Ebreus 11:7 - BIBLIA - traduson antigu in Krioulo

⁷ I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.

Ebreus 11:7 ပူးပေါင်းရင်းမြစ်များ

Kumsada 19:14

Asin Lo sai, i papia ku omis ku staba pa kasa ku si fijus, i fala elis: “Bo janti, bo sai ne kau. SIÑOR sta pruntu pa kaba ku e prasa.” Ma ki omis tomal na brinkadera.

Kumsada 6:13

Deus fala Noe: “Ami N na kaba ku tudu jinti, pabia tera inci abusu ku maldadi. N na kaba ku elis tudu ku tera.

Kumsada 6:22

Noe fasi tudu suma ku Deus mandal.

Kumsada 6:9

Es i storia di Noe. Noe seduba un omi justu, ku staba sin kulpa na metadi di jinti di si tempu. I ta yandaba ku Deus.

Kumsada 7:23

Tudu kriatura bibu ku staba na tera i kabadu ku el; jinti, ku limarias, ku kilis ku ta rasta, ku kacus di seu, e kabadu ku el. Noe fika el son, ku kilis ku staba ku el na barku.

Kumsada 7:5

Noe fasi tudu kil ku SIÑOR mandal.

Kumsada 8:16

“Sai na barku, abo ku bu minjer, ku bu fijus ku se minjeris.

2 Reis 4:5

Asin minjer bai, i yentra dentru ku si fijus, i fica porta. E fika e na tisil jarus; el i na inci elis.

Jo 35:8

I utru omis suma bo ku ta sufri di bu pekadu; elis tambi e ta purbita si bu fasi diritu.

Ditus 22:3

Algin ku ta pensa diritu i ta oja pirigu, i bai sukundi, ma kil ku ka ta pensa diritu i ta yentra na pirigu, i ta bai sufri.

Ditus 27:12

Jiru ta oja pirigu, i bai sukundi, ma kil ku ka ta pensa i ta bai son pa dianti, i ta bin sufri.

Ezekiel 14:14

Mesmu ku ki tris omi, Noe, Daniel ku Jo, e moraba na se metadi, elis pa se bondadi e na salba son se propi vida. Asin ku SIÑOR Deus fala.

Ezekiel 14:20

mesmu ku Noe, Daniel ku Jo staba la, ami, SIÑOR Deus, N jurmenta pa ña vida kuma, e ka na pudi salba se fijus macu o femia, ma son se propi vidas ke na pudi salba, pabia di se bondadi.

Ezekiel 33:5

I obi toku di korneta ma i ka para sintidu; asin, kulpa ta sedu di sil. Si i paraba sintidu, i na salbaba si vida.

Mateus 2:12

Deus bin avisa elis na suñu pa ka e riba pa Erodis. Asin e bai pa se tera na utru kamiñu.

Mateus 24:15

(Kin ku na lei, pa i buska ntindi e kusa.) “Ora ku bo oja na lugar santu ki ‘nujentimenti meduñu’ ku anunsiadur Daniel fala del,

Mateus 24:25

Ali N jumna N konta bos.

Mateus 24:38

Na tempu antis di diluviu, jinti na kumeba, e na bibi, e na kasa, e na da se fijus pa kasamenti, te na dia ku Noe yentra na barku.

Mateus 3:7

Jon bin oja manga di jinti di partidus di fariseus ku saduseus na binba pa kau nunde ki na batisa. I fala elis: “Jorson di kobras, kin ku nsina bos kuri di kastigu ku na bin?

Lukas 17:26

Suma ki kontisi na dias di Noe, asin ki na sedu tambi na dias di Fiju di omi.

Romanus 1:17

I ta mostra kuma ku Deus ta fasi algin justu si dianti. Di kumsada te fin i son pa fe, suma ki sta skritu na palabra di Deus: “Omi justu i na vivi pabia di si fe.”

Romanus 10:6

Aserka di sedu justu pabia di fe, i fala: “Ka bu punta na bu korson: ‘Kin ku na subi na seu?’ ” (ku sedu pa bai tisi Kristu di riba)

Romanus 3:22

Deus ta fasi jinti ku fia na Jesus Kristu pa e sedu justu. El i ka ta fasi skuju; i pa tudu kil ku ten fe.

Romanus 4:11

I risibi sirkunsison suma sinal di kuma i sedu justu pabia di si fe antis di i sirkunsidadu, pa i pudi sedu pape di tudu kilis ku fia ku ka sirkunsidadu, pa elis tambi pudi ojadu justu;

Romanus 4:13

Deus fala Abraon ku si jorson kuma mundu na sedu di selis. I ka daba elis e purmesa pabia Abraon kumpri lei, ma i pabia si fe pul pa i ojadu justu.

Romanus 9:30

Ke ku no na fala gora? No na fala kuma jintius ku ka na buskaba sedu justu, e bin ojadu justu pabia di se fe,

Gálatas 5:5

Suma nos, no speransa ku no na pera i pa no ojadu justu pa tarbaju di Spiritu di Deus pabia di no fe.

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.

Ebreus 11:1

Fe i sertesa di kusas ku no na pera; i proba di kil ku no ka oja.

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.

Ebreus 5:7

Oca i na vivi na mundu, i yalsa vos ku larma na orason, i pidi Deus, kil ku pudiba libral di mortu. I obidu pabia el i rispitadur di Deus.

Ebreus 8:5

E na tarbaja na un lugar ki son figura ku sombra di kil ku sta na seu. I suma na kasu di Moisés, oca ki staba pa kumpu tenda, ku Deus avisal pa i toma sintidu di fasi tudu suma ki forma ki mostradu na monti.

1 Pedru 3:20

ku sedu kilis ku nega obi na tempu di Noe, oca ku Deus na pera ku pasensa kontra barku na kumpudu. Jinti ku staba na ki barku e puku, son oitu. Yagu boianta elis tok e salba.

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

2 Pedru 2:5

I ka purda mundu antigu, kontudu i guarda Noe (ku konta jinti kuma e dibi di yanda diritu) ku mas seti jinti; i manda diluviu riba di kilis ku negal.

2 Pedru 3:6

Ki mundu di antigu kabadu ku el ku yagu; yagu di diluviu kubril,