Ebreus 12:14 - BIBLIA - traduson antigu in Krioulo

¹⁴ Bo buska ten pas ku tudu jinti; bo buska tambi un vida puru, pabia sin el ningin ka na oja Siñor.

Ebreus 12:14 ပူးပေါင်းရင်းမြစ်များ

Kumsada 32:30

Asin Jakó coma nomi di ki kau Peniel pabia i fala: “N oja Deus rostu ku rostu, N fika ku vida.”

Jo 19:26

Dipus ku ña peli kumedu, ami, na ña karni, N na oja Deus.

Jo 33:26

I na ora; Deus na mostral fabur. I na oja rostu di Deus, i kanta ku kontentamentu; Deus na torna ojal justu.

Salmus 120:6

N tarda dimas na metadi di kilis ku ka ten nada ku pas.

Salmus 133:1

Un kusa bon i sabi dimas i pa ermons vivi juntu na unidadi!

Salmus 34:14

Lunjusi di mal, bu fasi kil ki bon; buska pas, bu yanda nel.

Salmus 38:20

Kilis ku paga mal pa ben e sta kontra mi, pabia N pega na kil ki bon.

Salmus 94:15

Julgamentu na torna fasidu ku justisa; tudu jinti di korson retu na apoial.

Ditus 15:1

Bon rasposta ta kalma raiba, ma palabra duru i ta lantandal.

Ditus 16:7

Si SIÑOR sta kontenti ku manera ku un omi na yanda, i ta fasi si inimigus ten pas ku el.

Ditus 17:14

Pa kumsa jus i suma yagu ku kumsa rumpi orik. Mas minjor bu disa asuntu pa ka i bin torna garandi.

Isaias 51:1

Bo sukutan, abos ku ta sigi kusa ku sta sertu, abos ku ta buska SIÑOR. Bo jubi pa roca ku bo kortadu nel, pa koba di pedra nunde ku bo tiradu nel.

Markus 9:50

Sal i bon, ma si i pirdi si gustu, ku ke ku bo na pul mas pa i salga? Bo tene sal na bo vida, pa bo sta ku ŋutru na pas.”

Lukas 1:75

pa no sedu puru i justu si dianti tudu dias di no vida.

Romanus 12:18

Bo fasi mas ku bo pudi pa ten pas ku tudu jinti.

Romanus 14:19

Asin, no ba ta sigi kusa ku ta tisi pas, ku ta judanu pa no edifika ŋutru.

Romanus 6:22

Ma gosi, bo sta libri di pekadu, bo fasidu katibus di Deus. Frutu ku bo tene gosi na leba bos pa puresa, dipus pa vida ku ka ta kaba.

1 Koríntius 1:10

Ermons, N pidi bos, na nomi di no Siñor Jesus Kristu, pa abos tudu bo fala un kusa son. Ka bo sedu divididu, ma bo uni na un pensamentu ku un sintidu.

1 Koríntius 13:12

Kil ku no na oja gosi, i suma bo na oja fusku na spiju, ma na tempu ku na bin bin, no na oja kara ku kara. Kil ku N sibi gosi, i son un kusa lebi, ma na ki tempu N na kunsi kusa klaru, suma ku Deus kunsin.

2 Koríntius 6:17

E ku manda Siñor fala: “Bo sai na se metadi; bo separa delis. Ka bo toka nada impuru; ami N ta risibi bos,

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

Gálatas 3:21

Nta lei na fala kontra purmesas di Deus? Nau. Si i daduba un lei ku pudiba da vida, nta algin pudi ojaduba justu pabia di ki lei,

Efésius 5:5

Bo pudi ten sertesa kuma, algin ku ta fasi pekadu seksual, o kil ku tene vida susu, o kil ku ten kubisa (ki suma idulatria), i ka pudi pertensi renu di Kristu, ku sedu renu di Deus.

Filipensis 3:12

N ka na fala kuma N yangasa ja, o N sedu ja pirfitu, ma N na fasi forsa pa N bai dianti, pa N pudi toma ki kusa ku Kristu Jesus toman pa el.

1 Tesalonisensis 3:13

N misti pa i fortifika bo korson, pa bo sedu puru, sin kulpa dianti di no Deus Pape ora ku no Siñor Jesus bin ku tudu kilis ku pertensil.

1 Tesalonisensis 4:7

Deus ka comanu pa susidadi, ma pa no sedu puru.

1 Tesalonisensis 5:15

Bo jubi pa ka ningin torna mal pa mal; bo buska fasi ben sempri, un pa utru, i pa tudu jinti.

1 Timótiu 6:11

Abo, omi di Deus, libra de kusas, bu sigi justisa, un vida suma ku Deus misti, ku fe, amor, firmesa, ku mansesa.

2 Timótiu 2:22

Libra di diseẑu forti di nobresa, bu buska yanda diritu, ku fe, amor ku pas, juntu ku kilis ku ta coma nomi di Siñor ku korson puru.

Ebreus 12:10

Elis e krianu pa puku tempu suma ke ntindi, ma Deus ta krianu pa no purbitu, pa no pudi tene vida puru suma el.

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

1 Pedru 3:11

pa i da kosta pa mal, i fasi ben, pa i buska pas, i sigil.

1 Pedru 3:13

Kin ku na fasi bos mal si bo ten mpeñu di fasi ben?

2 Pedru 3:11

Suma ku tudu e kusas ten ku pajigadu, kal koldadi jinti ku bo dibi di sedu? Bo dibi di tene vida limpu, son pa Deus,

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.

3 Jon 1:11

Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.

Ŝefis 11:14

Jeftá torna manda jinti pa rei di Amon