Ebreus 12:15 - BIBLIA - traduson antigu in Krioulo

¹⁵ Bo toma sintidu pa ka ningin pirdi fabur di Deus, pa ka nin un rais malgos nasi pa kansa bos, i bin venena manga di jinti;

Ebreus 12:15 ပူးပေါင်းရင်းမြစ်များ

1 Reis 14:16

I na bandona Israel pabia di pekadu ku Jeroboan fasi, ki pui Israel pa i fasi tambi.”

Saida 32:21

I punta Aron: “Ke ku e pobu fasiu, ku manda bu tisi e garandi pekadu riba delis?”

Ditus 4:23

Riba di tudu, guarda bu korson, pabia el i fonti di vida.

Isaias 5:4

Ke ku pudiba fasidu inda pa ña orta di uva ku N ka fasil? Suma ku N na speraba pa i padi bon uva, kuma ki yanda i padi uvas brabu?

Isaias 5:7

Orta di uva di SIÑOR ku ten tudu puder i sedu pobu di Israel; jinti di Judá e sedu planta ki gosta ciu del. I na speraba pa e fasi justisa diritu, ma i oja sangi darmadu; i na speraba pa e yanda diritu, ma i obi gritus di jinti ku na maltratadu.

Jeremias 2:21

I ami propi ku parantau, suma bon rasa di pe di uva, ku nasi di simentera puru. Kuma ku bu torna pa mi un po brabu, un planta ku pirdi si koldadi?

Lukas 22:32

ma N ora pa bo, pa ka bu pirdi fe. Ora ku bu riba mas pa mi, bu ta fortifika bu ermons.”

1 Koríntius 10:12

Kil ku oja kuma i sta firmi, pa i toma sintidu pa ka i kai!

1 Koríntius 13:8

Amor nunka i ka ta falia, ma si anunsius ten, e na kaba. Si linguas ten, e na para. Si kuñisimentu ten, i na disparsi,

1 Koríntius 15:33

Ka bo ngana bo kabesa. Mau kumpañerasku ta dana bon manera di yanda di algin.

1 Koríntius 5:6

Bo njatamentu i ka bon. O bo ka sibi kuma un bokadu di fermentu ta orfa masa tudu?

2 Koríntius 13:5

Bo jubi bo kabesa, bo julga si bo na vivi na fe inda. O bo ka sibi kuma Jesus Kristu sta na bos? O son si bo raproba ja.

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

Gálatas 2:13

Ki utru krentis judeu tambi finji suma Pedru, na manera ku te Barnabé lebadu na ki finjimentu.

Gálatas 5:4

Abos tambi ku na sigi lei pa pudi ojadu justu, bo ligason ku Kristu sta kortadu; bo kai di fabur di Deus.

Efésius 5:3

Pekadu seksual ku tudu koldadi vida susu ku kubisa, i ka bon pa i comadu na bo metadi, suma ku bo sedu pobu di Deus.

Ripitison di Lei 29:18

Bo toma sintidu pa ka i ojadu na bo metadi omi nin minjer nin familia nin jorson ku si korson na disvia di SIÑOR no Deus, pa i bai sirbi deusis di ki nasons, pabia kila ta bin sedu suma rais ku ta nasi pa padi frutu malgos ku ta mata.

Ripitison di Lei 32:32

Se pe di uva i bin di Sodoma, i sai na orta di Gomora. Se uvas inci ku venenu; se kacu i malgos.

Ripitison di Lei 4:9

Toma sintidu ku bu kabesa, bu guarda bu vida diritu, pa ka bu diskisi di ki kusas ku bu oja ku bu uju, pa ka e pirdi na bu korson nkuantu bu sta di vida. Bu na kontal pa bu fijus ku fijus di bu fijus.

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

Titu 1:15

Tudu i puru pa jinti puru, ma nada i ka puru pa kilis ki susu, kilis ku ka ten fe, ma se ntindimentu ku se konsiensia sta susu.

Ebreus 3:12

Ermons, bo toma sintidu pa ka nin un di bos tene mau korson, ku ka ta fia, pa i bin fasil lunjusi di Deus bibu.

Ebreus 4:1

Suma no ten inda purmesa di yentra na si lugar di diskansu, no toma sintidu pa ka nin un di bos bin falia, i pirdi entrada,

Ebreus 4:11

No fasi forsa pa yentra ne lugar di diskansu pa ka ningin sigi isemplu di kilis ku disobdisi.

Ebreus 6:11

I no vontadi pa kada un di bos mostra mesmu interes te na fin, pa bo pudi yangasa kusas ku bo na pera.

Josué 6:18

Bo libra di toma kusas ku Deus fala pa dana, pabia, si bo tomal, bo na tisi kastigu ku danu riba di kampamentu di Israel.

2 Pedru 1:10

Asin ermons, bo fasi forsa kada bias mas pa proba kuma na bardadi bo comadu, bo kujidu. Si bo fasi asin, nunka mas bo ka na kai.

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.

2 Pedru 3:11

Suma ku tudu e kusas ten ku pajigadu, kal koldadi jinti ku bo dibi di sedu? Bo dibi di tene vida limpu, son pa Deus,

2 Pedru 3:14

Asin, ña kiridu ermons, suma ku bo na pera e kusa, bo fasi mpeñu pa bo ojadu sin manca, sin kulpa, ku pas si dianti.

2 Jon 1:8

Bo toma sintidu ku bo kabesa, pa ka bo pirdi kil ku no tarbaja pa el, ma pa bo risibi pagamentu kompletu.