Ebreus 6:9 - BIBLIA - traduson antigu in Krioulo

⁹ Mesmu ku no fala asin, ña kiridu amigus, no na pera kusas minjor di bos, kusas ku ta kumpaña salbason.

Ebreus 6:9 ပူးပေါင်းရင်းမြစ်များ

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Markus 16:16

Kin ku seta, i batisadu, i na sedu salbu, ma kil ku ka setal i na kondenadu.

Atus 11:18

E kaba di obi e kusas, e kalma, e da Deus gloria, e fala: “Na bardadi Deus da tambi jinti di utru rasa ripindimentu pa e pudi tene vida.”

Atus 20:21

N splika klaru pa judeus ku gregus kuma e ten ku konverti pa Deus ku fe na no Siñor Jesus.

1 Koríntius 10:14

Asin ña kiridu ermons, bo kuri di adora iran.

2 Koríntius 12:19

Talves tudu e tempu bo kuda kuma no misti difindi dianti di bos, ma no na fala dianti di Deus, suma algin di Kristu. Tudu ku no na fasi i pa juda kumpu bos.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

2 Koríntius 7:10

Tristesa ku bin di Deus i ta tisi mudansa di korson ku ta da salbason, ku ningin ka ta fika ripindidu del, ma tristesa di mundu ta tisi mortu.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Ebreus 10:34

Bo ta toma parti na sufrimentu di kilis ku staba prezu. Oca ku jinti toma bo kusas, bo sufri ku alegria, pabia bo sibiba kuma bo tene dentru di bos rikesa mas minjor ku ta tarda pa sempri.

Ebreus 10:39

Anos no ka sta na ladu di kilis ku rakua, e pirdi: no sta na ladu di kilis ku fia, e ngaña salbason.

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

Ebreus 5:9

Oca i fasidu pirfitu, i bin sedu fonti di salbason ku ka ta kaba pa tudu kilis ku obdisil.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.

2 Pedru 3:1

Ña kiridu ermons, es ja i sugundu karta ku N skirbi bos. Na tudu dus N na lembranta bos e kusas, pa disperta bos pa bon pensamentu.

1 Jon 2:7

Ña kiridu ermons, i ka nobu mandamentu ku N na skirbi bos, ma i mandamentu antigu ku sempri bo tene disna di kumsada. E antigu mandamentu i palabra ku bo obi ja.

Judas 1:3

Amadu ermons, oca N na buska pa skirbi bos aserka di salbason ku no junta, N sinti garandi nesesidadi di skirbi bos logu, pa da un avisu forti pa bo pega tesu na luta pa fe ku Deus ntrega si pobu un bias pa sempri.