Ebreus 13:20 - BIBLIA - traduson antigu in Krioulo

²⁰ N misti pa Deus ku ta da pas, ku lantanda di mortu no Siñor Jesus Kristu, garandi Pastor di karnel, pabia di sangi di kontratu ki fasi ntidu,

Ebreus 13:20 ပူးပေါင်းရင်းမြစ်များ

2 Samuel 23:5

“Nin ku ña familia ka bin na yanda de manera, ma Deus fasi ku mi un kontratu ku ka na kaba, ku rumadu diritu, ku sta suguru. Ña salbason ku ña kontentamentu na sedu kompletu, nin ki ka sta inda maduru.

1 Kronikas 16:17

I konfirmal pa Jakó suma lei, i dal pa Israel suma kontratu ku ka ta kaba;

2 Kronikas 30:12

Deus staba ku jintis di Judá, i da elis un korson son, pa e obdisi ordi ku rei ku ŝefis da konformi palabra di SIÑOR.

Salmus 23:1

SIÑOR i ña bakiadur; nada ka na faltan.

Salmus 80:1

O Deus, Bakiadur di Israel, para sintidu. Abo ku ta gia José suma karnel, ku ta sinta na metadi di kirubins, mostra bu gloria

Saida 24:8

Moisés toma ki sangi, i wagal riba di pobu, i fala: “Es i sangi di kontratu ku SIÑOR fasi ku bos konformi tudu e palabras.”

Isaias 40:11

I na toma konta di si karnelis suma bakiadur; i na lambu karnelsiñus, i leba elis na si mon; kilis ku na mamanta, i ta leba elis ku mansesa.

Isaias 55:3

Bo bin pa mi, bo mpina bo oreja, bo sukuta pa bo pudi tene vida, pabia N na fasi un kontratu ku bos pa sempri, pa N da bos bensons ku ka ta falia ku N fala Davi aserka delis.

Isaias 61:8

SIÑOR fala: “Ami, SIÑOR, N ama justisa; N ka gosta di pekadu di furtu. N na sedu fiel pa paga ña pobu, N na fasi un kontratu ku elis ku ka na kaba.

Isaias 63:11

Pobu bin lembra di tempu antigu, di Moisés ku si pobu, e punta nos nunde kil ku pui elis kamba mar ku se ŝefis ku na gia elis suma bakiadur ku si koral. E punta tambi pa kil ku pui si Spiritu Santu na se metadi.

Jeremias 32:40

N na fasi ku elis un kontratu ku ka na kaba, ku na pun pa N ka para fasi elis ben. N na pui elis pa e rispitan ku tudu se korson, pa nunka mas e ka bai lunju di mi.

Ezekiel 34:23

N na pui un bakiadur riba delis ku na bakia elis, ku sedu ña servu Davi; i el ku na toma konta delis, i na sedu se bakiadur.

Ezekiel 37:24

“‘Ña servu Davi na rena riba delis; elis tudu e na tene un bakiadur son. E na yanda na ña leis, e na pui sintidu pa obdisi ña mandamentus.

Ezekiel 37:26

N na fasi kontratu di pas ku elis, ku na sedu kontratu ku ka na kaba. N na pui elis na se tera, N na buri elis, N na pui ña kau sagradu na se metadi pa sempri.

Zakarias 9:11

Ma abo, Sion, pabia di sangi di bu kontratu, N tira bu katibus na katiberasku, nunde ke staba suma na un koba ku ka tene yagu.

Mateus 26:28

pabia es i ña sangi, sangi di [nobu] kontratu, ku darmadu pa manga di jinti, pa purdon di pekadus.

Markus 14:24

I fala elis: “Es i ña sangi, sangi di kontratu, ku darmadu pa manga di jinti.

Lukas 22:20

Di mesmu manera, dipus di sia, i toma kopu, i fala: “E kopu i nobu kontratu seladu ku ña sangi ku darmadu pa bos.

Bon Noba di Jesus Kristu ku Jon 10:11

“Ami i bon bakiadur; bon bakiadur ta sta pruntu pa muri pa si karnel,

Bon Noba di Jesus Kristu ku Jon 10:14

Ami i bon bakiadur. Suma ku ña Pape kunsin, ami tambi N kunsi ña Pape. Asin ku N kunsi ña karnel, elis e kunsin; N sta pruntu pa muri pa elis.

