Ebreus 13:2 - BIBLIA - traduson antigu in Krioulo

² Ka bo diskisi di risibi ospri na bo kasa. Utru jinti ku fasi asin e risibi anjus sin e ka sibi.

Ebreus 13:2 ပူးပေါင်းရင်းမြစ်များ

Kumsada 18:1

Dipus, SIÑOR bin pa Abraon, lungu di pes di karvaju di Manre. Abraon sintaba na porta di tenda; ki ora sol kintiba wit.

Kumsada 19:1

Ki dus anju ciga na Sodoma di tardi. Lo sintaba na porton di prasa. I oja elis, i lanta, i bai kontra ku elis, i mpina ku rostu na con,

2 Reis 4:8

Un dia Eliseu bai pa Sunen. I staba la un minjer riku. Kila ngoda Eliseu pa i bai kume na si kasa. Disna di ki dia, kada bias ku Eliseu pasa na ki kau, i ta baiba kume la.

Jo 31:19

“Si N oja algin ku ka tene nada, ku na muri ku falta di ropa;

Jo 31:32

Stranjeru ka ta pasaba noti na rua; ña porta staba sempri abertu pa ospris.

Isaias 58:7

Tambi i pa bu rapati bu kumida ku kil ku tene fomi, bu rukuji koitadis refuẑiadu na bu kasa, bu kubri kil ku bu oja i na yanda nun, tambi pa bu ka nega juda bu parentis.

Sirmonias 19:34

Stranjeru ku mora ku bos i ten ku tratadu suma fiju di tera. Bu na amal suma bu kabesa propi, pabia bo seduba stranjerus na tera di Ejitu. Ami i SIÑOR bo Deus.

Mateus 25:35

N teneba fomi, bo dan di kume; N teneba sedi, bo dan di bibi; N seduba ospri, bo gasijan;

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Mateus 25:43

N seduba ospri, bo ka gasijan; N staba nun, bo ka dan di bisti; N staba duenti, tambi na kalabus, bo ka bai visitan.’

Atus 16:15

Oca ki batisadu, tudu ku si familia, i pidinu, i fala: “Si bo oja kuma ami i krenti fiel na Siñor, bo ta bai fika na ña kasa.” Asin ki ngodanu; no bai.

Romanus 12:13

Bo juda krentis ku ten nesesidadi, bo sedu gasijadur di ospri.

Romanus 16:23

Ña gasijadur Gaiu, na kasa nunde ku igreẑa ta junta, i manda manteña pa bos. Erastu, tisoreru di prasa, ku no ermon Kuartu, tambi manda manteña. [

1 Timótiu 3:2

I pirsis pa un presbiteru sedu sin kulpa, maridu di un minjer son, seriu, ku sibi guberna si kabesa, ku ten ordi, ku ta risibi ospri na si kasa, ku ten jitu pa nsina.

1 Timótiu 5:10

ku kunsidu kuma i ta fasi bon obras; ku kria si fijus diritu, ku ta risibi ospris, ku ta laba pe di pobu di Deus, ku ta sakura kilis ku sta forontadu, ku da si vida pa fasi tudu bon obra.

Titu 1:8

I dibi di sedu gasijadur, amigu di kil ki bon, ku sibi guberna si kabesa, justu, puru, ku ten ordi na si vida.

1 Pedru 4:9

Bo risibi ŋutru na bo kasa, sin miskiña.

3 Jon 1:5

Ña kiridu ermon, abo i fiel na tudu ku bu fasi pa ermons, kontudu elis i strañu.