Ebreus 13:16 - BIBLIA - traduson antigu in Krioulo

¹⁶ Ka bo diskisi di fasi ben, bo rapati ku utrus kil ku bo tene, pabia i e koldadi sakrifisiu ku Deus ta kontenti ku el.

Ebreus 13:16 ပူးပေါင်းရင်းမြစ်များ

Salmus 37:3

Fiansa na SIÑOR, bu fasi ben; bu na mora na tera di Israel, bu kume diritu na kau suguru.

Salmus 51:19

Dipus bu na kontenti ku sakrifisius ku ta dadu konformi lei, ku ofertas ntidu kemadu; jinti na pursenta bakas riba di bu altar.

Lukas 18:22

Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa na seu. Dipus bu ta bin, bu sigin.”

Atus 10:38

Bo sibi aserka di Jesus di Nazaré, kuma ku Deus unjil ku Spiritu Santu ku puder. I yanda tudu parti, i na fasi ben, i na kura tudu ku sta bas di puder di diabu, pabia Deus staba ku el.

Atus 9:36

I staba na Jope un minjer krenti ku comadu Tabita. (Si nomi na lingua gregu i Dorkas, ku signifika gazela.) I pasa si vida na fasi ben; i ta judaba pobris.

Romanus 12:13

Bo juda krentis ku ten nesesidadi, bo sedu gasijadur di ospri.

Gálatas 6:10

Asin, nkuantu no ten manera, no fasi ben pa tudu jinti, ma purmeru pa no familia na fe.

Gálatas 6:6

Si algin na nsinadu palabra di Deus, i dibi di rapati tudu kusa bon ki tene ku si pursor.

Efésius 4:28

Kil ku ta furtaba, pa i para furta, i pega ku si mon, i fasi bon tarbaju, pa i pudi tene kil ku ciga pa i rapati ku kil ku ka tene.

Filipensis 4:14

Ma i bon dimas manera ku bo judan na ña kansera.

Filipensis 4:18

N risibi ciu; kil ku bo mandan i ciu dimas. N tene tudu ku N pirsisa del, suma ku Epafroditu dan kil ku bo mandan. I suma oferta ku ta cera sabi pa Deus, ki ta kontenti pa risibi.

1 Tesalonisensis 5:15

Bo jubi pa ka ningin torna mal pa mal; bo buska fasi ben sempri, un pa utru, i pa tudu jinti.

2 Tesalonisensis 3:13

Abos, ermons, ka bo kansa fasi ben.

1 Timótiu 6:18

Fala elis pa e fasi ben, pa e rikusi ku bon obra, pa e sta pruntu pa da, pa e rapati ku utrus.

Filemon 1:6

N ta ora pa bu sedu forti na mostra bu fe, pa jinti pudi ten kada bias mas bon ntindimentu di tudu benson ku no union ku Kristu ta tisinu.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

3 Jon 1:11

Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.