Ebreus 2:17 - BIBLIA - traduson antigu in Krioulo

¹⁷ E ku manda i tenba ku fasidu suma si ermons na tudu manera, pa i pudi sedu ŝef di saserdoti ku ta mostra pena, ku sedu fiel na si tarbaju dianti di Deus pa yangasa purdon di pekadu di pobu.

Ebreus 2:17 ပူးပေါင်းရင်းမြစ်များ

2 Kronikas 29:24

Saserdotis mata ki kabras, e waga se sangi riba di altar suma oferta pa purdon di pekadu di tudu Israel, pabia rei daba ordi pa e pursenta oferta kemadu ku oferta pa purdon di pekadu pa tudu Israel.

Isaias 11:5

I na guberna si pobu ku justisa ku bardadi.

Ezekiel 45:15

“Di kada 200 karnel na tera mas gurdu di Israel, bo ta da un karnel. E kusas na usadu pa ofertas di kumida, ofertas kemadu ku ofertas di pas, pa pekadu di pobu pudi purdadu. Asin ku ami, SIÑOR Deus, N fala.

Ezekiel 45:17

Rei ten ku da limarias pa ofertas kemadu, ofertas di kumida ku ofertas di bibida pa festivalis, lua nobu ku dias di diskansu, ku sedu tudu festivalis markadu pa pobu di Israel. I na da ofertas di kumida ku limarias pa ofertas pa pekadu, ofertas kemadu ku ofertas di pas, pa pekadu di pobu di Israel pudi purdadu.”

Ezekiel 45:20

Asin tambi ku bu na fasi na setimu dia, pabia di algin ku peka sin fasi diskarna o pabia i ka sibi. Asin bo na guarda templu sagradu.

Daniel 9:24

“Kuatrusentus i noventa anu markadu pa bu pobu ku bu prasa sagradu, pa kaba ku kebra lei, pa para pekadus, pa ranja purdon di mal, pa yentranda justisa ku ka na kaba, pa kumpri vison ku anunsius, tambi pa torna dedika kau mas sagradu.

Sirmonias 14:18

Kil ku sobra di azeiti ku sta na si mon, i na pul riba di kabesa di kil ku na purifikadu. Asin, saserdoti na fasi sakrifisiu pa pekadu di ki algin dianti di SIÑOR.

Sirmonias 16:16

Asin i na fasi sakrifisiu pa purifika kau mas sagradu, pabia di impuresa di fijus di Israel, ku tudu se pekadu, manera ke kebra lei; i na purifika tambi tenda di juntamentu ku sta na se kampamentu, na metadi di se impuresas.

Sirmonias 6:30

Ma nin un oferta pa pekadu ku si sangi lebadu na tenda di juntamentu, na lugar sagradu, pa sedu sakrifisiu pa pekadu, i ka na kumedu; i na kemadu na fugu.

Sirmonias 8:15

Moisés matal, i toma sangi, i pui dedu nel, i pul na tudu pontas di altar, pa purifika altar. Dipus i darma restu di sangi na pe di altar. Asin i konsagral pa sakrifisiu pudi fasidu riba del.

Numerus 15:25

Saserdoti na sakrifika ki limarias pa tudu kumunidadi di Israel; se pekadu na purdadu, pabia e ka fasi diskarna, tambi e leba ki oferta kemadu pa SIÑOR, tudu ku ki sakrifisiu pa purdon di pekadu, manera ke yara.

Romanus 15:17

Asin, juntu ku Jesus Kristu, N pudi sinti garandesa na ña tarbaju pa Deus.

Romanus 5:10

Manera ku no seduba si inimigus, Deus fasinu si amigus pabia di mortu di si Fiju. Gosi ku no sedu amigus di Deus, kuma ku no ka na sedu salbu pabia di si vida?

Efésius 2:16

pa i pudi toma ki dus juntadu na un son, i pui pas entri elis ku Deus pabia di si mortu na krus ku pajiga se inimisadi.

