Ebreus 12:11 - BIBLIA - traduson antigu in Krioulo

¹¹ Na bardadi, nin un kastigu ka ta sabi na ki ora; i ta punu tristi, ma mas tardi i ta da bon frutu di pas na kilis ku kriadu nel, pa e tene vida limpu.

Ebreus 12:11 ပူးပေါင်းရင်းမြစ်များ

Kumsada 21:11

E palabra ka sabi Abraon pabia di si fiju Ismael,

Salmus 118:18

SIÑOR kastigan duru, ma i ka ntregan pa mortu.

Salmus 119:165

Kilis ku gosta di bu lei e ten garandi pas; nada ka pudi pui elis pa e da tapada.

Salmus 89:32

N na kastiga se pekadu ku mantampa; N na suta elis pabia di se kulpa,

Ditus 15:10

Kastigu duru na pera kil ku sai na kamiñu; kil ku raprindidu i nega, i na muri.

Ditus 19:18

Kria bu fiju diritu nkuantu i ten inda speransa. Si bu ka fasi asin, bu na judal pa i muri sedu.

Isaias 19:22

SIÑOR na kastiga ejipsius, i na kura elis. E na konverti pa SIÑOR; i na obi se orasons, i na kura elis.

Isaias 32:17

Manera ku jinti na yanda na justisa ku retidon, pas, diskansu ku suguransa na ten pa sempri.

Romanus 14:17

Renu di Deus i ka kumida, nin bibida, ma i pa tene vida justu ku pas ku alegria ku Spiritu Santu ta da.

2 Koríntius 4:17

No sufrimentu pikininu ka ta tarda, ma i ta tisinu un garandi gloria ku ka ta kaba, ku na pesa mas di ki sufrimentu ku no ta pasa.

2 Timótiu 4:8

Gosi pa dianti koroa na peran, ku sedu premiu di un vida puru, ku Siñor, justu juis, na dan na ki dia. I ka ami son, ma tambi tudu kilis ku se korson na pera ora ki na bin.

Ebreus 12:10

Elis e krianu pa puku tempu suma ke ntindi, ma Deus ta krianu pa no purbitu, pa no pudi tene vida puru suma el.

Ebreus 5:14

ma bianda risu i pa garandi, ku ten manga di spiriensia ku pratika pa ntindi ben ku mal.

1 Pedru 1:6

Es i un roson pa bo sinti garandi alegria, kontudu i pudi pirsisadu pa bo fika tristi pa un tempu pabia di manga di koldadi probason ku pudi bin.

2 Pedru 2:14

E pui se uju son na minjeris di mau vida, ujus ku ka ta para peka. E ta ngoda jinti ku ka sta firmi; e ta faima pa tene; maldison sta riba delis.