Ebreus 12:28 - BIBLIA - traduson antigu in Krioulo

²⁸ Renu ku no risibi ka pudi bulbulidu. Asin no ba ta fala Deus obrigadu, no adoral ku rispitu, ku medu, suma ki misti,

Ebreus 12:28 ပူးပေါင်းရင်းမြစ်များ

Salmus 19:14

O SIÑOR, ña Roca, ña Libertadur, palabras di ña boka ku pensamentus di ña korson pa e sabi na bu dianti.

Salmus 2:11

Bo sirbi SIÑOR ku rispitu, bo kontenti ma bo tirmi tambi.

Salmus 89:7

Deus i rispitadu ku medu na juntamentu di si pobu; tudu kilis ku sta na si roda dibi di ten medu del.

Ditus 28:24

Kil ku furta di si pape o mame, i fala: “I ka pekadu,” i kumpañer di danadur.

Isaias 56:7

N na leba elis pa ña monti sagradu, N na da elis kontentamentu na ña kasa di orason. Se ofertas kemadu ku se sakrifisius na setadu na ña altar, pabia ña kasa na bin comadu kasa di orason pa tudu nasons.”

Isaias 9:7

Kirsimentu di si gubernu ku si pas ka na ten kabantada. I na sinta na tronu di Davi pa firmanta si renu, pa fortifikal ku justisa ku vida retu, disna di gosi pa sempri. SIÑOR ku ten tudu puder pui sintidu pa fasi e kusa.

Daniel 2:44

“Na tempu di ki reis, Deus di seu na lantanda utru renu ku nunka ka na danadu. Ki renu ka na pasa pa utru pobu; i na kebra-kebra tudu utru renus, i kaba ku elis. Ki renu na firmantadu diritu pa sempri.

Daniel 7:14

I dadu puder pa manda, ku gloria, ku renu, pa tudu rasas ku nasons ku jinti di tudu linguas pudi adoral. Si puder pa manda i pa sempri, i ka na pasa. Si renu i uniku ku ka na kabadu ku el.

Daniel 7:27

Renu ku puder ku garandesa di tudu renu bas di seu na dadu pa pobu di ki Deus ku sta riba di tudu. Si renu na sedu renu ku ka ta kaba; tudu reis na adoral, e na obdisil.”

Sirmonias 10:3

Moisés fala Aron: “Es i kusa ku SIÑOR kontaba ja, kontra i fala: ‘Kilis ku na ciga pertu di mi e ten ku rispitan suma Deus Santu. N na sedu glorifikadu dianti di tudu jinti.’ ” Aron fika kaladu.

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Lukas 1:33

I na rena pa sempri riba di jorson di Jakó. Si renu ka na kaba.”

Romanus 11:20

I sta bon! E kebradu pabia di se falta di fe. Abo bu sta firmi pabia di bu fe. Ka bu ronka, ma ten medu.

Efésius 1:6

No ngaba Deus pa si oferta gloriosu ki danu di grasa na si Fiju amadu.

Efésius 5:10

Bo buska sibi kusa ku Deus ta kontenti ku el.

Filipensis 4:18

N risibi ciu; kil ku bo mandan i ciu dimas. N tene tudu ku N pirsisa del, suma ku Epafroditu dan kil ku bo mandan. I suma oferta ku ta cera sabi pa Deus, ki ta kontenti pa risibi.

Ebreus 10:19

Asin, ña ermons, sangi di Jesus danu fiansa pa no yentra na lugar mas sagradu di tudu.

Ebreus 13:15

Asin, na Jesus, no ba ta da Deus sempri sakrifisiu di ngabal, ku sedu oferta di no boka ku ta konta di si nomi.

Ebreus 13:21

pa i fasi bos kompletu na kil ki bon, pa bo pudi fasi si vontadi. N misti pa i fasi di nos kil ki misti pa no sedu, pa mon di Jesus Kristu, kil ku no na da gloria pa sempri. Amen.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Ebreus 4:16

Asin no ciga ku fiansa dianti di tronu di Deus, nunde ku no na oja fabur, pa no yangasa miserikordia ku fabur, ku ajuda na ora ku no pirsisa del.

Ebreus 5:7

Oca i na vivi na mundu, i yalsa vos ku larma na orason, i pidi Deus, kil ku pudiba libral di mortu. I obidu pabia el i rispitadur di Deus.

1 Pedru 1:17

Si na orason bo ta coma Pape kil ku ka ta diferensia jinti, ma i ta julga kada kin konformi kusas ki fasi, bo yanda na rispitu pa el tudu tempu ku bo sta suma ospri ne mundu.

1 Pedru 2:20

I kal gloria si bo fasi mal, bo sutadu, bo nguenta ku pasensa? Ma si bo fasi ben, bo kastigadu, bo nguenta ku pasensa, i el ku ta sabi Deus.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.

Apokalipsi 1:6

i pui pa no rena, pa no sedu saserdotis pa sirbi Deus si Pape. El pa i dadu gloria ku puder pa sempri. Amen.

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”

Apokalipsi 5:10

Bu fasi elis reis ku saserdotis pa e sirbi no Deus; e na rena riba di mundu.”