Ebreus 4:2 - BIBLIA - traduson antigu in Krioulo

² pabia anos tambi no kontadu Bon Noba suma elis, ma palabra di Bon Noba ke kontadu ka tenba nin purbitu nelis, pabia i ka kontra ku fe na kilis ku obil.

Ebreus 4:2 ပူးပေါင်းရင်းမြစ်များ

Atus 13:46

Paulu ku Barnabé papia ku koraẑen, e fala: “I pirsis ba pa bo kontadu palabra di Deus purmeru, ma suma ku bo nega, bo oja kuma bo ka sedu mersidur di vida ku ka ta kaba, asin no na rabida pa jinti ku ka sedu judeus,

Atus 3:26

Deus lantanda si servu, i mandal pa bos purmeru, pa i bensua bos, pa i pui kada un di bos rabida di si mau kamiñu.”

Romanus 2:25

Si bu guarda lei, bu sirkunsison na bardadi i ten balur, ma si bu kebra lei, bu sirkunsison i suma nada.

Romanus 3:3

Si utrus i ka fiel, i ke gora? I ta pui Deus ka sedu fiel?

1 Koríntius 13:3

N pudi pati pobris tudu ku N tene; N pudi da ña kurpu propi pa i kemadu, ma si N ka ten amor, N ka na purbita nada.

Gálatas 3:2

Son es ku N misti sibi di bos: Bo risibi Spiritu di Deus pabia di fasi kil ku lei fala, o pabia bo fia na Bon Noba ku bo obi?

Gálatas 3:8

Skritura jumna mostra kuma, Deus ta fasi jintius justu si dianti pabia di se fe, suma ku Deus konta Abraon Bon Noba kuma, tudu nasons ten ku sedu bensuadu pabia del.

Gálatas 4:13

Bo sibi kuma i duensa na ña kurpu ku pun pa N bai konta bos Bon Noba purmeru bias,

Ripitison di Lei 1:32

Nin ku ’sin, bo ka fiansa na SIÑOR bo Deus,

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Timótiu 4:8

Trenamentu di kurpu i ten sertu purbitu, ma trenamentu spiritual i ten purbitu pa tudu, pabia i ten purmesa pa e vida li, ku vida ku na bin.

Ebreus 11:6

Ningin ka pudi pui Deus kontenti ku el sin fe, pabia kil ku na bai pa el i ten ku fia kuma el i ten, kuma i ta da pagamentu tambi pa kilis ku buskal.

Ebreus 3:12

Ermons, bo toma sintidu pa ka nin un di bos tene mau korson, ku ka ta fia, pa i bin fasil lunjusi di Deus bibu.

Ebreus 4:6

Suma ku utrus ten ku yentra nel, suma tambi kilis purmeru ku kontadu Bon Noba e ka yentra pabia di se disobdiensia,

Tiagu 1:21

Asin, bo nega tudu koldadi susidadi ku tudu restu di kabalindadi; bo risibi ku mansesa ki palabra ku parantadu na bos, ku ten puder pa salba bo alma.

1 Pedru 1:12

Deus mostra elis kuma, kusas ke na trata i ka pa elis, ma i pa bos. Kilis ku konta bos Bon Noba na puder di Spiritu Santu ku mandadu di seu, e konta bos ja e kusas — ki kusas ku anjus propi misti ntindi.