Ebreus 9:22 - BIBLIA - traduson antigu in Krioulo

²² Konformi lei kuas tudu kusa ta purifikadu ku sangi. Pekadu ka pudi purdadu sin sangi ka darma.

Ebreus 9:22 ပူးပေါင်းရင်းမြစ်များ

Ezekiel 43:18

Dipus i falan: “Fiju di omi, asin ku ami, SIÑOR Deus, N fala: Es i regras di altar pa ora ki kumpudu, pa sakrifika oferta kemadu riba del, tambi pa waga sangi riba del.

Sirmonias 14:14

Saserdoti na toma un bokadu di sangi di oferta pa kulpa, i na pul na ponta di oreja direita di kil ku na purifikadu, tambi riba di dedu polegar di si mon direita, ku dedon polegar di si pe direita.

Sirmonias 14:25

I na mata fiju di karnel suma oferta pa kulpa, i na toma un bokadu di si sangi, i na pui na ponta di oreja direita di ki algin ku na purifikadu, na dedu polegar di si mon direita, ku dedon di si pe direita.

Sirmonias 14:6

Dipus i na toma ki kacu bibu, ku po di sedru, ku lan burmeju, ku isopi, i na moja elis na sangi di ki kacu ku matadu riba di yagu fresku.

Sirmonias 17:11

Vida di un kriatura sta na sangi; N dau el pa bu pudi fasi sirmonia ku el riba di altar, pabia sangi, ku sedu vida, el ku ta tira pekadu.

Sirmonias 4:20

I na fasi ku ki turusiñu suma ki fasi ku turusiñu di oferta pa pekadu. Asin saserdoti na fasi sakrifisiu pa pekadu di pobu; e na purdadu.

Sirmonias 4:26

I na kema tudu gurdura na altar, suma ki kema gurdura di oferta di pas. Asin saserdoti na fasi sakrifisiu pa pekadu di ki omi; i na purdadu.

Sirmonias 4:35

I na tira tudu si gurdura, suma ku gurdura di fiju di karnel di oferta di pas ta tiradu. Saserdoti na kemal na altar riba di ofertas ku kemadu pa SIÑOR. Asin saserdoti na fasi sakrifisiu pa pekadu ku ki algin fasi; i na purdadu.

Sirmonias 5:10

Dipus saserdoti na sakrifika ki utru pumba suma oferta kemadu, konformi kustumu. Asin i na fasi sakrifisiu pa pekadu ku ki omi fasi; i na purdadu.

Sirmonias 5:11

Si i ka pudi ranja dus pumba di matu nin dus di kasa, i ten ku tisi dus litru di foriña finu suma oferta pa pekadu, pa i pudi purdadu. I ka na darma azeiti riba del, nin i ka na pui nsensu, pabia i oferta pa pekadu.

Sirmonias 5:12

I na lebal pa saserdoti, ku na inci mon, i tomal pa lembransa, i kemal na altar, riba di ofertas kemadu pa SIÑOR. I oferta pa pekadu.

Sirmonias 5:18

I ten ku leba pa saserdoti, suma oferta di kulpa, un karnel macu di koral, sin difeitu, konformi balur ku bu pui nel. Saserdoti na fasi sakrifisiu pa el, pa ki mal ki fasi sin i ka sibi; i na purdadu.

Sirmonias 6:7

Saserdoti na fasi sakrifisiu pa el dianti di SIÑOR; i na purdadu kualker de kusas ki fasi ku pul i sedu kulpadu.”