Ebreus 9:12 - BIBLIA - traduson antigu in Krioulo

¹² Oca Kristu pasa na ki tenda, i yentra un bias pa sempri na lugar mas sagradu di tudu, i ka ku sangi di bodi ku di fiju di baka, ma ku si propi sangi; i ngaña libertason pa nos pa sempri.

Ebreus 9:12 ပူးပေါင်းရင်းမြစ်များ

Daniel 9:24

“Kuatrusentus i noventa anu markadu pa bu pobu ku bu prasa sagradu, pa kaba ku kebra lei, pa para pekadus, pa ranja purdon di mal, pa yentranda justisa ku ka na kaba, pa kumpri vison ku anunsius, tambi pa torna dedika kau mas sagradu.

Sirmonias 16:15

“Dipus i na mata bodi suma oferta pa pekadu di pobu. I na leba si sangi pa dentru di kurtina; i na fasi ku el suma ki fasi ku sangi di turusiñu: i na wagal riba di kubertura di miserikordia, tambi dianti del.

Sirmonias 4:3

Si un saserdoti unjidu peka, i tisi kulpa riba di pobu, pa ki pekadu ki fasi i ten ku tisi pa SIÑOR un fiju di baka, macu, sin difeitu, suma oferta pa pekadu.

Sirmonias 8:2

“Tisi Aron ku si fijus, se ropa sagradu, ku azeiti pa unta elis, tudu ku turu pikininu di oferta pa pekadu, ku dus karnel macu, ku sestu di pon sin fermentu.

Sirmonias 9:15

Dipus Aron ciganta oferta di pobu. I toma ki bodi ku sedu oferta pa pekadu di pobu, i matal, i sakrifikal pa i sedu oferta pa pekadu, suma ki fasi ku ki purmeru pa si kabesa.

Zakarias 3:9

Ali un pedra ku N pui dianti di Josué; i un pedra son ma i tene seti uju. Ali N na grava palabras nel; N na tira pekadu di tera na un dia son.’ ” Asin ku SIÑOR ku ten tudu puder fala.

Markus 3:29

ma kil ku papia mal kontra Spiritu Santu, nunka i ka na purdadu. I na fika ku si pekadu ntidu.”

Lukas 1:68

“No ngaba Siñor Deus di Israel, pabia i bin visita si pobu, i liberta elis.

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

Efésius 1:7

Pabia di si sangi no libertadu, no pekadu purdadu, konformi rikesa di fabur di Deus

Kolosensis 1:14

na kin ku no libertadu [pa si sangi], no pekadu purdadu.

1 Tesalonisensis 1:10

tambi pa pera si Fiju ku na bin di seu, ku sedu Jesus, ku Deus lantanda di mortu, ku na libranu di raiba di Deus ku na bin.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 10:19

Asin, ña ermons, sangi di Jesus danu fiansa pa no yentra na lugar mas sagradu di tudu.

Ebreus 10:4

pabia nin sangi di turu nin di bodi i ka pudi tira pekadu.

Ebreus 13:12

E ku manda Jesus tambi muri fora di prasa, pa i pudi santifika pobu ku si propi sangi.

Ebreus 5:9

Oca i fasidu pirfitu, i bin sedu fonti di salbason ku ka ta kaba pa tudu kilis ku obdisil.

Ebreus 7:27

ku ka pirsisa, suma utru ŝefis di saserdoti, di fasi sakrifisiu kada dia pa si propi pekadu purmeru, dipus pa pekadu di pobu, pabia i ronia ja un bias, oca ki da si kurpu.

Ebreus 9:13

Si sangi di bodi ku di turu, ku sinsa di fiju di baka wagadu riba di jinti kontaminadu, i ta purifika elis, i ta limpa kontaminason di kurpu,

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

Ebreus 9:15

E ku manda i ranja nobu kontratu na metadi di nos ku Deus, pa kilis ku comadu pudi risibi yardansa ku ka ta kaba ku Deus fala i na da. Es pudi sedu son pabia di un mortu, ku ta liberta jinti di mal ke fasi na tempu di purmeru kontratu.

Ebreus 9:19

Moisés konta dianti di pobu tudu mandamentu suma ki sta na lei; dipus i toma sangi di fijus di baka ku bodis, ku yagu; i toma tambi un padas di po di isopi, ku lan burmeju, i waga riba di libru di lei propi, ku tudu jinti,

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

Ebreus 9:7

ma na sugundu lugar, son ŝef di saserdoti ku ta yentra un bias kada anu. I ka pudi yentra la sin leba sangi pa pursenta pa si kabesa, ku pekadu tambi ku jinti fasi sin e sibi.

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,

Apokalipsi 5:9

E na kantaba un kantiga nobu ku fala: “Abo i mersidur di toma libru, pa kebra si selus, pabia bu matadu; ku bu sangi bu kumpra omis pa Deus di tudu rasa, tudu lingua, tudu pobu ku tudu nason.