Ebreus 13:4 - BIBLIA - traduson antigu in Krioulo

⁴ Pa tudu jinti rispita kasamenti. Kama di kasadu pa ka i mancadu ku pekadu. Deus na julga kilis ku ta sta na vida susu, ku pekadu seksual.

Ebreus 13:4 ပူးပေါင်းရင်းမြစ်များ

Kumsada 2:21

Asin SIÑOR Deus pui omi pasa ku sonu, i tira un os di si kostela, i fica karni na ki kau.

Kumsada 2:24

Pabia di kila, omi ten ku disa si pape ku si mame, i junta ku si minjer; elis dus e ta sedu un kurpu son.

2 Reis 22:14

Asin saserdoti Ilkias, ku Aikan, Akbor, Safan ku Asaias, e bai pa sugundu bairu di Jerusalen, pa kasa di anunsiadur Ulda, (si maridu Salun, fiju di Tikvá, fiju di Arás, i ta rakadaba ropa di templu) e papia ku el.

Jo 31:12

I sedu fugu ku ta kema te na pirdison; i ta kaba ku tudu ña kebur.

Isaias 8:3

N bai oja ku ña minjer; el i preña, i padi un fiju. SIÑOR falan: “Pul nomi di Maer-Salal-As-Baz.

Sirmonias 15:18

Si minjer dita ku omi ku si simenti di kopula sai nel, elis tudu dus e na laba kurpu ku yagu, e na fika impuru te di tardi.

Sirmonias 18:20

“Ka bu ten relason seksual ku minjer di bu kumpañer, pa kontamina ku el.

Malakias 3:5

SIÑOR ku ten tudu puder fala: “N na bin ciga na bo metadi pa julga, tudu pruntu pa sedu tustumuña kontra futserus, ku kilis ku ta dita ku omi o minjer ki ka di sil, kilis ku ta jurmenta na mintida, kilis ku ka ta paga se tarbajaduris, ku kilis ku ta tursi justisa di viuva, orfan ku stranjeru.

1 Koríntius 6:18

Bo kuri di mau vida. Tudu pekadu ku algin fasi, i fora di kurpu, ma kil ku kai na pekadu seksual, i na peka kontra si propi kurpu.

1 Koríntius 6:9

O bo ka sibi kuma kilis ku ta fasi mal ka na ten parti na renu di Deus?

1 Koríntius 7:38

De manera, kil ku kasa ku si bajuda, i fasi ben, ma kil ku ka kasa, i fasi mas ben.

1 Koríntius 9:5

No ka ten diritu di bai bias ku minjer krenti ku no kasa ku el, suma ki utru apostolus, ku ermons di Siñor, ku Pedru?

2 Koríntius 5:10

pabia anos tudu no ten ku parsi dianti di tribunal di Kristu, pa kada kin risibi konformi i fasi na kurpu, ben o mal.

Gálatas 5:19

I klaru kuma ku naturesa di omi ta fasi; i ta mostradu na pekadu seksual, vida susu, puku borgoña,

Gálatas 5:21

nveẑa, bibidera, wukesa, ku utru kusas ku parsi suma es. N na avisa bos, suma ku N tarda avisaba ja, kuma kilis ku ta fasi asin ka na ten parti na renu di Deus.

Efésius 5:5

Bo pudi ten sertesa kuma, algin ku ta fasi pekadu seksual, o kil ku tene vida susu, o kil ku ten kubisa (ki suma idulatria), i ka pudi pertensi renu di Kristu, ku sedu renu di Deus.

Ripitison di Lei 22:22

Si un omi pañadu cai ku minjer kasadu ku utru omi, elis tudu dus e na matadu. Asin bu ta tira e mal na tera di Israel.

1 Tesalonisensis 4:6

Ne kusa ningin ka dibi di ngana si ermon, nin abusa del, pabia Siñor i vingadur di tudu e kusas, suma ku no konta bos ja, no avisa bos klaru.

1 Timótiu 3:12

Diákunu dibi di sedu maridu di un minjer son, i dibi di sibi guberna si kasa ku si fijus diritu.

1 Timótiu 3:2

I pirsis pa un presbiteru sedu sin kulpa, maridu di un minjer son, seriu, ku sibi guberna si kabesa, ku ten ordi, ku ta risibi ospri na si kasa, ku ten jitu pa nsina.

1 Timótiu 3:4

I dibi di sibi guberna si kasa diritu, pa si fijus obdisil ku tudu rispitu,

1 Timótiu 4:3

E ta tuji kasamenti; e ta pruibi kume utru kusas, kontudu Deus kumpu ki kusas, pa krentis, ku kunsi bardadi diritu, pudi fala Deus obrigadu, e kume.

1 Timótiu 5:14

Asin, N ta misti pa viuvas mas nobu kasa, pa e tene fijus, e trata di se kasa, pa ka e da motivu pa inimigu fala mal,

Titu 1:6

i ten ku sedu algin sin kulpa, omi di un minjer son, ku tene fijus krenti ku ka ta faladu kuma e ten falta di ordi, o e ka ta obi,

Ebreus 12:16

pa i ka ten ningin na bo metadi ku vida susu, o algin ku pensamentu de mundu, suma Esaú, ku bindi si diritu di garandesa pabia di un pratu di kumida.

Apokalipsi 22:15

Kilis ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.