Ebreus 9:15 - BIBLIA - traduson antigu in Krioulo

¹⁵ E ku manda i ranja nobu kontratu na metadi di nos ku Deus, pa kilis ku comadu pudi risibi yardansa ku ka ta kaba ku Deus fala i na da. Es pudi sedu son pabia di un mortu, ku ta liberta jinti di mal ke fasi na tempu di purmeru kontratu.

Ebreus 9:15 ပူးပေါင်းရင်းမြစ်များ

Salmus 37:18

SIÑOR kunsi dias di jinti retu; se yardansa na tarda pa sempri.

Daniel 9:26

Ora ku ki kuatrusentus i trinta i kuatru anu kaba, kil ku Deus kuji na matadu; i ka na tene nada. Pobu di un ŝef ku na bin e na kaba ku prasa ku kau sagradu. Si kabantada na sedu suma yagu di diluviu. Gera na ten te na fin. Garandi danu markadu.

Mateus 19:29

Tudu kil ku disa kasa, ermons, irmas, pape, mame, fijus, o teras, pabia di ña nomi, i na risibi sen bias mas ciu, tambi ku vida ku ka ta kaba,

Mateus 22:3

I manda si kriadus pa e coma jinti ki kumbidaba ja pa festa, ma e ka misti bin.

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Mateus 25:36

N staba nun, bo dan di bisti; N duensi, bo visitan; N staba na kalabus, bo bai jubin.’

Markus 10:17

Oca Jesus sai, i pega kamiñu pa bai, un omi kuri pa el, i finka juju si dianti, i puntal: “Bon Mestre, ke ku N dibi di fasi pa ngaña vida ku ka ta kaba?”

Lukas 18:18

Un regulu papia ku Jesus, i puntal: “Bon Mestre, ke ku N ten ku fasi pa N yarda vida ku ka ta kaba?”

Lukas 22:20

Di mesmu manera, dipus di sia, i toma kopu, i fala: “E kopu i nobu kontratu seladu ku ña sangi ku darmadu pa bos.

Bon Noba di Jesus Kristu ku Jon 10:28

N ta da elis vida ku ka ta kaba; nunka e ka na pirdi. Ningin ka na rabata elis na ña mon.

Atus 20:32

“Agora ermons, N ntrega bos na mon di Deus, ku palabra di si fabur. I el ku ten puder pa fasi bos kirsi, pa da bos bon kusas ku Deus tene pa tudu kilis ki separa pa e sedu si pobu.

Romanus 5:10

Manera ku no seduba si inimigus, Deus fasinu si amigus pabia di mortu di si Fiju. Gosi ku no sedu amigus di Deus, kuma ku no ka na sedu salbu pabia di si vida?

Romanus 5:6

Oca inda no sedu fraku, Kristu muri pa jinti mau na tempu propi.

Romanus 5:8

ma Deus danu proba di si amor pa nos, manera ku Kristu muri pa nos ocanu inda na no pekadu.

Romanus 6:23

Pagamentu di pekadu i mortu, ma kil ku Deus ta danu di grasa i vida ku ka ta kaba, pabia di Kristu Jesus no Siñor.

Romanus 8:28

No sibi kuma Deus ta usa tudu kusa pa ben di kilis ku amal, kilis ki coma suma ki distina.

Romanus 8:30

Kilis ki distinaba ja, tambi i coma elis. Kilis ki coma, tambi i fasi elis justu. Kilis ki fasi justu, tambi i da elis si gloria.

Romanus 9:24

Deus comanu tambi, i ka son na metadi di judeus, ma tambi na metadi di jintius.

2 Koríntius 3:6

I el ku fasinu kapas di konta jinti aserka di nobu kontratu, ku ka sedu lei skritu, ma di Spiritu. Lei ku skirbidu i ta mata, ma Spiritu ta da vida.

Gálatas 3:20

Midianeru i ka pirsis si i ten un algin son, ma Deus i un son.

Efésius 1:7

Pabia di si sangi no libertadu, no pekadu purdadu, konformi rikesa di fabur di Deus

2 Tesalonisensis 2:14

I pabia di Bon Noba ku no konta bos ku Deus coma bos pa bo pudi ten parti na gloria di no Siñor Jesus Kristu.

