Ebreus 12:27 - BIBLIA - traduson antigu in Krioulo

²⁷ Agora e palabra “mas un bias” mostra kuma kusas ku ta bulbuli, ku sedu kusas ku kumpudu, e na mundantadu, pa kilis ku ka ta bulbuli pudi fika.

Ebreus 12:27 ပူးပေါင်းရင်းမြစ်များ

Isaias 34:4

Sol, lua ku strelas na disparsi; seu na roladu suma libru di rolu. Tudu strelas na kai suma ku fojas ta konkoñi di pe di uva, o suma figu ta konkoñi di si pe.

Isaias 54:10

Nin si montañas bulbuli, o montis tiradu na se lugar, ña bondadi ka na bulbulidu; ña kontratu di pas ka na mainadu.” Asin ku SIÑOR ku ta ten pena di bo fala.

Isaias 65:17

“Jubi, N na kumpu nobu seu ku nobu tera; kusas ku pasa ka na lembradu, nin e ka na bin na kabesa di algin.

Isaias 66:22

I torna fala mas: “Suma ku nobu seu ku nobu tera ku N na bin fasi na sta ña dianti pa sempri, asin ku bo jorson ku bo nomi na sta.

Ezekiel 21:27

Danu! Danu! N na dana prasa tudu! I ka na kumpudu mas tok kil ku sedu si propi dunu bin; N na dal el.’

Aẑeu 2:21

“Papia ku Zorobabel, gubernadur di Judá, bu falal kuma N na bulbuli seu ku tera;

Mateus 24:35

Seu ku tera na pasa, ma ña palabra ka na pasa.

Romanus 8:19

Tudu ku Deus kumpu ta faima pa ki dia ku Deus na mostra kilis ku sedu si fijus,

Romanus 8:21

na speransa di kuma, un dia, e kusas ki kumpu na libradu di katiberasku di podrisa, e na risibi liberdadi gloriosu di fijus di Deus.

1 Koríntius 7:31

Kilis ku ta okupa ku tarbaju de mundu li, pa ka e fika suma kin ku maradu nel, pabia mundu, na manera ki sta gosi, i ka na tarda, i na pasa.

Ebreus 1:10

I fala inda: “Abo, Siñor, na kumsada bu kumpu tera; seu sedu tarbaju di bu mon.

Ebreus 13:14

pabia li na tera no ka tene un prasa ku na fika pa sempri, ma no na buska kil ku na bin.

Ebreus 9:11

Ma Kristu bin ja, suma Ŝef di Saserdoti di bon kusas ku sta ja. Tenda ki na sirbi nel i mas garandi, i mas kompletu; i ka tarbaju di mon di omi, nin i ka sedu de mundu ku kumpudu.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”

Apokalipsi 21:1

N oja un nobu seu ku nobu tera, pabia purmeru seu ku purmeru tera pasa ja. Mar ka ten mas.

Apokalipsi 21:4

I na limpa tudu larma na se uju. Mortu ka na ten mas, nin tristesa, nin cur, nin dur, pabia purmeru kusas pasa ja.”

Apokalipsi 21:5

Kil ku sinta na tronu i fala: “Jubi, N na fasi tudu kusa nobu.” I fala mas: “Skirbi, pabia e palabra i bardadi, i di fiansa.”