Ebreus 7:1 - BIBLIA - traduson antigu in Krioulo

¹ E Melkisedek seduba rei di Salen, saserdoti di Deus ku sta riba di tudu. Oca Abraon na riba, dipus ki geria ku ki reis, i ngaña, Melkisedeki sai i kontra ku el, i bensual.

Ebreus 7:1 ပူးပေါင်းရင်းမြစ်များ

Salmus 57:2

N na coma Deus ku sta riba di tudu, ki Deus ku ta kumpri tudu si planus pa mi.

Salmus 76:2

Si tenda sta na Salen; i mora na Sion.

Salmus 78:35

E ta lembraba kuma Deus i seduba se Roca, kuma Deus ku sta riba di tudu i se Libertadur.

Salmus 78:56

Ma e proba Deus ku sta riba di tudu, e lanta kontra el, e ka obdisi si mandamentus.

Daniel 4:2

N kontenti pa konta bos di milagris ku maravilyas ku Deus ku sta riba di tudu i fasi pa mi.

Daniel 5:18

Ñu Rei, Deus ku sta riba di tudu i da bu pape Nabukodonosor un renu, ku garandesa, gloria ku rikesa.

Daniel 5:21

I serkadu na metadi di jinti, si pensamentu bida suma di limaria; i moraba juntu ku burus di montis; i ta kume paja suma baka; serenu di seu ta mojalba, tok i bin ntindi kuma, i Deus ku sta riba di tudu ku ta manda riba di renus di mundu, i ta pui riba delis kin ki misti.

Mikeias 6:6

Ke ku N na leba ora ku N bai dianti di SIÑOR pa mpina pa adora Deus ku sta riba di tudu? Nos N na bai si dianti ku ofertas kemadu, o ku bakasiñu di un anu?

Markus 5:7

i grita risu, i punta: “Ke ku N ten ku bo, Jesus, Fiju di Deus ku sta riba di tudu? N pidiu dianti di Deus, ka bu kastigan.”

Atus 16:17

I ta pegaba tras di nos ku Paulu, i na grita: “E omis ku ta kontanu kamiñu di salbason i servus di Deus ku sta riba di tudu.”

Ebreus 6:20

nunde ku Jesus bai dianti di nos, i yentra la pa no fabur. I fasidu Ŝef di Saserdoti ntidu, konformi yardansa di Melkisedek.

Ebreus 7:2

Abraon dal desimu parti di tudu ki tisi. Si nomi mostra purmeru kuma i rei justu. Dipus tambi i rei di Salen, ku sedu rei di pas.

Ebreus 7:3

No ka lei nada aserka di si pape nin si mame, nin si jorson; i ka tene kumsada di dias nin fin di vida, ma, suma Fiju di Deus, i saserdoti pa sempri.

Ebreus 7:6

ma Melkisedek, ku ka sedu di jorson di Levi, i toma dizimu na mon di kil ku risibi purmesa, i bensual, ku sedu Abraon.