Ebreus 8:5 - BIBLIA - traduson antigu in Krioulo

⁵ E na tarbaja na un lugar ki son figura ku sombra di kil ku sta na seu. I suma na kasu di Moisés, oca ki staba pa kumpu tenda, ku Deus avisal pa i toma sintidu di fasi tudu suma ki forma ki mostradu na monti.

Ebreus 8:5 ပူးပေါင်းရင်းမြစ်များ

1 Kronikas 28:12

I dal tambi planta di tudu ki teneba na sintidu aserka di kintal di kasa di SIÑOR, ku tudu kuartus na roda, ku armazens di kasa di Deus, ku armazens pa ofertas sagradu.

1 Kronikas 28:19

Davi fala: “SIÑOR dan ntindimentu di si ordis aserka di pormenoris de modelu ku sta li skritu.”

Saida 25:40

Jubi diritu pa bu fasi elis suma planta ku bu mostradu na monti.

Saida 25:9

Bu na kumpul ku tudu si mobilia konformi planta ku N na mostrau.

Saida 26:30

Lantanda tenda konformi planta ku bu mostradu na monti.

Saida 27:8

Bu na kumpu altar ku taguas, sin nada dentru; suma ku bu mostradu na monti, asin ki na fasidu.

Numerus 8:4

Kanderu i kumpuduba di uru batidu, desdi si pe te na si floris la riba; i kumpudu konformi modelu ku SIÑOR mostraba Moisés.

Mateus 2:12

Deus bin avisa elis na suñu pa ka e riba pa Erodis. Asin e bai pa se tera na utru kamiñu.

Atus 7:44

“No papes di antigu teneba tenda sagradu ku elis na lala, suma ku Deus manda, oca ki fala Moisés pa kumpul konformi planta ki oja.

Kolosensis 2:17

E kusas seduba sombra di kil ku na bin. Kurpu di ki sombra i Kristu.

Ebreus 10:1

Lei di Moisés i son un sombra di kusas bon ku na bin; i ka figura klaru di ki kusas. Mesmu sakrifisius e ta fasidu sempri kada anu. Lei, ku e sakrifisius, i ka pudi torna jinti ku ta fasil pa e purifikadu un bias.

Ebreus 11:7

I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.

Ebreus 13:10

Saserdotis ku ta sirbi na tenda sagradu e ka ten diritu di kume na altar ku no tene.

Ebreus 9:9

Es i sinal pa mostra e tempu li. Ofertas ku sakrifisius e ka pudi fasi kil ku na pursental pa i sta diritu na si konsiensia,

Josué 22:28

“E ku manda no fala: ‘Si e bin ciga di falanu asin, o e fala no jorson, no ta ruspundi: Bo jubi kopia ku no papes fasi di altar di SIÑOR; i ka pa ofertas kemadu, nin pa sakrifisiu, ma pa i sedu tustumuñu na no metadi ku bos.’

Apokalipsi 15:5

Dipus N jubi, N oja lugar sagradu di tenda di tustumuñu na seu i yabri.