Kolosensis 1:21

Abos tambi, na tempu ku pasa bo seduba inimigus, lunju di Deus, pabia di kusas mau ku bo pensa, ku bo fasi,

Ebreus 10:21

Suma no tene un garandi saserdoti riba di kasa di Deus,

Ebreus 2:11

Asin, kil ku ta santifika ku kilis ku santifikadu e sedu di un mesmu Pape. E ku manda Jesus ka burguñu coma elis ermons.

Ebreus 2:14

Suma ku fijus ta junta karni ku sangi, asin tambi ku el i junta ne mesmu kusas, pa i pudi muri; pabia di si mortu i pudi vensi kil ku ten puder riba di mortu, ku sedu diabu,

Ebreus 2:16

Na bardadi i ka bin toma forma di anjus, ma i toma di fijus di Abraon.

Ebreus 3:1

Asin, ermons krenti ku Deus coma, bo pui sintidu na Jesus, ku sedu Apostolu i Ŝef di Saserdoti di ki fe ku no ta konta kuma i di nos.

Ebreus 3:2

I sedu fiel pa kil ku pul na tarbaju, suma ku Moisés tambi seduba fiel na kasa di Deus.

Ebreus 3:5

Na bardadi Moisés, suma servu, i seduba fiel na kasa di Deus, pa konta kusas ku Deus na bin konta mas tardi,

Ebreus 4:14

Suma ku no tene un garandi Ŝef di Saserdoti ku sedu Jesus, Fiju di Deus, ku yentra dentru di seu, no fika firmi na no fe.

Ebreus 4:15

No ka tene un ŝef di saserdoti ku ka pudi ten pena di no frakesa, ma un ku tentaduba na tudu, suma nos, ma ku nunka ka peka.

Ebreus 5:1

Tudu ŝef di saserdoti i kujidu na metadi di omis, i pudu pa i sta dianti di Deus pa fabur di jinti, pa leba ofertas ku sakrifisius pa pekadu.

Ebreus 5:10

Deus nomial pa i sedu Ŝef di Saserdoti na yardansa di Melkisedek.

Ebreus 5:2

Suma el propi i fraku na manga di manera, i pudi mostra manga di pasensa pa kilis ku ka sibi, ku ta yara.

Ebreus 5:5

Asin tambi Kristu ka toma e garandesa pa si kabesa pa i sedu Ŝef di Saserdoti, ma kil ku dal ki lugar i Deus, ku fala: “Abo i ña Fiju; aos N padiu.”

Ebreus 6:20

nunde ku Jesus bai dianti di nos, i yentra la pa no fabur. I fasidu Ŝef di Saserdoti ntidu, konformi yardansa di Melkisedek.

Ebreus 7:26

No pirsisaba di un Ŝef di Saserdoti suma es, puru, sin pekadu, sin manca, lunjusidu di jinti ku ta peka, yalsadu pa un lugar mas altu na seu,

Ebreus 7:28

Lei ta fasi omis fraku pa e sedu ŝefis di saserdoti, ma palabra di juramentu, ku bin dipus di lei, i nomia Fiju, kompletu pa sempri, pa i sedu Ŝef di Saserdoti.

Ebreus 8:1

Agora ne kombersa tudu, kusa ku no misti fala i es, kuma no tene un Ŝef di Saserdoti de koldadi, ku sta sintadu na direita di tronu di Rei la na seu,

Ebreus 8:3

Tudu ŝef di saserdoti pudu pa i pursenta ofertas ku sakrifisius; asin e saserdoti tambi i ten ku tene un kusa pa pursenta.

Ebreus 9:11

Ma Kristu bin ja, suma Ŝef di Saserdoti di bon kusas ku sta ja. Tenda ki na sirbi nel i mas garandi, i mas kompletu; i ka tarbaju di mon di omi, nin i ka sedu de mundu ku kumpudu.