Ebreus 12:24 - BIBLIA - traduson antigu in Krioulo

²⁴ pa Jesus ku ranja nobu kontratu entri nos ku Deus, pa sangi ku wagadu, ku ta fala minjor di ki sangi di Abel.

Ebreus 12:24 ပူးပေါင်းရင်းမြစ်များ

Kumsada 4:10

SIÑOR puntal: “Ke ku bu fasi? Sukuta! Sangi di bu ermon i na gritan la na con.

Saida 24:8

Moisés toma ki sangi, i wagal riba di pobu, i fala: “Es i sangi di kontratu ku SIÑOR fasi ku bos konformi tudu e palabras.”

Isaias 55:3

Bo bin pa mi, bo mpina bo oreja, bo sukuta pa bo pudi tene vida, pabia N na fasi un kontratu ku bos pa sempri, pa N da bos bensons ku ka ta falia ku N fala Davi aserka delis.

Sirmonias 1:5

I na mata ki turu pikininu dianti di SIÑOR. Dipus, saserdotis, fijus di Aron, e na pursenta ki sangi, e na wagal na roda di altar ku sta na entrada di tenda di juntamentu.

Mateus 23:35

pa i pudi kai riba di bos tudu sangi di jinti justu ku darmadu na con, desdi sangi di ki omi justu, Abel, te sangi di Zakarias, fiju di Barakias, ku bo mata entri lugar sagradu ku altar.

Mateus 26:28

pabia es i ña sangi, sangi di [nobu] kontratu, ku darmadu pa manga di jinti, pa purdon di pekadus.

Markus 14:24

I fala elis: “Es i ña sangi, sangi di kontratu, ku darmadu pa manga di jinti.

Lukas 11:51

desdi sangi di Abel te sangi di Zakarias ku matadu na metadi di altar ku lugar sagradu. Sin, N na konta bos kuma, i jinti di aos ku na da konta de kusas.

Lukas 22:20

Di mesmu manera, dipus di sia, i toma kopu, i fala: “E kopu i nobu kontratu seladu ku ña sangi ku darmadu pa bos.

Gálatas 3:20

Midianeru i ka pirsis si i ten un algin son, ma Deus i un son.

1 Timótiu 2:5

I ten un Deus son, ku un algin ku sta na metadi di Deus ku jinti, ku sedu Kristu Jesus, omi,

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 11:28

I fe ku pul i fasi festival di Paskua; i waga sangi, pa anju di mortu ka toka purmeru fijus di pobu di Israel.

Ebreus 11:4

I fe ku pui Abel da Deus sakrifisiu mas bon di ki kil di Kain. E ku manda Deus ngabal kuma i justu; i kontenti ku si oferta. Pabia di fe, te dipus di mortu, i na papia inda.

Ebreus 13:20

N misti pa Deus ku ta da pas, ku lantanda di mortu no Siñor Jesus Kristu, garandi Pastor di karnel, pabia di sangi di kontratu ki fasi ntidu,

Ebreus 7:22

Asin Jesus fasidu fiadur di un kontratu mas minjor, suma ku Deus fasil ku juramentu.

Ebreus 8:13

Manera ku Deus fala: “Nobu kontratu”, i na coma ki purmeru kontratu beju. Asin kusa ku na bejusi, ku sta gastu, i ka na tarda pa disparsi.

Ebreus 8:6

Gosi Jesus dadu un tarbaju di saserdoti ki mas importanti di ki tarbaju di ki utrus, suma kontratu ki fasi na metadi di Deus ku si pobu i kontratu minjor, ku fasidu riba di minjor purmesas.

Ebreus 8:8

ma Deus kulpa elis oca ki fala e palabra: “Siñor fala kuma dias na bin ki na fasi nobu kontratu ku pobu di Israel, ku pobu di Judá tambi.

Ebreus 9:15

E ku manda i ranja nobu kontratu na metadi di nos ku Deus, pa kilis ku comadu pudi risibi yardansa ku ka ta kaba ku Deus fala i na da. Es pudi sedu son pabia di un mortu, ku ta liberta jinti di mal ke fasi na tempu di purmeru kontratu.

Ebreus 9:19

Moisés konta dianti di pobu tudu mandamentu suma ki sta na lei; dipus i toma sangi di fijus di baka ku bodis, ku yagu; i toma tambi un padas di po di isopi, ku lan burmeju, i waga riba di libru di lei propi, ku tudu jinti,

Ebreus 9:21

Na mesmu manera i waga sangi tambi na tenda, ku tudu kusa ku ta usadu na sirmonia pa Deus.

1 Pedru 1:2

Deus pui sintidu na bos desdi antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di fabur ku pas.