Atus 13:30

ma Deus lantandal na metadi di mortus.

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Atus 2:24

ma Deus lantandal, i libertal di agunia di mortu, pabia mortu ka pudiba tenel prezu.

Atus 2:32

“E Jesus ku no na fala del, Deus lantandal di mortu. Anos tudu i tustumuñas de kusa.

Atus 3:15

Bo mata Dunu di vida, ma Deus lantandal di mortu. Anos no sedu tustumuñas de kusa.

Atus 4:10

i bon pa bo sibi, abos tudu ku tudu pobu di Israel, kuma e omi sta sikidu, san bo dianti, na nomi di Jesus Kristu di Nazaré, kil ku bo krusifika, ku Deus lantanda di mortu.

Atus 5:30

Deus di no papes i lantanda Jesus, kil ku bo mata, bo pindra na krus di madera.

Romanus 1:4

ma na ladu di Spiritu di santidadi, manera ki lanta di mortu, i mostradu ku puder kuma el i Fiju di Deus.

Romanus 10:7

“o: ‘Kin ku na ria na koba fundu?’ ” (ku sedu pa fasi Kristu lanta na metadi di mortus).

Romanus 15:33

Deus, no fonti di pas, pa i sta ku bos tudu. Amen.

Romanus 16:20

Deus, no fonti di pas, i ka na tarda pa kebra Satanas bas di bo pe. Fabur di no Siñor Jesus ta sta ku bos.

Romanus 8:11

Si Spiritu di kil ku lantanda Jesus di mortu sta na bos, ki algin ku lantanda Kristu di mortu tambi i na pui vida na bo kurpu mortal, pabia di si Spiritu ku sta na bos.

1 Koríntius 14:33

pabia Deus i ka Deus di kunfuson, ma i Deus ku ta da pas. Suma na tudu juntamentu di pobu di Deus,

1 Koríntius 15:15

Anos tambi, no ta parsi suma no na konta mintida aserka di Deus, pabia no fala kuma i lantanda Kristu di mortu, ma si na bardadi mortus ka ta lantandadu, tambi Deus ka lantanda Kristu di mortu.

1 Koríntius 6:14

Deus, ku lantanda Siñor di mortu, tambi i na lantandanu pa si puder.

2 Koríntius 13:11

Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

2 Koríntius 4:14

No sibi kuma kil ku lantanda Siñor Jesus pa vida, i na lantandanu ku el; i na lebanu si dianti juntu ku bos.

Gálatas 1:1

E karta i di mi, Paulu, apostolu. I ka omi ku coman pa N sedu apostolu, nin e comada ka bin pabia di omi, ma i Jesus Kristu ku coman, ku Deus Pape ku lantandal di mortu.

Efésius 1:20

ku Deus usa pa lantanda Kristu di mortu, pa sintandal na si mon direita na mundu selestial,

Filipensis 4:9

Tambi bo fasi kil ku N nsina bos, kil ku bo risibi, ku bo obi na ña boka, ku bo oja na mi. Deus ku ta da pas ta sta ku bos.

Kolosensis 2:12

Na batismu bo nteradu ku el; tambi bo lantandadu ku el pabia di bo fe na puder di Deus ku lantandal di mortu.

1 Tesalonisensis 1:10

tambi pa pera si Fiju ku na bin di seu, ku sedu Jesus, ku Deus lantanda di mortu, ku na libranu di raiba di Deus ku na bin.

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

2 Tesalonisensis 3:16

Siñor propi, ki fonti di pas, pa i da bos pas sempri na tudu tempu, na tudu manera. Siñor ta sta ku bos tudu.

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 10:29

Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusa lebi, ku papia mal kontra Spiritu di grasa? Bo kuda kuma ki na mersi kastigu mas pior inda!

Ebreus 9:20

i fala: “Es i sangi di kontratu ku Deus manda pa bo sigi.”

1 Pedru 1:21

I pabia del ku bo fia na Deus ku lantandal na metadi di mortus, i dal gloria, pa bo fe ku bo speransa pudi sta na Deus.

1 Pedru 2:25

Bo na yandaba pirdidu, suma karnel, ma gosi bo rabida ja pa Pastor, guarda di bo alma.

1 Pedru 5:4

Ora ku Ŝef di Pastoris bin, bo na risibi koroa di gloria ku ka ta murca.