Ebreus 9:24 - BIBLIA - traduson antigu in Krioulo

²⁴ pabia Kristu ka yentra na ki lugar sagradu ku omi kumpu, ku sedu figura di kil ki di bardadi, ma i yentra na seu propi, pa parsi dianti di Deus pa nos.

Ebreus 9:24 ပူးပေါင်းရင်းမြစ်များ

Salmus 68:18

Bu subi na kau altu, bu leba manga di katibu ku bo; bu risibi ofertas di omis, mesmu di disobdientis, pa abo, SIÑOR Deus, bu pudi mora la.

Saida 28:12

bu fiksa elis na ombreras di efodi, pa e sedu pedras di lembransa pa fijus di Israel. Aron na leba se nomis na si dus ombra pa lembransa dianti di SIÑOR.

Saida 28:29

“Asin, ora ku Aron yentra na kau sagradu, i na leba nomis di fijus di Israel na pitural di disison riba di si korson, pa lembransa dianti di SIÑOR pa sempri.

Zakarias 3:1

Deus mostran Josué, ŝef di saserdotis, ku firmaba dianti di anju di SIÑOR. Satanas staba na si mon direita pa akusal.

Mateus 18:10

Bo toma sintidu, ka bo njuti nin un de pikininus, pabia N na konta bos kuma se anjus na seu e ta oja sempri rostu di ña Pape ku sta na seu. [

Markus 14:58

“No obil i fala kuma i na kebra e kasa di Deus li, ku mon di omi kumpu; na tris dia i ta kumpu utru ku ka kumpudu ku mon di omi.”

Markus 16:19

Dipus di Siñor Jesus papia ku elis, i lebadu pa seu, i sinta na mon direita di Deus.

Lukas 24:51

Oca ki na ora, i separa delis, i lebadu pa seu.

Bon Noba di Jesus Kristu ku Jon 16:28

N sai di ña Pape, N bin pa mundu; gosi N na disa mundu pa N bai pa ña Pape.”

Bon Noba di Jesus Kristu ku Jon 6:62

Ke ku ta sedu si bo oja Fiju di omi na subi pa nunde ki staba nel purmeru?

Atus 3:21

Ma i ten ku fika na seu te ora ku tempu ciga ku Deus na arnoba tudu kusa, suma ki fala disna na boka di si santu anunsiaduris.

Romanus 8:33

Kin ku na akusa kilis ku Deus kuji? I Deus ku na fasi elis justu.

2 Koríntius 5:1

No sibi kuma, ora ku no tenda, ku sedu no kurpu di reia, kai, Deus ten un morada na seu pa nos, ku ka ta dana mas, kasa ku ka kumpudu ku mon di omi.

Kolosensis 3:2

Bo guarda bo pensamentu na kusas di seu; i ka na kusas di tera,

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 12:2

No pui uju na Jesus, kil ku no fe ta kumsa nel, i ta kaba nel. Pabia di sabura ku staba si dianti, i nguenta krus, i dispreza borgoña di ki ora; i bai sinta na direita di tronu di Deus.

Ebreus 4:14

Suma ku no tene un garandi Ŝef di Saserdoti ku sedu Jesus, Fiju di Deus, ku yentra dentru di seu, no fika firmi na no fe.

Ebreus 6:20

nunde ku Jesus bai dianti di nos, i yentra la pa no fabur. I fasidu Ŝef di Saserdoti ntidu, konformi yardansa di Melkisedek.

Ebreus 8:2

ku na sirbi na lugar sagradu, na tenda di bardadi ku Siñor kumpu, i ka omi.

Ebreus 8:5

E na tarbaja na un lugar ki son figura ku sombra di kil ku sta na seu. I suma na kasu di Moisés, oca ki staba pa kumpu tenda, ku Deus avisal pa i toma sintidu di fasi tudu suma ki forma ki mostradu na monti.

Ebreus 9:1

Purmeru kontratu teneba ordi di manera di sirbi Deus; i teneba tambi un lugar sagradu li na tera.

Ebreus 9:23

Ki kusas ku sedu figuras di kil ku sta na seu tenba ku purifikadu de manera, ma propi kusas di seu pirsisa di sakrifisiu mas minjor di ki esis,

Ebreus 9:9

Es i sinal pa mostra e tempu li. Ofertas ku sakrifisius e ka pudi fasi kil ku na pursental pa i sta diritu na si konsiensia,

1 Pedru 3:22

i riba pa seu, i sta na mon direita di Deus, nunde ku tudu anju ku otridadi ku puder di seu sta bas del.

Apokalipsi 8:3

Utru anju bin, i firma dianti di altar; i teneba un tiẑela di uru ku ta pudu nsensu. I dadu manga di nsensu pa junta ku orason di tudu pobu di Deus pa pursenta riba di altar di uru ku sta dianti di tronu.