1 Timótiu 2:5

I ten un Deus son, ku un algin ku sta na metadi di Deus ku jinti, ku sedu Kristu Jesus, omi,

2 Timótiu 2:10

Asin N na sufri tudu pa amor di kilis ku Deus kuji, pa elis tambi e yangasa salbason ku sta na Kristu Jesus, ku gloria ku ka ta kaba.

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Titu 3:7

pa no pudi ojadu justu dianti di Deus pabia di si fabur, pa no bin tene vida ku ka ta kaba, konformi speransa ku no ten.

Ebreus 10:34

Bo ta toma parti na sufrimentu di kilis ku staba prezu. Oca ku jinti toma bo kusas, bo sufri ku alegria, pabia bo sibiba kuma bo tene dentru di bos rikesa mas minjor ku ta tarda pa sempri.

Ebreus 10:36

Bo pirsisa di firmesa pa bo fasi vontadi di Deus, pa bo pudi yangasa kil ki fala i na da.

Ebreus 11:13

Tudu e jinti e muri ku fe sin ciga di yangasa ki kusas ku Deus fala i na da elis, ma e oja elis di lunju, e fika kontenti ku elis, e konfesa klaru kuma elis i ospri strañu na tera.

Ebreus 12:24

pa Jesus ku ranja nobu kontratu entri nos ku Deus, pa sangi ku wagadu, ku ta fala minjor di ki sangi di Abel.

Ebreus 13:20

N misti pa Deus ku ta da pas, ku lantanda di mortu no Siñor Jesus Kristu, garandi Pastor di karnel, pabia di sangi di kontratu ki fasi ntidu,

Ebreus 2:14

Suma ku fijus ta junta karni ku sangi, asin tambi ku el i junta ne mesmu kusas, pa i pudi muri; pabia di si mortu i pudi vensi kil ku ten puder riba di mortu, ku sedu diabu,

Ebreus 3:1

Asin, ermons krenti ku Deus coma, bo pui sintidu na Jesus, ku sedu Apostolu i Ŝef di Saserdoti di ki fe ku no ta konta kuma i di nos.

Ebreus 6:13

Oca ku Deus fasi si purmesa pa Abraon, suma ki ka teneba utru algin mas garandi pa jurmenta nel, i jura pa si kabesa,

Ebreus 6:15

Abraon pera ku pasensa, i yangasa kil ku Deus fala i na da.

Ebreus 7:22

Asin Jesus fasidu fiadur di un kontratu mas minjor, suma ku Deus fasil ku juramentu.

Ebreus 8:13

Manera ku Deus fala: “Nobu kontratu”, i na coma ki purmeru kontratu beju. Asin kusa ku na bejusi, ku sta gastu, i ka na tarda pa disparsi.

Ebreus 9:12

Oca Kristu pasa na ki tenda, i yentra un bias pa sempri na lugar mas sagradu di tudu, i ka ku sangi di bodi ku di fiju di baka, ma ku si propi sangi; i ngaña libertason pa nos pa sempri.

Ebreus 9:16

Na kasu di testamentu, i pirsis proba kuma kin ku fasil muri,

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

Tiagu 1:12

Sortiadu un algin ku nguenta tentason, i fika fiel, pabia, dipus di pasa proba, i ta risibi premiu ku sedu vida ku Deus fala i na da kilis ku amal.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

1 Pedru 5:10

Dipus di bo sufri un bokadu di tempu, Deus ku ta da tudu grasa, ku coma bos na Kristu pa bo toma parti na si gloria ku ka na kaba, i ta fasi bos kompletu, i ta firmanta bos, i fortifika bos, i da bos firmi alisersu.

1 Jon 2:25

Es i kusa ki fala i na danu: vida ku ka ta kaba.

Apokalipsi 5:9

E na kantaba un kantiga nobu ku fala: “Abo i mersidur di toma libru, pa kebra si selus, pabia bu matadu; ku bu sangi bu kumpra omis pa Deus di tudu rasa, tudu lingua, tudu pobu ku tudu nason.