Ebreus 4:12 - BIBLIA - traduson antigu in Krioulo

¹² Palabra di Deus i bibu, i forti. I ta mas korta di ki spada di dus boka; i ta yentra te dentru di algin nunde ku alma ku spiritu ta rapati, te na metadi di juntamentu di os. I kapas di julga vontadi ku pensamentu di korson.

Ebreus 4:12 ပူးပေါင်းရင်းမြစ်များ

Salmus 110:2

Di Sion, SIÑOR na pui puder di bu renansa pa i aumenta pa utru teras; i fala: “Domina na metadi di bu inimigus.”

Salmus 119:130

Splikason di bu palabra ta da lus, i ta da ntindimentu pa kilis ku ka nsinadu.

Salmus 139:2

Bu sibi ora ku N na sinta, ku ora ku N na lanta; di lunju bu ta ntindi ña pensamentu.

Salmus 149:6

pa e yalsa vos altu pa ngaba Deus. Na se mon pa e tene spada di dus boka

Salmus 45:3

O rei forti, mara bu spada; bisti bu gloria ku puder di rei.

Ditus 5:4

ma na kabantada i malgos suma fel, i ta fidi suma faka ku moladu na dus ladu.

Eklesiastis 12:11

Palabras di jinti jiru i suma mantampa na mon di bakiadur; se ditus juntadu i suma pregus ku fiksadu diritu. I ki un Bakiadur ku da elis pa nsinanu.

Isaias 11:4

ma i na julga koitadis ku justisa; i na difindi diritu di jinti mansu na tera. Konformi si ordi, jinti na kastigadu, omis mau na matadu.

Isaias 49:2

I pui ña palabras pa e sedu suma spada gudu; i kubrin ku sombra di si mon. I pun suma fleŝa limpu, i sukundin na si saku di fleŝa.

Isaias 55:11

asin ku palabra ku N papia na sedu; i ka na riba amonton pa mi, ma i na fasi kil ki di ña vontadi; i na bai dianti na kil ku N mandal pa i fasi.

Jeremias 17:10

“Ami, SIÑOR, N ta rabista korson, N ta spurmenta pensamentus; N ta paga kada algin konformi si manera di yanda, ku kusas ki fasi.”

Jeremias 23:29

I torna punta mas: “Nta ña palabra i ka sedu suma fugu, o suma martel ku ta kebra-kebra pedra garandi?”

Lukas 8:11

“Es i splikason di storia: Simentera i palabra di Deus.

Bon Noba di Jesus Kristu ku Jon 12:48

Kin ku negan, i ka risibi ña palabra, i ten ja kin ku na julgal; palabra ku N konta, es ku na julgal na ultimu dia.

Bon Noba di Jesus Kristu ku Jon 6:51

Ami i ki pon bibu ku ria na seu; si algin kume de pon li, i ta vivi pa sempri. Pon ku N na da bos i ña karni ku N na da pa jinti di mundu pudi tene vida.”

Atus 2:37

Oca jinti obi ki kusa, se korson fika tristi dimas; e punta Pedru ku ki utru apostolus: “Ermons, ke ku no dibi di fasi?”

Atus 4:31

Dipus ke ora, lugar ke juntaba nel tirmi. Elis tudu e incidu ku Spiritu Santu, e kumsa na konta palabra di Deus ku koraẑen.

Atus 5:33

Oca ke obi ki palabra, e paña raiba; e misti mata elis,

Atus 7:38

Oca e staba tudu juntadu na lala, i e Moisés ku staba ku no papes, tudu ku anju ku papia ku el na Monti Sinai; i risibi palabra di vida pa i pudi pasantal pa nos.

Romanus 1:16

N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

1 Koríntius 1:24

ma pa kilis ku Deus coma, judeus ku gregus, pa elis Kristu i puder di Deus, i jiresa di Deus.

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

Efésius 5:13

Tudu kusa ku pudu na lus, i ta ojadu si koldadi, pabia lus ta mostra klaru.

Efésius 5:26

pa i separal pa el. I labal ku yagu ku palabra pa limpal,

Efésius 6:17

Bo toma tambi salbason suma kapasiti, ku spada ku Spiritu ta da ku sedu palabra di Deus.

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

Ebreus 13:7

Bo lembra di bo pastoris ku konta bos palabra di Deus. Bo pensa na manera ke yandaba; bo remenda se fe.

Ebreus 6:5

ku spurmenta kuma palabra di Deus i bon, ku sinti forsa di mundu ku na bin bin,

Tiagu 1:18

Na si vontadi i padinu ku si palabra di bardadi, pa no pudi sedu suma si purmeru fijus.

1 Pedru 1:23

Palabra di Deus ku tene vida, ku ta fika pa sempri, i el ku pui pa bo padidu utru bias; bo ka padidu na pape ku ta muri, ma na pape ku ka ta muri.

Apokalipsi 1:16

I teneba seti strela na si mon direita; na si boka i na saiba un spada moladu na dus ladu. Si rostu seduba suma sol di me-dia.

Apokalipsi 19:15

Na si boka i sai un spada fiadu pa fidi nasons ku el. I na guberna elis ku vara di feru. I na masa na lagar di biñu di forti raiba di Deus ku ten tudu puder.

Apokalipsi 19:21

Ki restus matadu ku spada ku na sai na boka di kil ku monta na kabalu. Tudu kacus farta se karni.

Apokalipsi 2:16

Ripindi de! Si i ka asin, N ka na tarda, N na bin pa bo; N ta geria ku elis ku spada di ña boka.

Apokalipsi 2:23

N na mata si fijus. Tudu igreẑas na bin sibi kuma ami i kil ku ta rabista korson ku pensamentu di jinti; N na da kada un di bos konformi kil ki fasi.

Apokalipsi 20:4

Dipus, N oja tronus, ku kilis ku sinta nelis; e dadu puder pa julga. N oja almas di kilis ku dogoladu pabia e testifika di Jesus, ku palabra di Deus, e ka adora besta, nin si imaẑen, e nega risibi sinal na testa o na mon. E torna bibu, e rena ku Kristu mil anu,

Ŝefis 3:16

Eud kumpu un spada, moladu na tudu dus ladu, ku teneba serka di korenta i sinku sentimetru, i maral na si perna direita, bas di si ropa,