Ebreus 5:5 - BIBLIA - traduson antigu in Krioulo

⁵ Asin tambi Kristu ka toma e garandesa pa si kabesa pa i sedu Ŝef di Saserdoti, ma kil ku dal ki lugar i Deus, ku fala: “Abo i ña Fiju; aos N padiu.”

Ebreus 5:5 ပူးပေါင်းရင်းမြစ်များ

Salmus 2:7

Ami, ku sedu rei, N na ripiti ke ku SIÑOR fala. El i falan: “Abo i ña fiju; aos ku N padiu.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Bon Noba di Jesus Kristu ku Jon 3:16

Deus ama jinti di mundu dimas, tok i da si uniku Fiju, pa tudu kil ku setal ka ta pirdi, ma i ta tene vida ku ka ta kaba.

Bon Noba di Jesus Kristu ku Jon 7:18

Kin ku ta papia di si kabesa i ta buska si propi gloria, ma kil ku ta buska gloria di kin ku mandal, es i algin di bardadi. Falsidadi ka sta nel.

Bon Noba di Jesus Kristu ku Jon 8:54

Jesus ruspundi elis: “Si N ta glorifika ña kabesa, ña gloria i ka ten balur. Kin ku ta glorifikan i ña Pape, kil ku bo ta fala kuma i bo Deus.

Atus 13:33

Suma ki sta skritu na sugundu salmu: ‘Abo i ña fiju; disna di aos N sedu bu pape.’

Romanus 8:3

Deus fasi kil ku lei ka pudiba fasi, di manera ku no naturesa fraksi lei: i manda si Fiju ku kurpu suma no kurpu di pekadu, pa i sedu sakrifisiu pa pekadu, tambi pa i kondena pekadu na no naturesa,

Ebreus 1:1

Na tempu ku pasa, Deus papia manga di bias, na manga di manera, ku no papes di antigu pa boka di anunsiaduris. Ne dias di kabantada i papia ku nos suma ki mandanu si Fiju,

Ebreus 1:5

Deus nunka ka fala nin un anju: “Abo i ña Fiju; aos N padiu.” Tambi i ka fala di nin un anju: “N na sedu si Pape; el i na sedu ña fiju.”

Ebreus 2:17

E ku manda i tenba ku fasidu suma si ermons na tudu manera, pa i pudi sedu ŝef di saserdoti ku ta mostra pena, ku sedu fiel na si tarbaju dianti di Deus pa yangasa purdon di pekadu di pobu.

Ebreus 3:1

Asin, ermons krenti ku Deus coma, bo pui sintidu na Jesus, ku sedu Apostolu i Ŝef di Saserdoti di ki fe ku no ta konta kuma i di nos.

Ebreus 5:10

Deus nomial pa i sedu Ŝef di Saserdoti na yardansa di Melkisedek.