Ebreus 13:17 - BIBLIA - traduson antigu in Krioulo

¹⁷ Bo obdisi bo pastoris, bo suẑeta elis, pabia e ka ta kansa jubi pa bos, suma kin ku ten ku da Deus konta di bo alma. Bo juda elis pa e pudi fasi e tarbaju ku alegria, pa ka e ba ta fasil ku dur di korson, pabia de manera i ka ta bali pa bos.

Ebreus 13:17 ပူးပေါင်းရင်းမြစ်များ

Kumsada 16:9

Anju di SIÑOR falal: “Riba pa bu siñora, bu baŝa bu kabesa bas di si mon.”

Saida 32:31

Asin Moisés bai mas pa SIÑOR i falal: “E pobu fasi pekadu garandi, manera ke kumpu un deus di uru pa se kabesa,

Ditus 5:13

N nega obi ña pursoris, nin N ka para sintidu na se palabras.

Isaias 62:6

O Jerusalen! N pui guardas riba di bu muras, ku ka na kala nin di dia ku fadi di noti. Abos ku ta coma nomi di SIÑOR, ka bo diskansa.

Jeremias 13:17

Si bo ka para sintidu, N na cora na sigridu, pabia di bo orgulyu; ña uju na cora risu; larma na darma, pabia karnelis di SIÑOR na lebadu katibu.

Ezekiel 33:2

“Fiju di omi, papia ku fijus di bu pobu, bu fala elis: ‘Ora ku N pui spada pa i bin kontra un tera, si jinti di ki tera kuji un di se omis e pul suma sintinela,

Lukas 16:2

Patron comal, i puntal: ‘Es i ke ku N na obi di bo? N na fasiu balansu, N tirau na tarbaju.’

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

Romanus 14:12

Asin, kada un di nos na da konta di si kabesa dianti di Deus.

1 Koríntius 16:16

pa bo suẑeta koldadi ki jinti, ku tudu kilis ku na pui mon na tarbaju pa juda.

Efésius 5:21

Bo suẑeta ŋutru suma ku bo rispita Kristu.

Filipensis 1:4

Kada bias ku N na ora pa bos tudu, N ta ora ku alegria,

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

Filipensis 2:16

kontra bo na da elis palabra di vida. Si bo fasi asin, N ta ten ku njata na bos na Dia di Kristu, pabia i ta mostra kuma tudu ña kurida ku ña tarbaju i ka sedu amonton.

Filipensis 2:29

Asin bo risibil ku garandi kontentamentu, suma un ermon na Siñor. Bo rispita jinti suma el,

Filipensis 3:18

N konta bos manga di bias; gosi N na ripitil ku larmas, kuma i ten manga delis ku se vida fasi elis inimigu di krus di Kristu,

Filipensis 4:1

Asin, ña ermons ku N ama ciu, ku N ten saudadi del, ña alegria ku ña koroa, bo fika firmi na Siñor ne manera, ña kiridus.

2 Tesalonisensis 3:14

Si algin ka seta palabra de karta, bo rapara si dunu diritu. Ka bo ten kumitison ku el, pa i pudi burguñu.

1 Timótiu 5:17

Garandis di igreẑa ku sedu bon diriẑentis e ta ojadu mersidur di pagadu dus bias, riba di tudu, kilis ku ta tarbaja ciu na nsina ku konta Bon Noba,

Ebreus 13:24

Bo fala manteña pa tudu bo garandis ku tudu pobu di Deus. Kilis di Itália manda bos manteña.

Ebreus 13:7

Bo lembra di bo pastoris ku konta bos palabra di Deus. Bo pensa na manera ke yandaba; bo remenda se fe.

Tiagu 4:7

Asin, bo baŝa pa Deus; bo firma kontra diabu; i ta kuri di bos.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”

1 Samuel 8:19

Ma pobu ka seta obi palabra di Samuel; e fala: “Nau, ma no na tene un rei riba di nos.