder ku bu vontadi markaba ja pa i kontisi.

Romanus 11:34

Kin ku ciga di kunsi pensamentu di Siñor? Kin ku sedu si konsijadur?

Romanus 8:17

Suma no sedu fijus, no na yarda rikesa di Deus. No na risibil juntu ku Kristu, si kontra no na sufri ku el pa no pudi tambi ten parti na si gloria.

Romanus 8:28

No sibi kuma Deus ta usa tudu kusa pa ben di kilis ku amal, kilis ki coma suma ki distina.

Romanus 8:29

Kilis ki kunsi disna di kumsada, tambi i distinaba ja elis pa e parsi suma si Fiju, pa ki Fiju pudi sedu garandi na metadi di manga di ermon.

Romanus 8:30

Kilis ki distinaba ja, tambi i coma elis. Kilis ki coma, tambi i fasi elis justu. Kilis ki fasi justu, tambi i da elis si gloria.

Romanus 9:11

Deus falal kuma mas garandi i na sirbi mas pikininu. I fala es antis di mininus padidu, oca e ka fasi nin ben nin mal, pa planu di Deus pudi sedu firmi; i ka pabia di kusas ku mininus fasi, ma i suma ku Deus kuji, i coma.

Gálatas 3:18

Si kil ku Deus na da i sedu pabia di lei, nta i ka pabia di purmesa, ma na bardadi Deus pati Abraon ki kusa pabia i purmiti.

Efésius 1:14

I Spiritu ku ta garantinu ku no na risibi kil ku Deus fala i na da si fijus. Es ta mostra kuma i na da liberdadi kompletu pa kilis ki di sil, pa si gloria pudi ngabadu.

Efésius 1:18

N pidi pa i yabri bo ntindimentu pa bo oja si lus, pa bo pudi sibi kal ki speransa ku bo comadu pa el, pa bo oja rikesa gloriosu di garandi benson ki fala i na da si pobu;

Efésius 1:5

I distinanu pa no sedu si fijus pa meiu di Jesus Kristu. Es i sedu si vontadi, i si alegria.

Efésius 1:8

ki darma riba di nos sin midida na si jiresa ku ntindimentu.

Efésius 1:9

I markaba ja, ku kontentamentu, fasinu kunsi si planu sukundidu ki mistiba fasi pa meiu di Kristu.

Efésius 3:11

Es i sedu konformi si planu iternu ki bin fasi pa meiu di Kristu Jesus no Siñor.

Ripitison di Lei 4:20

Abos i pobu ku Deus toma, i tira di furnu kinti di Ejitu, pa bo sedu pobu di si yardansa propi, suma ku bo sedu aos.

Kolosensis 1:12

pa bo fala obrigadu pa Pape ku fasi bos mersiduris di toma parti di kil ki guarda pa si pobu na renu di lus.

Kolosensis 3:24

Bo lembra kuma Siñor na paga bos ku ki kusa ki rakada pa si pobu, pabia i Kristu ki Mestre ku bo na sirbi.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Titu 3:7

pa no pudi ojadu justu dianti di Deus pabia di si fabur, pa no bin tene vida ku ka ta kaba, konformi speransa ku no ten.

Ebreus 6:17

Asin Deus misti mostra klaru pa kilis ku na risibi kusa ki fala i na da, kuma, kusa ki tene na sintidu ka na maina. E ku manda i papia ku juramentu.

Tiagu 2:5

Ña kiridu ermons, bo sukuta. Deus kuji koitadis de mundu pa e sedu riku na fe, pa e yarda renu ki fala i na da kil ku amal,

1 Pedru 1:4

Asin, no pudi yentra na un yardansa ku ka ta podri, i ka ta dana, i ka ta murca, ku rakadadu na seu pa bos.

1 Pedru 3:9

Ka bo torna mal pa mal; ka bo koba kil ku na koba bos. Te pa bo fasi asin, bo torna ku bon palabra di benson, pabia benson i yardansa ku Deus coma bos pa el.